ᐁ ᐋᐸᒋᐦᑖᑲᓅᒡ ᐁᑎ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐁ ᐅᐦᒋ ᓂᔥᑐᐧᐄᔥᑕᑲᓅᒡ ᒉᐧᑳᓐ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓐ ᑲᔦᐦ ᐊᓂᒌ ᑳ ᒫᒨᐱᔥᑕᐧᑳᐤᐦ

 

 

ᑳ ᒉᔥᑎᓈᑕᐱᐧᑖᐤ ᐁ ᒫᒨᐱᔥᑕᐦᐧᑳᐤ ᐃᑎᔓᐧᐁᐧᐃᓐᐦ ᑲᔦᐦ
ᒋᔐᐅᒋᒫᐅᑲᒥᑯᐦᒡ ᐁ ᐋᐸᑎᓰᔥᑕᐧᑳᐤ ᒉᐧᑳᔫᐦ

 

ᒋᔐᐅᒋᒫᐤ ᐋᐸᒋᐦᐋᑲᓐ ᓛᕇ ᐹᑲᓀᓪ
ᑳ ᓃᑳᓂᐱᔥᑕᒃ

 

 

 

ᒧᔖᐧᐁᐦᔮᐅᐲᓯᒻ 2018
42^e ᒋᔐᐅᒋᒫᐅᑲᒥᒄ, 1^er ᐁ ᓂᔥᑐᐧᐄᓈᓅᒡ

 

ᑳ ᒉᔥᑎᓈᑕᐱᐧᑖᐤ ᐁ ᒫᒨᐱᔥᑕᐦᐧᑳᐤ ᐃᑎᔓᐧᐁᐧᐃᓐᐦ ᑲᔦᐦ ᒋᔐᐅᒋᒫᐅᑲᒥᑯᐦᒡ ᐁ ᐋᐸᑎᓰᔥᑕᐧᑳᐤ ᒉᐧᑳᔫᐦ

ᑳ ᓃᑳᓂᐱᔥᑕᐦᒃ

ᒋᔐᐅᒋᒫᐅᐋᐸᒋᐦᐋᑲᓐ ᓛᕇ ᐹᒃᓀᓪ

ᑳ ᐅᐦᒋ ᑖᒋᔥᑯᐧᐋᐧᑖᐤ ᑳ ᓃᑳᓇᐱᔥᑕᒥᔨᒡ

ᐸᓗᐃᒃ ᕆᒋᕐᑎᔅ

ᑌᐃᕕᑦ ᑲᕆᔅᑕᕕᓯᓐ

ᑳ ᒫᒨᐱᐧᑖᐤ ᐊᐧᐁᓂᒌ

ᑲᕆᔅ ᐱᑎᓪ

ᐋᓐᑏ ᕕᓪᐧᒫᕐ (ᐊᓂᒌ ᐁᑳ ᒌ ᐧᐄᒋᐦᐄᐧᐁᐧᑖᐤ ᐊᓂᑌᐦ ᐄᔑ ᐧᐃᔦᔨᐦᑕᒧᐧᐃᓂᐦᒡ, ᐊᓐ ᐁ ᓅᓱᓀᐦᐊᑲᓅᒡ ᐁ ᒉᔥᑎᓈᔥᑌᒡ ᐧᐄᔓᐧᐁᐧᐃᓐ 104(5).)

ᑌᐃᕕᑦ ᑌ ᐱᕐᒃ ᑲᕌᒻ

ᑫᕕᓐ ᓛᒨᐅᔅ (ᐊᓂᒌ ᐁᑳ ᒌ ᐧᐄᒋᐦᐄᐧᐁᐧᑖᐤ ᐊᓂᑌᐦ ᐄᔑ ᐧᐃᔦᔨᐦᑕᒧᐧᐃᓂᐦᒡ, ᐊᓐ ᐁ ᓅᓱᓀᐦᐊᑲᓅᒡ ᐁ ᒉᔥᑎᓈᔥᑌᒡ ᐧᐄᔓᐧᐁᐧᐃᓐ 104(5).)

ᐧᒑᓐ ᓀᐃᑎᕐ

ᔅᐧᑳᑦ ᕇᑦ

ᕉᐲ ᓵᐅᑖ

ᔅᐧᑳᑦ ᔅᒥᔅ

ᕕᓗᒦᓈ ᑖᓰ

ᑯᑕᑲᒡ ᐊᐧᐁᓂᒌ ᑳ ᐊᐱᐧᑖᐤ ᐊᓂᑌᐦ ᒋᔐᐅᒋᒪᐅᑲᒥᑯᐦᒡ ᐁ ᒌ ᐧᐄᒋᐦᐄᐧᐁᐧᑖᐤ

ᓯᓪᕖ ᐴᔐᐃ

ᓀᐃᕠᓐ ᑯᓕᓐ

ᐧᕌᐸᕐᑦ ᒉᐃ ᐧᒫᕆᓭᐃ

ᒋᔐᐅᒋᒫᐅᐋᐸᒋᐦᐋᑲᓐ ᑫᐃ ᑫᓖ ᓖᒡ

ᒫᐃᑲᓪ ᓓᕕᑦ

ᐧᕌᓐ ᓛᐃᐱᕐᑦ

ᑳᐦᑏ ᒪᒃᓛᐅᑦ

ᒋᔐᐅᒋᒫᐅᐋᐸᒋᐦᐋᑲᓐ ᐁᕆᓐ ᐅ-ᑑᓪ

ᐧᕌᐅᒦᔪ ᓵᑲᓈᔥ

ᕌᒉᐃ ᓭᐃᓃ

ᑫᓂᑏ ᔅᑑᐧᐊᕐᑦ

ᐧᐹᑉ ᓯᒥᕐ

ᑳ ᒪᓯᓇᐦᐄᒉᑦ ᐁ ᐃᑖᐸᑎᓯᔨᑦ ᐊᓂᑦᐦ ᑳ ᒫᒨᐱᐧᑖᐤ

ᐋᓐᑎᕉ ᓚᐅᐧᓵᓐ

ᒪᓯᓇᐦᐄᑲᓂᑲᒥᒄ ᐊᓂᑦᐦ ᒋᔐᐅᒋᒫᐅᑲᒥᑯᐦᒡ

ᒋᔐᐅᒋᒫᐅᑲᒥᒄ ᐧᐄᐦᑕᒫᒉᐅᐧᐃᓐ ᑲᔦᐦ ᐁ ᓈᓂᑐᒋᔅᒉᔨᐦᑕᑲᓅᒡ ᐁ ᐋᐸᑎᓰᔥᑕᑲᓅᒡ

ᐅᓐᑎᕃᐃ ᐹᕐᓂᔅ, ᑳ ᓈᓂᑐᒋᔅᒉᔨᐦᑕᒃ

ᒫᐃᑲᓛ ᑮᓇᓐ-ᐯᓕᑎᔦᔨ, ᑳ ᓈᓂᑐᒋᔅᒉᔨᐦᑕᒃ

 

ᑳ ᒉᔥᑎᓈᑕᐱᐧᑖᐤ ᐁ ᒫᒨᐱᔥᑕᐦᐧᑳᐤ ᐃᑎᔓᐧᐁᐧᐃᓐᐦ ᑲᔦᐦ ᒋᔐᐅᒋᒫᐅᑲᒥᑯᐦᒡ ᐁ ᐋᐸᑎᓰᔥᑕᐧᑳᐤ ᒉᐧᑳᔫᐦ

ᒋᔥᑌᔨᐦᑕᑯᓂᔫ ᒉ ᒌ ᐧᐋᐸᐦᑎᐧᐁᐧᑖᐤ

ᑯᐧᑖᓱᒥᑎᓄ-ᑯᐧᑖᔥᒡ ᐧᐄᐦᑕᒪᐅᓯᓇᐦᐃᑲᓂᐧᐋᐤ

ᐁᒌ ᐧᐄᔓᒪᑲᓄᐧᑖᐤ ᐊᓂᒌᒡ ᑳ ᒉᔥᑎᓈᑕᐱᐧᑖᐤ ᐁ ᐋᐸᑎᓰᔥᑕᐧᑳᐤ 108(3)a)(iii), ᑳ ᒫᒨᐱᔥᑕᐧᑳᐤ ᐁᒌ ᓈᓂᑑ ᒋᔅᒉᔨᐦᑕᐧᑳᐤ ᐁ ᐋᐸᒋᐦᑖᑲᓄᐧᐃᔨᒡ ᐁᑎ ᐃᑎᔅᑲᓀᓯᒥᑯᒡ ᐊᔨᒧᐧᐃᓐ ᐁ ᓂᔥᑐᐧᐄᓈᓅᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᑲᔦᐦ ᒌ ᓇᔅᑯᒧᐧᐃᒡ ᒉ ᐧᐄᐦᑕᐧᑳᐤ ᐆᔫ:

 

 

ᐊᓐ ᒉᐧᑳᓐ ᐁ ᐃᔒ ᐧᐁᔨᐦᑕᑲᓄᐧᐃᒡ ᑳ ᐊᔨᒨᑕᑲᓄᐧᐃᒡ, ᑳ ᒫᒨᐱᔥᑎᐧᑳᐤ ᒉ ᒌ ᐅᔑᐦᑕᐧᑖᐤ ᒉ ᐄᔑ ᐧᐁᔨᐦᑕᑲᓄᔨᒡ ᒉᐧᑳᔫ ᐊᓂᑦ ᐁ ᒌ ᐧᐄᓯᓇᐦᐊᐧᑳᐤ ᒪᓯᓇᐦᐄᑲᓂᔫ ᒉ ᐅᑎᓇᒥᔨᒡ ᒋᔐᐆᒋᒫᐅᐧᐋᔅᑳᐃᑲᓂᒡ ᓀᔥᑦ ᒋᔐᐆᒋᒫᐤᐦ᙮ ᐊᓐ ᑳ ᐄᔑ ᐧᐁᔨᐦᑕᑲᓄᐧᐃᒡ ᐁ ᒪᓯᓇᐦᑌᐤ ᐊᓂᑦ ᓃᐦᑖᐦᒡ᙮

ᐁ ᐄᔑ ᐧᐁᔨᐦᑕᑲᓄᐧᐃᒡ ᒉᐧᑳᓐ 1

ᒉ ᒌ ᐊᐸᒋᓯᑦ ᐄᔨᔫ ᐊᔨᒧᐧᐃᓐ ᑲᔦᐦ ᒉ ᒌ ᒋᐦᑳᔮᐸᑕᑲᐧᐃᒡ ᐊᓂᑌᐦ ᒋᔐᐆᒪᐆᐧᐋᔅᑳᐦᐄᑲᓂᒡ ᑖᓐ ᑳ ᐃᔒ ᐧᐁᔨᐦᑕᑯᒡ ᑳ ᐊᔨᒨᑕᑲᓄᐧᐃᒡ

ᐁ ᐄᔑ ᐧᐁᔨᐦᑕᑲᓄᐧᐃᒡ ᒉᐧᑳᓐ 2

ᐊᓂᒌ ᑳ ᒫᒨᐱᔥᑎᐧᑳᐤ ᐄᔮᐧᑳ ᒉ ᑲᓇᐧᐋᐸᐦᑕᐧᑳᐤ ᑲᔦᐦ ᒉ ᐧᐁᔨᐦᑕᐧᑳᐤ ᑖᓐ ᒉ ᐃᔥᐱᔥ ᑎᐱᐦᐊᐧᒫᑲᓄᐧᐃᒡ ᐊᓂᔫ ᑳ ᒫᒨᐱᔥᑎᒥᔨᒡ ᐅᐦᒋ ᐄᔨᔫ ᐊᔨᒧᐧᐃᓐ ᒉ ᒋ ᐊᐸᒋᓯᑦ ᐊᓂᔫ ᒉᐧᑳᔫ ᐊᓂᑐᐧᐁᔨᑕᑯᓯᐧᑖᐤ ᒉ ᐄᔑ ᐊᐸᑎᔒᔥᑕᐧᑳᐤ ᐊᓂᑦ ᐅᐦᒋ ᒫᒨᐱᔥᑲᓄᐧᐃᒡ ᐧᐄᔔᐧᐁᐧᐃᓐ᙮

 

ᐁ ᒋᐦᒋᐸᔨᒡ

ᐊᓂᑦ 25 ᐧᐁᐦᐧᐁᐅᐲᓯᒻ 2017, ᑳ ᒉᔥᑎᓈᑕᐱᐧᑖᐤ ᐁ ᒫᒨᐱᔥᑕᐦᐧᑳᐤ ᐃᑎᔓᐧᐁᐧᐃᓐᐦ ᑲᔦ ᒋᔐᐅᒋᒫᐅᑲᒥᑯᐦᒡ ᐁ ᐋᐸᑎᓰᔥᑕᐧᑳᐤ ᒉᐧᑳᔫᐦ (ᑳ ᒫᒨᐱᔥᑕᐧᑳᐤ) ᒌ ᐅᐦᑐᐦᑕᑯᐧᐃᑦ ᒪᓯᓇᐦᐄᑲᓂᔫ ᐁ ᒌ ᒪᓯᓇᐦᐊᒫᑯᐧᑖᐤ ᒋᔐᐅᒋᒫᐤ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ ᐅᐦᒋ ᑖᓐ ᑳ ᐄᔑ ᐧᐁᔦᔨᐦᑕᑲᓅᒡ 20 ᒧᔖᐧᐁᐦᔮᐅᐲᓯᒻ 2017 ᒉ ᒌ ᐊᔨᒨᑕᒪᓄᐧᐃᒡ ᐁ ᐋᐸᒋᐦᑖᑲᓅᒡ ᐁᑎ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ[1] ᐊᓂᑌᐦ ᒋᔐᐅᒌᐅᐧᐋᔅᑳᐦᐄᑲᓐ᙮ ᐊᓂᑦ ᒪᓯᓇᐦᐄᑲᓂᒡ, ᒋᔐᐆᒋᒫᐤ ᒌ ᐧᐄᐦᑕᒧᐧᐁᐤ ᐊᓂᔫᐦ ᑳ ᒫᒨᐱᔥᑕᒥᔨᒡ, ᐁ ᐧᐋᐸᐦᑖᒥᒉᓐᐦ ᒉ ᒌ ᐃᔑᓇᐦᑯᓂᔨᒡ ᒉ ᓈᓂᑑ ᒋᔅᒉᔨᐦᑕᑲᓄᐧᐃᔨᒡ ᐁ ᐋᐸᒋᐦᑖᑲᓅᒡ ᐁᑎ ᐃᑎᔅᑳᓀᓯᒥᑯᒡ ᐊᔨᒨᐧᐃᓐ ᐃᔮᐅᒡ ᑲᔅᒋᐦᐆᐧᐃᓂᔫ ᒉ ᒌ ᐊᔨᒨᑕᑲᓄᐧᐃᔨᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮

ᐊᓂᑦ 2 ᒪᔥᑰᑎᓂᐲᓯᒻ 2017, ᐆ ᒫᒃ ᑳ ᐄᔑ ᐧᐁᔦᔨᐦᑖᑲᓅᒡ ᐋᐸᐦᑎᓰᐧᐃᓐ 108(3)a)(vi), ᑳ ᒫᒨᔥᐱᑕᐧᑳᐤ ᒌ ᐧᐁᔦᔨᐦᑕᒥᒡ ᒉ ᓈᓂᑑ ᒋᔅᒉᔨᐦᑕᑯᓄᐧᐃᔨᒡ ᒉ ᒌ ᐋᐸᒋᐦᑖᑲᓅᒡ ᐁᑎ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐊᓂᑌᐦ ᒋᔐᐅᒌᐅᑲᒥᑯᒡ, ᐁᑯᐦ ᐊᓂᒌ ᑳ ᒫᒨᐱᔥᑕᐧᑳᐤ ᑳ ᒋᐦᒋᔨᐦᑖᐧᑖᐤ ᐁ ᓈᓂᑑ ᒋᔅᒉᔨᐦᑕᑲᓄᐧᐃᔨᒡ ᐊᓂᑦ 20 ᒥᒋᓲᐲᓯᒻ 2018᙮ ᒫᐅᒡ ᑯᐃᔅᒄ ᐁ ᐄᔑ ᑲᓇᐧᐋᐸᐦᑕᑲᓅᒡ, ᐋᓐ ᑳ ᐄᔑ ᐧᐁᔦᔨᐦᑕᑲᓅᒡ ᐅᑦᐦ ᒪᓯᓇᐦᐄᑲᓂᐦᒡ, ᐁᑎ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐄᔑᒌᔔᐧᐁᒪᑲᓐ ᒥᒄ ᐁ ᐋᐸᒋᐦᑖᑦ ᐊᐧᐁᓐ ᐊᔨᒧᐧᐃᓂᔫ ᐊᔨᒥᑦ ᐅᑦᐦ ᑳᓈᑖ,

ᐊᓂᒌᒡ ᑳ ᒫᒨᐱᔥᑕᐧᑳᐤ ᓈᓇᔅᑯᒣᐅᒡ ᐊᐧᐁᔫᐦ ᑳ ᐧᐄᒋᐦᐄᐧᐁᔨᒡ ᑳ ᓇᓂᑑ ᒋᔅᒉᔨᐦᑕᑲᓄᐧᐃᔨᒡ᙮

ᐆᐦᑖᐦᒡ ᒉᐧᑳᓐ ᐁᒌ ᐃᔅᐸᔨᔨᒡ

A.     ᐁ ᒪᓯᓈᑌᒡ ᒋᔐᐅᒋᒫᐅᑲᒥᑯᒡ ᐧᐄᔔᐧᐁᓲ ᑳ ᐧᐄᔔᐧᐋᑕᒃ 20 ᒧᔖᐧᐁᐦᔮᐅᐲᓯᒻ 2017 ᑲᔦᐦ ᑯᑕᒃ ᒉᐧᑳᓐ ᐁ ᐊᔑᒋᐦᐸᔨᒡ ᐅᑦᐦ

ᐊᓂᑦ 4 ᐊᔑᐧᒫᑯᐲᓯᓐ 2017, ᐧᕌᐱᔅᑦ ᕙᓪᑲᓐ ᐆᓓᑦ, MP, ᑳ ᒫᒨᐱᔥᑕᒃ ᐧᐁᓇᐯᒃ ᒪᓯᓇᐦᐄᒉᐅᑲᒥᒄ, ᒌ ᐊᔨᒥᐦᐁᐤ ᐊᓂᔫᐦ ᒋᔐᐅᒌᒪᐅᑲᒥᑯᐦᒡ ᐅᒋᒫᐤᐦ ᐊᓂᑦᐦ ᑖᓐ ᑳ ᐄᔑ ᒥᔭᑲᓅᑦ ᒉ ᐊᔨᒨᑕᒃ᙮[2] ᐆᓓᑦ ᒌ ᐧᐁᔦᔨᐦᑕᒻ ᒉᐧᑳᔫ ᒉ ᐊᔨᒨᑕᒃ ᐁᐅᑯᔫ ᐆᔫ “ᐄᔨᔫ ᐁᑎ ᐃᑎᔅᑲᓀᓰᔨᒡ ᐃᔅᐧᑫᐤᐦ ᐁ ᐋᑯᐧᑳᑲᓄᐧᐃᔨᒡ᙮”[3]  ᒫᐅᒡ ᒉ ᐄᔑ ᑕᐦᑯᐦᐄᒉᒪᑲᓄᐧᐃᔨᒡ ᐊᓂᔫ ᒉᐧᑳᔫ ᒉ ᐃᑌᑦ, ᐁᑎ ᐃᑎᔅᑲᓀᓰᒥᑯᓂᔨᒡ ᐊᔨᒧᐧᐃᓐᐦ ᒌ ᐋᐸᐦᒋᑖᐤ᙮ ᐆᓓᑦ ᒌ ᐸᒋᔅᑎᓂᒻ ᐅᒪᓯᓇᐦᐄᑲᓐ ᐊᓂᑌᐦ ᑳ ᐃᑌᔥᑕᒧᐧᐋᑎᑲᓄᐧᑳᐤ ᒪᓯᓇᐦᐄᑲᓐᐦ ᓀᒥᑎᓅ ᓂᔮᓈᓀᐤ ᐁ ᒋᐦᐧᑳᓂᑌᑦ ᐲᐦᓯᒧᑲᓐ ᐧᐹᒧᔥ ᐊᓂᔫᐦ ᒉ ᐊᔨᒥᑦ, ᒌ ᐧᐄᐦᑕᒧᐧᐋᑲᓅ ᒫᒃ ᐁᑳ ᒉ ᒌ ᐅᑎᓇᑲᓄᐧᐃᔨᒡ “ᒉ ᐊᔮᑦ ᐁ ᐃᑌᔥᑕᒧᐧᐋᑕᑲᓄᐧᐃᔨᒡ”[4]  ᐊᓐ ᑖᓐ ᐧᐋᔨᑌᑦ ᐁ ᐊᔨᒥᑦ᙮

ᐋᓐ ᐹᑎᒫᐦ ᐁ ᒌᔑᑳᒡ, ᐆᓓᑦ ᑳ ᐆᐱᑳᐳᑦ ᐁ ᐊᔨᒥᑦ ᐁ ᐧᐄᑕᒧᐧᐋᑦ ᐊᓂᔫ ᑳ ᒫᒨᐱᔥᑕᒥᔨᒡ ᑎᐱᐧᐁ ᐅᑎᐊᔨᒨᐧᐃᓐ ᐁ ᐋᐸᒋᐦᑖᑦ᙮ ᒥᒄ ᒫᒃ ᓇᒧᐃ ᐅᐦᒋ ᐃᑌᔥᑕᒧᐧᐋᑲᓅ ᒉ ᒌ ᓂᓯᑐᐦᑖᑯᑦ ᐊᓂᔫᐦ ᑳ ᐧᐁᒥᔥᑎᑯᔒᐅᐊᔨᒥᔨᒡ ᓀᔥᑦ ᑳ ᐅᐱᔥᑎᑯᔮᐅᐊᔨᒥᔨᒡ᙮

ᐁᑯᐦ 8 ᒧᔖᐧᐁᐦᔮᐅᐲᓯᒻ 2017, ᐆᓓᑦ ᒌ ᐅᐱᑳᐴ ᐊᔨᒥᑦ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐁ ᑲᐧᑫᔅᒉᒨᑦ ᐊᓂᔫ ᑖᓐ ᑳ ᐃᑌᑦ, ᐊᓂᑌᐦ ᑖᓐ ᑳ ᐄᔑ ᐧᐋᐸᐦᑕᒃ ᐧᐄ, ᒌ ᐧᐋᐸᐦᑕᒻ ᑮᐹ ᐁᑳ ᑯᐃᔅᒃ ᐄᔑᓇᐦᑯᓂᔨᒡ, ᐅᑦᐦ ᑳᓈᑖ ᐁᑎ ᐃᑎᔅᑲᓀᓰᔨᒡ ᐄᔨᔫ ᑳ ᓂᑐᐦᑖᒥᔨᒡ ᐁᑳ ᐅᐦᒋ ᓂᓯᑐᐦᑖᑯᑦ ᐊᓐ ᑖᓐ ᑳ ᐄᔑ ᐧᐄᐦᑕᒃ 4 ᐊᔑᐧᒫᑯᐲᓯᓐ 2018᙮ ᒌ ᐄᔑ ᐧᐄᐦᑕᒻ ᐁᑳ ᐅᐦᒋ ᐃᐦᑕᑯᓂᔨᒡ ᐃᑌᔥᑕᒪᒉᐧᐃᓂᔫ ᒉ ᒌ ᐃᑌᔥᑖᒪᑯᑦ ᐄᔨᔫ ᐊᔨᒧᐧᐃᓐ ᐁ ᐋᐸᒋᐦᑕᔨᒡ ᒉ ᒌ ᐃᑌᔥᑕᒧᐧᐋᑲᓄᐧᐃᔨᒡ ᐧᐁᒥᔥᑯᔒᐄᔨᔫ ᑲᔦᐦ ᐊᐱᔥᑎᑯᔮᐦ  “ᐁᑯᑦ ᓇᒧᐃ ᐅᐦᒋ ᐯᐦᑕᐧᐋᑲᓅ”[5]   ᒌ ᑲᐧᑫᒋᒣᐤ ᐊᓂᔫᐦ ᑳ ᓃᑲᓂᐱᔨᒡ ᒉ ᒌ ᐊᔮᑦ ᑲᔅᒋᐦᐆᐧᐃᓂᔫ ᒉ ᒌ ᐋᐸᒋᐦᑖᑦ ᑎᐲᐧᐁ ᐅᑕᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮ ᐁᑎᑑ ᒌ ᑲᐧᑫᒋᒣᐤ ᐊᓂᔫ ᑳ ᓃᑲᓂᐱᔨᒡ ᒋᔐᐅᒪᐅᑲᒥᑯᒡ ᒉ ᒌ ᐃᑕᐦᑯᓂᔨᒡ ᐧᐄ ᑲᔦᐦ ᒉ ᒌ ᐧᐄᒋᐦᐄᐧᐁᑦ ᐁ ᐊᔨᒥᓈᓄᐧᐃᔨᒡ, ᐄᔨᔫ ᐊᔨᒧᐧᐃᓐ ᐁ ᐋᐸᒋᐦᑖᑦ, ᒣᐧᑳᒡ ᐁ ᐊᔨᒥᓇᓄᐧᐃᔨᒡ᙮

ᐋᓐ 20 ᒧᔖᐧᐁᐦᔮᐅᐲᓯᒻ 2017,  ᑳ ᓃᑲᓂᔥᑳᒃ ᐁ ᓂᔥᑐᐧᐄᓇᓄᐧᐃᔨᒡ ᒌ ᐄᔑ ᐧᐄᐦᑕᒻ ᐁᑳ ᐃᔑᓇᐦᑯᓂᔨᒡ ᓈᔥᒡ ᑮᐹ ᐁ ᒌᐦᑳᓇᑯᓂᔨᒡ ᐅᔫ ᑲᔦᐦ ᑳ ᐧᐋᐸᐦᑎᔮᑦ ᐊᓂᔫᐦ ᑳ ᒫᒨᐱᔥᑕᒥᔨᒡ ᐊᓂᔪᐦ ᐧᐁᔥᑲᒡ ᑖᓐ ᑳ ᐃᐦᑎᓇᓄᐧᐃᔨᒡ ᐁ ᐋᐸᒋᐦᑖᓄᐧᐃᔨᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮[6]  ᐁᑯᐦ ᐋᓐ ᑳ ᓃᑲᓂᔥᑳᒃ ᐁ ᓂᔥᑐᐧᐄᓇᓄᐧᐃᔨᒡ ᒌ ᐧᐄᐦᑕᒻ ᐁ ᒋᔥᑕᒪᐧᐁᔨᐦᑕᑯᒡ ᐁ ᐊᔮᑦ ᐊᐧᐁᓐ ᑲᔅᒋᐦᐆᐧᐃᓂᔫ ᒉ ᒌ ᐊᔨᒥᑦ ᐁ ᐋᐸᒋᐦᑖᑦ ᑎᐱᐧᐁ ᐅᑕᔨᒧᐧᐃᓐ᙮ ᐆ ᒫᒃ, ᒌ ᐃᔮᐤ ᐊᐧᐁᓐ ᑲᔅᒋᐦᐆᐧᐃᓂᔫ ᒉ ᒌ ᓂᓯᑐᐦᐧᐋᑲᓅᑦ ᑏᐧᐁᒡ ᐁ ᐊᔨᒥᑦ ᑯᑕᒃ ᐊᔨᒧᐧᐃᓂᔫ ᐁ ᐋᐸᒋᐦᑖᑦ᙮

ᑳ ᓃᑲᓂᔥᑳᒃ ᐁ ᓂᔥᑐᐧᐄᓇᓄᐧᐃᔨᒡ ᑳ ᐧᐄᐦᑕᒃ ᐁᑳ ᒉ ᐃᒉᓇᑲᓅᑦ ᐊᐧᐁᓐ ᑯᑕᑯᔫ ᐊᔨᒧᐧᐃᓐ ᐁ ᐋᐸᒋᐦᑖᑦ ᒣᐧᑳᒡ ᐁ ᓂᔥᑐᐧᐄᓇᓄᐧᐃᔨᒡ᙮ ᐁᑯᐦ, ᒋᔐᐅᒋᒫᐅᑲᒥᑯᒡ ᒣᐧᑳᒡ ᓈᔥᒡ ᐁᑳ ᐃᐦᑕᑯᒡ ᒉᐧᑳᓐ ᐁ ᐋᐸᒋᐦᑕᓇᓄᐧᐃᔨᒡ ᒉ ᐃᑌᔥᑕᒧᐧᐋᑕᓄᐧᐃᔨᒡ ᐁ ᐃᐦᑕᐸᒋᓂᔨᒡ, ᐊᐧᐁᓂᒌᒡ ᐁ ᐊᔨᒥᐧᑖᐤ ᑯᑕᒃ ᐊᔨᒧᐧᐃᓐ ᐁ ᐊᐸᑎᒋᓯᑦ ᐧᐁᒥᔥᑎᑯᔒᐅᐊᔨᒥᐧᐃᓐ ᓀᔥᑦ ᐅᐱᔥᑎᑯᔭᐅᐊᔨᒧᐧᐃᓐ ᒉ ᒌ ᐃᑌᔥᑕᒧᐧᐋᑲᓄᐧᑖᐤ ᒫᒃ ᒉ ᒌ ᓂᓯᑐᐦᑕᐧᑳᐤ ᒉᐧᑳᔫ ᐁ ᐊᔨᒧᑕᑲᓄᐧᐃᔨᒡ ᒣᐧᑳᒡ ᐁ ᐊᔨᒥᓇᓄᐧᐃᔨᒡ᙮

ᑳ ᓃᑲᓂᔥᑳᒃ ᐁ ᓂᔥᑐᐧᐄᓇᓄᐧᐃᔨᒡ ᒫᐦᒋ ᑳ ᐄᑌᑦ ᐁ ᐧᐋᐸᐦᑕᒃ ᐊᓂᒌᔥ ᒉᐧᑳᓐ ᐁ ᐊᐸᑎᒋᓯᑦ ᑲᔦᐦ ᑖᓐ ᐁ ᐄᔑ ᐃᑌᔥᑕᒪᑲᓄᐧᐃᔨᒡ ᑯᑕᒃ ᐊᔨᒧᐧᐃᓐ ᐃᔥᐱᔖᒡ ᐧᐄ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ “ᓇᒧᐃ ᓈᔥᒡ ᓅᐦᑯᓐ ᐁ ᓂᑐᐧᐁᔨᐦᑕᐧᑳᐤ ᑯᑕᑯᒡ ᐊᐧᐁᓂᒌᒡ᙮”[7] ᐁᑯᐦ, ᓇᒧᐃ ᐅᐦᒋ ᒥᔅᑲᒻ ᒉᐧᑳᔫ ᐆᓓᑦ ᒉ ᒌ ᐅᒋᐦᐋᑲᓄᐧᐃᔨᒡ ᒉ ᒌ ᐊᔨᒧᑕᒥᔨᒡ ᐆᔫ ᒉᐧᑳᔫ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮  

ᐁᑯᐦ 25 ᐧᐁᐦᐧᐁᐅᐲᓯᒻ 2017, ᑳ ᓃᑲᓂᔥᑳᒃ ᐁ ᓂᔥᑐᐧᐄᓇᓄᐧᐃᔨᒡ ᑳ ᒪᓯᓇᐦᐋᐧᒫᑦ ᐊᓂᔫ ᑳ ᒫᒨᐱᔥᑕᒥᔨᒡ ᐁ ᐄᐦᑖᑦ ᒉ ᒌ ᓈᓂᑑ ᒋᔅᒉᔨᐦᑖᑲᓄᐧᐃᔨᒡ ᐁ ᐊᔮᔨᑯᐳᓀᓐ ᑲᔅᒋᐦᐆᐧᐃᓂᔫ ᒉ ᒌ ᐋᐸᒋᐦᑕᑯᐸᑯᓀ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᒉ ᒌ ᐊᔨᒨᑕᑲᓄᐧᐃᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮

B. ᐁᑎ ᐃᑎᔅᑲᓀᓰᒥᑯᒡ ᐁ ᐊᐸᑎᒋᓯᑦ ᐊᔨᒧᐧᐃᓐ ᐅᑦᐦ ᑳᓈᑖ ᐊᓂᑌᐦ ᒋᔐᐅᒋᒫᐅᑲᒥᑯᒡ: ᑎᐹᔅᑯᓂᒉᐧᐃᓐ ᐋᐸᑎᐦᓯᐧᐃᓐ ᐊᓂᒌᔥ

i. ᐃᑌᔥᑖᒪᒉᐧᐃᓐ ᐅᐦᒋ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᒡ: ᑎᐹᔅᑯᓂᒉᐧᐃᓐ ᑳᓄᐧᐁᔨᐦᑖᑯᓰᐧᐃᓐ

ᐁ ᐄᔑ ᐊᔮᐧᑖᐤ ᑲᔅᒋᐦᐆᐧᐃᓂᔫ ᐊᓂᒌ ᑳ ᒫᒨᐱᔥᑕᐧᑳᐤ ᐊᓂᑌᐦ ᒋᔐᐅᒋᒫᐅᑲᒥᑯᒡ ᒉᔥᓈᔥᒡ ᒉ ᒌ ᐊᔨᒥᐦᐧᑖᐤ ᐧᐁᒥᔥᑎᑯᔒᐅᐊᒧᐧᐃᓂᔪ ᓀᔥᑦ ᐅᐱᔥᑎᑯᔮᐅᐊᔨᒧᐧᐃᓂᔫ ᐁ ᐋᐸᒋᐦᑖᐧᑖᐤ ᐁ ᒪᓯᓈᑌᑦ 133 ᐊᓂᑦ ᐃᑎᔔᐧᐁᐧᐃᓐ, 1867, ᐁ ᐄᔨᒋᔥᑌᑦ ᑖᐱᔥᑯᓐ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ ᒉ ᒌ ᐊᐸᑎᒋᓯᑦ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐅᑦᐦ ᑳᓈᑖ, ᐊᔑᒡ ᒪᓯᓇᐦᐄᑲᓐᐦ ᑲᔦᐦ ᐁ ᒪᓯᓈᑌᐧᑳᐤᐦ᙮ ᑯᑕᒃ ᐊᔨᒧᐧᐃᓐ ᐊᔑᐦᑕᓇᑲᓅᐦ ᐁ ᑳᓇᐧᐁᔨᐦᑖᑯᒡ ᐊᓂᑌᐦ ᑳᓈᑖ ᓂᔅᑯᒧᐧᐃᓐ ᐅᐦᒋ ᑲᔅᒋᐦᐆᓐ ᑲᔦᐦ ᑲᔦᐦ ᑲᔦᐦ ᐃᐦᑑᑕᒧᐧᐃᓐᐦ ᐁᑳ ᒉ ᒌ ᐃᒉᓇᐦᑲᓅᑦ ᐊᐧᐁᓐ, ᐁ ᒪᓯᓈᑌᒡ 16 ᐲᐦᐊᒻ 19 ᐁ ᒉᔥᓈᒋᑌᒡ ᑖᐱᔥᑯᓐ ᐁ ᐄᔑ ᑲᓇᐧᐋᐸᐦᑖᑲᓄᐧᑳᐤ ᐊᔨᒧᐧᐃᓐᐦ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮ ᐁ ᒪᓯᓈᑌᒡ ᒌ ᐧᐄᔓᐧᐋᑕᑲᓅᑯᐸᓀ ᒥᓯᐧᐁ ᒉᐧᑳᓐ ᐁ ᐄᔑ ᑲᓇᐧᐋᐸᐦᑕᑲᓅᒡ, ᐁ ᒪᓯᓈᑌᒡ, ᑲᔦᐦ ᒪᓯᓇᐦᐄᑲᓐᐦ ᐊᓂᑌᐦ ᒋᔐᐅᒋᒫᐅᑲᒥᑯᒡ ᑖᐱᔥᑯᓐ ᐊᔨᒧᐧᐃᓐ ᒉ ᒌ ᐊᐸᑎᒋᓯᑦ᙮ [8]

ᐁ ᐊᔮᑦ ᐊᐧᐁᓐ ᑲᔅᒋᐦᐆᐧᐃᓂᔫ ᒉ ᒌ ᐋᐸᒋᐦᑖᑦ ᐧᐁᒥᔥᑎᑯᔒᐅᐊᔨᒧᐧᐃᓐ ᓀᔥᑦ ᐅᐱᔥᑎᑯᔮᐅᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐁᐅᑯᓐ ᑳ ᐯᒋ ᐃᑌᔥᑕᒪᑎᑲᓅᒡ ᒉ ᒌ ᐋᐸᒋᐦᑳᓅᒡ ᑖᐱᔥᑯᓐ ᐊᔨᒧᐧᐃᓐᐦ, ᒫᒃ ᒉ ᒌ ᓂᓯᑐᐦᐧᐋᑲᓅᑦ ᐊᐧᐁᓐ ᐁ ᐃᑌᔥᑕᒧᐧᐋᑲᓅᑦ᙮ ᐃᑌᔥᑖᒪᒉᐧᐃᓐ ᓃᔥᑕᒻ ᑳ ᒋᐦᒋᐸᔨᒡ ᒉ ᒌ ᐊᐸᑎᒋᓯᑦ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐁᑯᑦ ᐅᑦᐦ ᐃᔥᐧᑳᐸᔫᐲᓯᒻ 1959, ᒌ ᐊᔮᐅᒡ ᐊᐧᐁᓂᒌᒡ ᒉ ᒌ ᐊᔨᒥᐧᑖᐤ ᑲᔦᐦ ᑏᐧᐁᒡ ᒉ ᒌ ᓂᓯᑐᐦᐧᐋᑲᓄᐧᑖᐤ ᐧᐁᒥᔥᑎᑯᓰᐅᐊᔨᒥᐧᑖᐤ ᓀᔥᑦ  ᐅᐱᔥᑎᑯᔮᐅᐊᔨᒥᐧᑖᐤ᙮[9]

ᐆ ᒫᒃ ᑳ ᐃᔅᐸᔨᒡ ᒌ ᑲᓇᐧᐁᔨᐦᑕᑲᓅ ᐊᓂᑌᐦ ᐃᑎᔔᐧᐁᐧᐃᓂᒡ᙮ ᐊᓂᑦ ᑳ ᐧᐄᔓᐧᐋᑎᑲᓅᒡ ᐊᔨᒧᐧᐃᓐᐦ ᐃᑎᔔᐧᐁᐧᐃᓐ (OLA) ᒌ ᐄᔑ ᐧᐄᔔᐧᐋᑎᑲᓅ ᐧᐁᒥᔥᑎᑯᔒᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ ᐁᑯᔫ ᐅᔫᐦ ᐊᔨᒧᐧᐃᓐᐦ ᒉ ᐊᐸᐦᑕᐧᑳᐤ ᐊᓂᑌᐦ ᒋᔐᐅᒋᒫᐅᑲᒥᑯᒡ, ᑲᔦᐦ ᐊᔮᐤ ᐊᐧᐁᓐ ᑲᔅᒋᐦᐆᐧᐃᓂᔫ ᒉ ᒌ ᐊᐸᒋᐦᑖᑦ ᐅᔫᐦ ᐊᔨᒧᐧᐃᓐᐦ ᐁ ᐊᔨᒧᑖᒃ ᒉᐧᑳᔫ ᓀᔥᑦ ᑯᑕᒃ ᒉᐧᑳᔫ ᐊᐧᐁᓐ ᐧᐄ ᐊᔨᒧᐧᐁᐦᐃᑯᑦ ᑲᓇᐧᐁᔨᐦᑕᑯᓂᔫ᙮  ᐋᐦᐱᑑ l ᐊᓂᑦ ᐊᔨᒧᐧᐃᓐᐦ ᐃᑎᔔᐧᐁᐧᐃᓐ OLA  ᒉᔥᓈᒋᐦᑌᐤ ᐁ ᐃᔮᑦ ᐊᐧᐁᓐ ᑲᔅᒋᐦᐆᐧᐃᓂᔫ ᒉ ᒌ ᐃᑌᔥᑕᒧᐧᐋᑲᓅᑦ ᐁ ᓂᔥᑐᐧᐄᓇᓄᐧᐃᔨᒡ ᑲᔦᐦ ᑯᑕᑯᔫ ᒉᐧᑳᔫ ᐊ ᐊᔨᒥᐦᑕᑖᑲᓄᐧᐃᔨᒡ᙮[10]

ii. ᐃᑌᔥᑖᒪᒉᐧᐃᓐ ᐅᐦᒋ ᐁᑎ ᐃᑎᔅᑳᓀᓰᒥᑯᒡ ᐊᔨᒧᐧᐃᓐ ᐅᑦᐦ ᑳᓈᑖ ᒋᔐᐅᒋᒫᐅᑲᒥᑯᐦᒡ: ᐃᑎᔔᐧᐁᐧᐃᓂᐦᒡ ᐁ ᐄᔑ ᒋᔥᑌᔨᐦᑕᑯᒡ

ᑳ ᒫᒨᐱᔥᑕᐧᑳᐤ ᒌ ᐯᐦᑕᒥᒡ ᐁ ᐊᔨᒥᐦᑕᑖᑲᓄᐧᐃᔨᒡ ᐅᐦᒋ ᐊᓐ ᐃᑎᔔᐧᐁᐧᐃᓐ, ᐊᔑᒡ ᐄᔨᔫᒡ ᐅᑲᔅᒋᐦᐆᐧᐃᓇᐧᐋᐤ ᑲᔦᐦ ᐁ ᐊᔮᐧᑖᐤ ᑲᔅᒋᐦᐆᐧᐃᓂᔫ ᒉ ᒌ ᐃᐦᑐᑎᐧᑳᐤ ᒉᐧᑳᔫ ᑎᐱᐧᐁ ᐅᑕᔨᒧᐧᐃᓇᐧᐋᐤ ᐁ ᐋᐸᒋᐦᑖᐧᑖᐤ ᐁ ᐊᔨᒥᐦᐧᑖᐤ, ᑲᔦᐦ ᒉ ᒌ ᐧᐄᒋᐦᐄᑯᐧᑖᐤ ᐁ ᐊᐸᑕᐦᓂᔨᒡ ᐁᑎ ᐃᑎᔅᑳᓀᓰᒥᑯᒡ ᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ᙮

ᐁ ᒪᓯᓈᑌᒡ 35 ᐊᓂᑦ ᐃᑎᔔᐧᐁᐧᐃᓂᐦᒡ ᐁ ᒌᐦᑳᔮᐸᒪᑲᓄᐧᑖᐤ ᐄᔨᔫᒡ ᑲᔦᐦ ᑯᑕᒃᐦ ᑲᔅᒋᐦᐆᓐᐦ ᑖᓐ ᐁ ᐄᔑ ᐊᔮᑦ ᐁᑎ ᐃᑎᔅᑲᓀᓯᑦ ᐄᔨᔫ ᐅᑦᐦ ᑳᓈᑖ᙮

ᐁ ᒪᓯᓈᑌᒡ 2(b) ᐊᓂᑦ ᐃᑎᔔᐧᐁᐧᐃᓂᒡ ᐁ ᑲᓇᐧᐁᔨᐦᒥᑯᑦ ᒉ ᒌ ᐄᑎᑦ ᒉᐧᑳᔫ ᑖᓐ ᐧᐋ ᐄᔑ ᐊᔨᒥᑦ: ᑲᔅᒋᐦᐆᓐ ᐅᐦᒋ ᒪᒥᑐᓀᔨᐦᒋᑲᓐ, ᑖᐯᔨᐦᑕᒧᐧᐃᓐ, ᐧᐄᔦᔨᐦᑕᒧᐧᐃᓐ, ᑲᔦᐦ ᑖᓐ ᐧᐋ ᐄᔑ ᐊᔨᒥᑦ ᐊᐧᐁᓐ᙮ ᑳ ᒫᒨᐱᔥᑕᐧᑳᐤ ᒌ ᐯᐦᑕᒥᒡ ᐁ ᐃᐦᑕᑯᒡ ᑲᔅᒋᐦᐆᓐ ᒥᒄ ᑖᓐ ᐧᐋ ᐄᔑ ᐊᔨᒥᑦ ᐊᐧᐁᓐ ᐊᔑᒡ ᒉ ᒌ ᐋᐸᒋᐦᑖᑦ ᒥᒄ ᑖᓐ ᐊᔨᒧᐧᐃᓐ ᐧᐋ ᐋᐸᒋᐦᑖᑦ:

ᐋᓐ "ᑲᔅᒋᐦᐆᓐ ᒥᒄ ᑖᓐ ᐧᐋ ᐄᔑ ᐊᔨᒥᑦ ᐊᐧᐁᓐ" ᒉᔥᓈᒋᐦᑌᐤ ᐊᓂᑦ s. 2 (b) ᐅᐦᒋ ᑳᓈᑖ ᐃᑎᔔᐧᐁᐧᐃᓐ ᑲᔦᐦ s. 3 ᐅᐦᒋ ᑯᐯᒃ ᐃᑎᔔᐧᐁᐧᐃᓐ ᐊᔑᒡ ᑲᔅᒋᐦᐆᓐ ᒥᒄ ᑖᓐ ᐧᐋ ᐄᔑ ᐊᔨᒥᑦ ᐊᐧᐁᓐ ᐧᐄ ᑎᐱᐧᐁ ᐅᑕᔨᒧᐧᐃᓐ ᐁ ᐋᐸᒋᐦᑖᑦ᙮  ᐊᔨᒧᐧᐃᓐ ᓈᔥᑖᐧᐯᐦ ᒋᔥᑕᒪᐧᐁᔨᐦᑕᑯᓐ ᑲᔦᐦ ᒉ ᒌ ᐄᔑ ᐊᐸᑎᒋᓯᑦ ᐧᐄ ᐊᐧᐁᓐ ᑎᐲᐧᐁ ᐅᑕᔨᒧᐧᐃᓐ ᐁ ᐋᐸᒋᐦᑖᑦ ᐁ ᐧᐄ ᐊᔨᒥᑦ ᓇᒧᐃ ᑯᐃᔅᒄ ᒋᑲ ᐄᔑᐦᓇᑯᓐ ᐁᑳ ᐱᔅᒋᓈᑲᓅᑌᐦ ᐊᐧᐁᓐ ᐧᐄ ᑎᐲᐧᐁ ᐅᑕᔨᐦᒧᐧᐃᓐ ᒉ ᒌ ᐋᐸᒋᐦᑖᑦ ᐁ ᐊᔨᒥᑦ᙮ ᐊᔨᒧᐧᐃᓐ ᓇᒧᐃ ᐧᐄ ᒥᒄ ᐊᐱᔒᔥ ᐁ ᐊᐸᑎᒋᓯᑦ  ᓀᔥᑦ ᐹᔅᒡ ᐁ ᐊᐸᑎᒋᓯᑦ; ᐧᐁᔅ ᐁᑯᑦ ᒥᓯᐧᐁ ᐧᐋᑖᐦᑯᒡ ᒉᐧᑳᓐ ᑲᔦᐦ ᑖᓐ ᐁ ᐄᔑᒌᔓᐧᐋᓅᒡ᙮ ᐁᑯᑦ ᐅᑦᐦ ᐄᔨᔫᒡ ᐁ ᐊᔮᐧᑖᐤ ᒉ ᒌ ᐧᐋᐸᐦᑏᐧᐁᐧᑖᐤ ᑖᓐ ᐁᑎ ᐃᑎᔅᑲᓀᓯᐧᑖᐤ᙮ ᐁᑯᑦ ᑲᔦᐦ ᐅᑦᐦ ᐊᐧᐁᓐ ᐧᐋᑕᒃ ᐄᔨᔪ ᐧᐄ ᐊᔮᐅᑦ ᑲᔦᐦ ᐁ ᐯᔭᑰᑦ᙮ ᒌᐦᑳᔮᐱᑏᐧᐁᐧᐃᓐ ᐅᐦᒋ "ᑲᔅᒋᐦᐆᓐ ᒥᒄ ᑖᓐ ᐧᐋ ᐄᔑ ᐊᔨᒥᑦ ᐊᐧᐁᓐ" ᐊᔑᒡ ᐊᐧᐁᓐ ᑲᔅᒋᐦᐅᐧᐃᓂᔫ ᐁ ᐊᔮᑦ ᒉ ᒌ ᐋᐸᒋᐦᑖᑦ ᑎᐲᐧᐁ ᐅᑕᔨᒧᐧᐃᓐ ᓇᒧᐃ ᐧᐄ ᒉ ᒌ ᐅᒋᐦᐊᑲᓅᑦ ᓀᔥᑦ ᒉ ᒌ ᐧᐊᓀᔨᐦᑕᒃ ᑖᓐ ᐧᐋ ᐄᔑ ᐊᔨᒥᑦ ᓀᔥᑦ ᑯᑕᒃ ᐁ ᒉᔥᓈᒋᐦᑌᒡ ᐊᔨᒧᐧᐃᓐ ᑲᔅᒋᐦᐆᓐ ᐊᓂᑦ s. 133 ᐅᐦᒋ ᓇᔅᑯᒥᐧᐃᓐᐃᑎᔔᐧᐁᐧᐃᓐ, 1867 ᑲᔦᐦ ss. 16 ᐊᓂᑦ 23 ᐅᐦᒋ ᑳᓈᑖ ᐃᑎᔔᐧᐁᐧᐃᓐ᙮[11]

ᑳ ᒫᒨᐱᔥᑕᐧᑳᐤ ᒌ ᐯᑕᐦᒥᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᑲᔅᒋᐦᐆᐧᐃᓂᔫ ᐁ ᐊᔮᔨᒡ ᐊᐧᐁᔫᐦ, ᑲᔦᐦ ᑯᑕᒃ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐁ ᐊᔮᒡ ᑲᔅᒋᐦᐆᐧᐃᓂᔫ, ᓇᒧᐃ ᐧᐄᔥᑲᑦ ᐅᐦᒋ ᒋᑲ ᐧᐊᓈᒋᐦᑕᑲᓅ ᑲᔦᐦ ᒌ ᓅᓲᓀᐦᐄᑲᓅ ᐃᑎᔔᐧᐁᐧᐃᓐ[12] ᐁ ᒪᓯᓈᑌᒡ ᐅᐦᒡ ᐃᑎᔔᐧᐁᐧᐃᓐ ᐃᒋᑌᐤ[13]

ᓇᒧᐃ ᒉᐧᑳᓐ ᐊᓂᑦ ᐁ ᒪᓯᓇᑌᐧᑳᐤ 16 ᐲᐦᐊᒻ 20 [ᐁ ᐃᔑᒌᔓᐧᐁᐧᑖᐤ ᑲᔦᐦ ᐁ ᑲᓄᐧᐁᔨᐦᑕᐧᑳᐤ ᐊᔨᒧᐧᐃᓐᐦ ᐅᑦᐦ ᑳᓈᑖ] ᐁ ᐧᐄ ᐃᒉᓇᐦᑲᓅᑦ ᓀᔥᑦ ᐁ ᐧᐄ ᓃᐦᑕᐦᐊᑲᓅᑦ ᐊᓂᑌᐦ ᐅᐦᒋ ᑎᐸᔅᑯᓂᒉᐧᐃᓂᒡ  ᓀᔥᑦ ᐋᓂᔅᒉᑲᔅᒋᐦᐆᓐ ᓀᔥᑦ ᒌᐦᑳᔮᐸᐦᑕᒧᐧᐁᐧᐃᓂᔫ ᐁᒌ ᐸᐦᑯᑕᒫᓲᑦ ᓀᔥᑦ ᐁᒌ ᒥᔦᔨᐦᑕᒥᐦᐄᑰᑦ ᓀᔥᑦ ᐹᑎᒪᐦ ᑳ ᒋᐦᒋᐸᔨᔨᒡ ᐆᔫ ᐃᑎᔔᐧᐁᐧᐃᓂᔫ ᐁ ᒋᔥᑌᔨᐦᑕᑲᓅᑦ ᑲᔦᐦ ᑯᑕᒃ ᐊᔨᒧᐧᐃᓐ ᐁᑳ ᐧᐁᒥᔥᑎᑯᔒᐅᐊᔨᒧᐧᐃᓐ ᓀᔥᑦ ᐅᐱᔥᑎᑯᔮᐅᐊᔨᒧᐧᐃᓐ᙮

ᐁ ᒪᓯᓈᑌᒡ 25 ᐅᐦᒋ ᐃᑎᔔᐧᐁᐧᐃᓂᒡ ᐄᔨᔫ ᐁ ᐃᑎᔅᑲᓀᓯᑦ ᐅᑲᔅᒋᐦᐆᓐ ᑲᔦᐦ ᐅᐃᐦᑑᑕᒧᐧᐃᓐ ᐁᑳ ᐧᐄᔦᔥᓃᔨᒡ ᐊᓂᑦ ᐃᑎᔔᐧᐁᐧᐃᓂᒡ[14]

ᐆᑦ ᑳ ᒉᔥᓈᒋᐦᑌᒡ ᐃᑎᔔᐧᐁᐧᐃᓐ ᐃᐦᑖᑯᓐᐦ ᑲᔅᒋᐦᐆᓐᐦ ᑲᔦᐦ ᐃᐦᑑᑕᒧᐧᐃᓐᐦ ᐁᑳ ᒉ ᒌ ᐃᒉᓇᐦᑲᓅᑦ ᐊᐧᐁᓐ ᓀᔥᑦ  ᐁᑳ ᒉ ᒌ ᓂᑎᐦᐧᐋᑲᓅᑦ ᐊᓐ ᐁᑎ ᐃᑎᔅᑲᓀᓯᑦ ᐄᔨᔫ, ᓇᔅᑯᒧᐧᐃᓐ, ᑲᔦᐦ ᑯᑕᒃ ᑲᔅᒋᐦᐆᓐᐦ ᓀᔥᑦ ᐁ ᐊᔮᑦ ᐊᐧᐁᓐ ᑲᔅᒋᐦᐆᓐ ᒉ ᒌ ᐃᐦᑐᑕᒃ ᒉᐧᑲᔫ ᐊᓂᑦ ᐅᐦᒋ ᐁ ᑲᓇᐧᐋᐸᐦᒪᑲᓄᐧᑖᐤ ᐁᑎ ᐃᑎᔅᑲᓀᓯᐧᑖᐤ ᐄᔨᔫᒡ ᐅᐦᑦ ᑳᓈᑖ ᐁ ᐃᔑᐦᑕᓈᑲᓄᐧᑳᐤ 

a)     ᒥᒄ ᑖᓐ ᑲᔅᒋᐦᐆᓐᐦ ᓀᔥᑦ ᐁ ᐊᔮᑦ ᐊᐧᐁᓐ ᑲᔅᒋᐦᐆᓐ ᒉ ᒌ ᐃᐦᑐᑕᒃ ᒉᐧᑲᔫ ᐁᒌ ᒌᐦᑳᔮᐸᐦᑕᑲᓅᑦ ᐊᓂᑌᐦ ᐅᐦᒋ ᑳ ᒋᔥᑌᔨᐦᑕᑯᒡ ᐁ ᐧᐄᐦᑕᑲᓄᐧᐃᒡ ᐊᓂᑦ ᐧᐄᔕᑯᐲᓯᒻ 7, 1763; ᑲᔦᐦ

b)    ᒥᒄ ᑖᓐ ᐁ ᐄᔑ ᐊᔮᑦ ᐊᐧᐁᓐ ᑲᔅᒋᐦᐆᐧᐃᓂᔫ ᓀᔥᑦ ᐁ ᐊᔮᑦ ᐊᐧᐁᓐ ᒉ ᒌ ᐃᐦᑐᑕᒃ ᒉᐧᑳᔫ ᐁᔥᒄ ᐁ ᐃᐦᑕᑯᒡ ᐋᔅᒌ ᓂᔅᑯᒧᐧᐃᓐᐦ ᓀᔥᑦ ᒉ ᒌ ᑎᐱᔮᑦ ᒉᐧᑳᔫ᙮ 

ᑳ ᒫᒨᐱᔥᑕᐧᑳᐤ ᒌ ᐯᐦᑕᒥᒡ ᐁᒌ ᐅᐦᑎᑲᓄᐧᐃᔨᒡ ᐅᐱᔥᑎᑯᔮᐤ ᑲᔦᐦ ᐧᐁᒥᔥᑎᑯᔒᐤ ᐊᔨᒧᐧᐃᓂᔫ ᑲᔦᐦ ᒫᒃ ᐁᑳ ᒉ ᐃᐦᒉᓈᑲᓄᐧᐃᔨᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐᐦ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮[15]  ᑳ ᐊᔨᒧᑖᑲᓅᑦ ᒫᒨ, ᐆᔫᐦ ᐃᑎᔔᐧᐁᐧᐃᓐᐦ ᑳ ᐅᔑᐦᑕᑲᓄᐧᑳᐤ ᒌ ᐃᔑᓈᑯᓐ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᓇᒧᐃ ᐅᐦᒋ ᐊᔮᐅᒡ ᐁᒌ ᑌᐯᔨᐦᑕᑲᓄᐧᐃᔨᒡ ᐅᑕᔨᒧᐧᐃᓂᓇᐧᐋᐤ ᐅᐦᒋ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ, ᐧᐄᐧᐋᐤ ᑲᔦᐦ ᐊᔮᐅᒡ ᒉ ᒌ ᒋᔥᑌᔨᐦᑕᑲᓄᐧᐃᔨᒡ ᐅᑕᔨᒧᐧᐃᓂᓈᐧᐋᐤ᙮[16] ᑳ ᒫᒨᐱᔥᑕᐧᑳᐤ ᒌ ᓇᔅᑯᒨᐧᐃᒡ ᒉ ᒌ ᐋᐸᒋᐦᑖᑲᓄᐧᐃᔨᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐁᐅᒄ ᒉ ᒌ ᒌᐦᑳᔮᐸᐦᒪᑲᓄᐧᑖᐤ ᐧᐄᐧᐋᐤ ᑲᔦᐦ, ᒥᒄ ᒫᒃ ᒉ ᒌ ᐋᐸᐦᐄᐸᔨᔨᒡ ᐁ ᐊᐸᑎᒋᓯᑦ ᓂᔥᑐᐧᐄᔨᒡ ᐊᔨᒧᐧᐃᓐ᙮[17]

ᑳ ᒫᒨᐱᔥᑕᐧᑳᐤ ᒦᓐ ᒌ ᐯᐦᑕᒥᒡ ᐆᔫ ᑖᓐ ᑳ ᐄᔑ ᐧᐄᐦᑕᑲᓄᐧᐃᔨᒡ ᐁᑯᐦ ᑳ ᐧᐄᒋᐦᑳᐳᔥᑕᐧᑳᐤ ᐁ ᒌᐦᑳᔮᐸᑎᑲᓄᐧᐃᔨᒡ ᐁᑎ ᐃᑎᔅᑲᓀᓰᒥᑯᓂᔨᒡ ᐊᔨᒧᐧᐃᓂᔪ ᑲᔦᐦ ᒉ ᒋ ᐋᐸᒋᐦᑖᑲᓄᐧᐃᔨᒡ ᒋᔐᐅᒋᒫᐅᑲᒥᑯᒡ᙮ ᒪᓯᓇᐦᐄᑲᓐ 13(2) ᐅᐦᒋ ᑳ ᒫᒨᐃᑎᔅᑲᓀᓰᒥᑯᒡ ᐃᑎᔔᐧᐁᐧᐃᓐ ᐊᓂᑦ ᑲᔅᒋᐦᐆᓐ ᐅᐦᒋ ᐁᑎ ᐁᑎᔅᑲᓀᓯᐧᑖᐤ ᐄᔨᔫᒡ (DNUDPA) ᐁ ᐃᔑᒌᔥᐧᐁᒪᑯᒡ “ᒋᑲ ᐅᑎᓇᑳᓅ ᒉ ᒌ ᒥᔪᐸᔨᒡ ᒉᐧᑳᓐ … ᐁᑎ ᐁᑎᔅᑲᓀᓯᐧᑖᐤ ᐄᔨᔫᒡ ᒉ ᒌ ᓂᓯᑐᐦᐧᑳᐤ ᑲᔦᐦ ᒉ ᒌ ᓂᓯᑐᐦᐧᐋᑲᓄᐧᑖᐤ ᒋᔐᐅᒋᒫᐅᑲᒥᑯᒡ ᐁ ᓂᔥᑐᐧᐄᓇᓄᐧᐃᔨᒡ, ᐁ ᑎᐸᔅᑯᓂᒑᓄᐧᐃᔨᒡ ᑲᔦᐦ ᐧᐄᔓᐧᐁᐅᑲᒥᑯᒡ, ᒥᒄ ᑕᓂᑦᐦ ᐁ ᐄᔑ ᐊᓂᑕᐧᐁᔨᐦᑕᑯᒡ ᐃᑌᔥᑕᒪᒉᐧᐃᓐ ᓀᔥᑦ ᑖᓐ ᒥᒄ ᐁ ᐄᔑ ᐃᔑᐦᓇᑯᒡ᙮”[18]  ᐊᓂᑦ ᒪᔥᑰᑎᓂᐲᓯᒻ 2010, ᑳᓈᑖ ᒌ ᒪᓯᓇᐦᐊᒻ ᐧᐄᔓᐧᐁᐧᐃᓂᔫ ᐁ ᐧᐄᒋᐦᑳᐳᔥᑖᒃ ᐁ ᒪᓯᓇᐦᐅᓲᓇᓄᐧᐃᔨᒡ DNUDPA[19] ᑲᔦᐦ ᐊᓂᑦ ᐊᔑᐧᒫᑯᐲᓯᒻ 2016, ᑳ ᐅᒋᒫᐅᐱᑦ ᐅᐦᒋ ᐁᑎ ᐃᑎᔅᑲᓀᓰᐧᑖᐤ ᐄᔨᔫᒡ ᑲᔦᐦ ᒌᐧᐁᐦᑕᓄᑕᒡ ᑳ ᓃᑲᓂᔥᑳᒃ ᐅᒋᒫᐤ ᒌ ᐧᐄᐦᑕᒻ “ᑳᓈᑖ ᐁ ᐧᐄᒋᐦᑳᐳᔥᑕᒃ, ᐁᑳ ᒥᐦᑐᓐ ᐋᐦᒋᐸᐦᑎᑯᑦ ᒉᐧᑳᔫ, ᐅᐦᒋ ᐆᔫ ᐃᑎᔔᐧᐁᐧᐃᓂᔫ᙮”[20]

ᒌ ᐧᐄᐦᑕᑲᓅ ᒉ ᐃᐦᑐᑕᑲᓅᒡ ᒉᐧᑳᓐ 13 ᐅᐦᒋ ᑖᐧᐯᐧᐃᓐ ᑲᔦᐦ ᒥᔪᑑᑌᒧᐧᐁᐧᐃᓐ ᑳ ᒫᒧᐱᔥᑕᐧᑳᐤ ᐁ ᑎᐸᓯᓇᐦᐊᐧᑳᐤ ᐅᒪᓯᓇᐦᐄᑲᓇᐧᐋᐤ ᐁ ᐄᔑ ᐧᐄᐦᑕᒪᒉᒥᑯᒡ ᒉ ᒌᐦᑳᔮᐸᐦᑕᑲᓅᒡ ᐁᑎ ᐃᑎᔅᑲᓀᓰᒥᑯᒡ ᑲᔅᒋᐦᐆᓐ ᐊᔑᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᑲᔅᒋᐦᐆᓐ᙮[21] ᐊᓂᑦ ᐱᐦᒉᒪᓂᐲᓯᒻ 2015, ᑳᓈᑖ ᒋᔐᐅᒋᒫᐤ ᒌ ᐅᑎᓇᒻ ᐆᔫ ᒪᓯᓇᐦᐄᑲᓂᔫ ᑲᔦᐦ ᒌ ᐧᐄᐦᑕᒻ ᑳᓈᑖ ᒋᔐᐅᒋᒫᐤ ᒉ ᐄᐦᑑᑖᑲᓅᐧᐃᔨᒡ ᒥᓯᐧᐁ ᑖᓐ ᑳ ᐄᔑ ᒥᔅᑯᐧᐋᐦᑕᑲᓄᐧᐃᔨᒡ ᑲᔦᐦ ᑖᓐ ᑳ ᐄᔓᐧᐋᐸᐦᑕᑲᓄᐧᐃᔨᒡ ᐊᓂᑦ ᒪᓯᓇᐦᐄᑲᓂᐦᒡ᙮[22] ᐊᓂᑦ ᐊᔑᐧᒫᑯᐲᓯᒻ 2018, ᐊᓂᑌᐦ ᒋᔐᐅᒋᒫᐅᑲᒥᑯᒡ ᓂᔥᐧᑖᐤ ᒌ ᐊᔨᒥᐦᑕᑲᓅ ᐊᓐ ᒪᓯᓇᐦᐄᑲᓐ ᑲᔦᐦ ᒌ ᐱᒧᐦᑕᑲᓅ ᐆ ᒪᓯᓇᐦᐄᑲᓐ C-262, ᐁ ᒫᒨᐃᑎᔅᑲᓀᓰᒥᑯᒡ ᐃᑎᔓᐧᐁᐧᐃᓐ ᐊᓐ ᑲᔅᒋᐦᐆᓐ ᐅᐦᒋ ᐁᑎ ᐃᑎᔅᑲᓀᓯᐧᑖᐤ ᐄᔨᔫᒡ ᐧᐄᔔᐧᐁᐧᐃᓐ᙮  ᐆ ᒪᓯᓇᐦᐄᑲᓐ ᐃᔑᓇᐦᑯᓐ ᑳᓈᑖ ᒋᔐᐅᒋᒫᐤ ᒉ ᒌ ᐃᐦᑑᒃ ᒥᓯᐧᐁ ᒉᐧᑳᔫ ᐁ ᐃᑎᔑᐧᐋᑕᓄᐧᐃᒡ ᐅᑦᐦ ᑳᓈᑖ ᐃᑎᔓᐧᐁᐅᓯᓇᐦᐃᑲᓐᐦ ᒉ ᒌ ᒥᔪᐧᐄᒉᐅᑖᑑᓈᓅᒡ ᑖᐱᔥᑯᓐ DNUDPA.

C.      ᐁ ᐃᔅᐸᔨᔨᒡ ᑲᔦᐦ ᐁ ᑯᒋᐸᔨᐦᑕᑲᓅᒡ ᒉ ᐋᐸᒋᐦᑕᑲᓅᒡ ᐊᔨᒧᐧᐃᓐ ᑏᑯᒡ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐊᐱᔥᑎᑯᔮᐅᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ

ᐃᐦᑕᑯᓐ ᐹᔅᒡ ᒉᐧᑳᓐ ᒉ ᒌ ᐧᐄᒋᐦᐄᐧᐁᐸᔨᒡ ᐅᐦᒋ ᒉᔥᑎᓈᑕᐱᐧᑖᐤ ᐃᑎᔓᐧᐁᐧᐃᓐᐦ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐅᐦᒋ ᐁᒌ ᐅᑎᓇᑲᓅᑦ ᐊᔨᒧᐧᐃᓐ ᑲᔦᐦ ᑯᑕᒃ ᐊᔨᒧᐧᐃᓐᐦ, ᐆ ᐅᐦᒋ ᒉ ᒌ ᐋᐸᒋᐦᑕᑲᓅᒡ ᐁ ᐊᔨᒧᐧᐁᐦᐄᑯᑦ ᐊᐧᐁᓐ ᒉᐧᑳᔫ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᑲᔦᐦ ᐊᓂᑦ ᑳ ᒫᒨᐱᔥᑕᐧᑳᐤ᙮ ᐁᐅᑯᔫᐦ ᐆᔫᐦ:

• ᑳ ᐅᒋᑖᒋᑯᐧᐋᑦ ᑳ ᐅᒋᒫᐅᐱᔨᑦ ᑲᔦᐦ ᑳ ᓃᑲᓂᐱᑦ ᐅᐦᒋ ᐁ ᒫᒨᐱᔥᑕᒥᔨᒡ ᒥᓯᐧᐁ ᒉ ᒌ ᐊᔮᔨᑦ ᑲᔦᐦ ᐋᐸᒋᐦᑖᔨᒡ ᐅᒋᔅᒉᔨᐦᑕᒧᐧᐃᐧᐋᐤ ᐅᐦᒋ ᐁ ᐧᐄᒋᐦᐄᐧᐁᐸᔨᒡ ᐊᔨᒧᐧᐃᓐ ᐁᑳ ᐋᐸᒋᐦᑖᑦ ᐊᓐ ᑳ ᓃᑲᓂᐱᑦ ᐁ ᓂᔥᑐᐧᐄᓈᓄᐧᐃᔨᒡ (ᒉᔥᑎᓈᑕᐱᐧᑖᐤ ᐃᑎᔓᐧᐁᐧᐃᓐ 7(2));
• ᒪᓯᓇᐦᐄᑲᓐᐦ ᐁ ᒫᑎᓂᐧᐋᓄᐧᑳᐤᐦ ᓀᔥᑦ ᐁ ᐱᒋᔅᑎᓇᑲᓄᐧᑳᐤᐦ ᐊᓂᑌᐦ ᒋᔐᐅᒋᒫᐅᑲᒥᑯᒡ ᒉ ᒌ ᐃᔑᓇᐦᑯᒡ ᑖᐱᔥᑯᓐ ᐁ ᐧᐄᒋᐦᐄᐧᐁᐸᔨᐧᑳᐤᐦ ᐊᔨᒧᐧᐃᓐᐦ (ᒉᔥᑎᓈᑕᐱᐧᑖᐤ ᐃᑕᔓᐧᐁᐧᐃᓐ 32(4)); ᑲᔦᐦ
• ᐁ ᐧᐄᐦᑕᑲᓅᑦ ᐄᒋᐦᐅᐧᐁᐧᐃᓐ ᐊᐃᑌᐦ ᒉ ᒌ ᐊᐸᑎᒋᓯᑦ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ ᐊᔨᒥᐦᑖᑲᓅᑌ (ᒉᔥᑎᓈᑕᐱᐧᑖᐤ ᐃᑕᔓᐧᐁᐧᐃᓐ 65).

ᑲᔦᐦ, ᐅᐦᒋ ᐁ ᐅᔑᐦᑖᑲᓄᐧᐃᒡ ᒪᓯᓇᐦᐄᑲᓐ ᐁ ᐧᐄ ᒫᒨᐱᒧᐦᑕᑲᓅᑦ, ᒉ ᒌ ᐅᑎᓇᑲᓅᑦ ᐅᒪᓯᓇᐦᐄᑲᓐ ᐁᑯᐦ ᒉ ᒪᓯᓇᐦᐄᑲᓅᒡ ᑯᑕᒃ ᐊᔨᒧᐧᐃᓐ ᐁ ᐊᐸᑎᒋᓯᑦ ᐊᔑᒡ ᑲᔦᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᓀᔥᑦ ᐅᐱᔥᑎᑯᔮᐅᐊᔨᒧᐧᐃᓐ ᒉ ᐅᑎᓇᑲᓅᑦ ᐁ ᒪᓯᓈᑌᒡ ᐯᔭᒄ ᐊᓂᔫᐦ ᓃᔓ ᑳ ᐧᐄᒋᐦᐄᐧᐁᐸᔨᐧᑳᐤ ᐊᔨᒧᐧᐃᓐᐦ᙮[23]

ᐆ ᒫᒃ, ᐊᓂᒌᒡ ᑳ ᒉᔥᑎᓈᑕᐱᔥᑕᐧᑖᐤ ᐃᑎᔓᐧᐁᐧᐃᓐ ᓇᒧᐃ ᒋᑲ ᒌ ᐧᐄᒋᐦᐄᐧᐁᐅᒡ ᒣᐧᑳᒡ ᐁ ᐊᔨᒥᐦᑑᑖᑲᓄᐧᐃᔨᒡ ᐅᐦᒋ ᐁ ᐋᐸᒋᐦᑕᑲᓅᑦ ᑯᑕᒃ ᐊᔨᒧᐧᐃᓐ ᐃᔑᐸᔖᒡ ᐧᐄ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ ᐊᓂᑦ ᐁ ᐊᔨᒥᐦᑑᑖᑲᓄᐧᐃᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮ ᐊᓂᑌᐦ ᐅᐦᑖᐦᒡ, ᐁᑯᓐ ᑳ ᐃᑎᓇᓅᒡ ᑳ ᒌ ᐅᔑᐦᑖᐧᑖᐤ ᐁ ᑕᐦᑯᑕᐧᑖᐤ ᐊᔨᒥᐧᑖᐤ ᐅᑕᔨᒧᐧᐃᓂᐧᐋᐤ ᐁ ᐋᐸᒋᐦᑖᐧᑖᐤ ᐁᑳ ᐧᐁᒥᔥᑎᑯᔒᐅᐊᔨᒧᐧᐃᓐ ᓀᔥᑦ ᐅᐱᔥᑎᑯᔮᐅᐊᔨᒧᐧᐃᓐ, ᐁᑯᓐ ᒉ ᒌ ᐃᔑᓇᑯᒡ ᐁ ᐅᔑᐦᑖᐸᔨᒡ ᐁ ᐧᐄ ᓂᓯᑐᐦᑖᑑᓇᓅᒡ ᒣᐧᑳᒡ ᐁ ᓂᔥᑐᐧᐄᓇᓅᒡ ᑲᔦᐦ ᒋᑲ ᒌ ᐃᔅᐸᔫ ᐁᑳ ᓂᐦᐋᐤ ᐃᑎᓯᓇᐦᐋᑲᓅᐧᑳᐤ ᒪᓯᓇᐦᐄᑲᓐᐦ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ᙮[24]

ᐊᓂᑦ 15 ᐃᔥᐧᑳᐸᔫᐲᓯᒻ 1959, ᑏᐧᐁᒡ ᒌ ᐃᑌᔥᑕᒧᐧᐋᑲᓅ ᒋᔥᑑᒡ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ ᐁᑯᑦ ᓃᔥᑕᒻ ᒫᐅᒡ ᑳ ᒋᐦᒋᐸᔨᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ, ᐃᔑᑯᑕᒃ ᑳ ᓇᔅᑯᒧᓈᓅᒡ ᒋᔐᐅᒋᒫᐅᑲᒥᑯᒡ ᐊᓂᑦ 1958. ᒥᓐ ᐧᑫᔅᑌᐦ ᐁ ᐅᐦᒋ ᑲᓇᐧᐋᐸᐦᑕᑲᓄᐧᐃᒡ, ᐅᒋᐦ 1867 ᐱᐦᐋᒻ 1959, ᐁ ᐱᒥᐸᔨᒡ ᐧᐃᔦᔥ 92 ᐱᐳᓐᐦ, ᑯᑕᑯᒡ ᐄᔨᔫᒡ ᓇᒧᐃ ᐅᐦᒋ ᓂᓯᑐᐦᒥᒡ ᐁ ᐊᔨᒥᓈᓅᐧᐃᔨᒡ ᑲᔦᐦ ᓇᒧᐃ ᐅᐦᒋ ᐧᐄᒋᐦᐋᑲᓄᐧᐃᒡ ᒣᐧᑳᒡ ᐁ ᓂᔥᑐᐧᐄᓇᓄᐧᐃᔨᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ ᑲᔦᐦ ᑳ ᒫᒨᐱᔥᑕᐧᑳᐤ ᒌ ᐋᐸᒋᐦᑖᐅᒡ ᐊᔨᒧᐧᐃᓂᔫ ᐁᑳ ᓂᓯᑐᐦᒥᔨᒡ ᐊᓂᔫᐦ ᑯᑕᒃ ᐊᐧᐁᔫᐦ ᑳ ᐃᐦᑕᔨᒡ ᐁ ᓂᔥᑐᐧᐄᓇᓄᐧᐃᔨᒡ᙮ ᐊᓂᒌᒡ ᑳ ᒫᒨᐱᔥᑕᐧᑳᐤ ᒌ ᐧᐋᐸᐦᑕᒥᒡ ᐁ ᐃᔑᓇᐦᑯᓂᔨᒡ ᑯᑕᒃ ᐊᐧᐁᔫᐦ ᓇᒧᐃ ᐅᐦᒋ ᒌ ᐃᐦᑑᑕᒥᔫᐦ ᐅᑕᐸᑎᓰᐧᐃᓂᔫᐦ ᑮᐹ ᐊᓐ ᐅᐦᒋ ᐁᑳ ᑏᐧᐁᒡ ᓂᓯᑐᐦᑖᒥᔨᒡ ᑖᓐ ᑳ ᐃᔨᓈᓄᐧᐃᔨᒡ ᐁ ᓂᔥᑐᐧᐄᓇᓄᐧᐃᔨᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐊᓐ ᐅᐦᒋ ᑯᑕᒃ ᐊᔨᒧᐧᐃᓐ ᐁ ᐊᐸᑎᒋᓯᑦ ᐁᑳ ᒌᐦᑳᔮᐸᐦᑕᑲᓅᑦ ᐅᔅᑌᐦ ᐅᐱᔥᑎᑯᔮᐅᐊᔨᒧᐧᐃᓐ ᑲᔦᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᐁᒌ ᒌᐦᑳᔮᐸᐦᑕᑲᓅᒡ᙮

ᐊᓐ ᑳ ᓃᑲᓂᐱᔥᑕᒃ ᒧᔖᐧᐁᐦᔮᑎᐲᓯᒻ 2017 ᒌ ᐧᐄᔓᐧᐁᐤ, ᐊᓐ ᑳ ᓃᑲᓂᐱᔥᑕᒃ ᒋᔐᐅᒋᒫᐅᑲᒥᑯᔫ ᒌ ᐃᑌᐤ ᐁ ᐊᔮᑦ ᐊᐧᐁᓐ ᑲᔅᒋᐦᐆᐧᐃᓂᔫ ᑏᐧᐁᒡ ᒉ ᒌ ᓂᓯᑐᐦᐧᐋᑲᓅᑦ ᐁ ᐊᔨᒧᑦ ᐁ ᑲᐧᑫᔅᒉᒨᑦ ᒉᐧᑳᔫ ᐊᓂᔫ ᑖᓐ ᐧᐋ ᐄᔑ ᐯᐦᑖᑦ ᐊᓐ ᐊᐧᐁᓐ ᐊᓂᑌᐦ ᐅᐦᒋ ᐧᐄᓈᐯᐦᒃ ᒪᓯᓇᐦᐄᒉᐅᑲᒥᑯᒡ᙮[25]

ᐊᓂᑦ ᒦᓐ ᐅᐦᒋ ᒧᔖᐧᐁᐦᔮᐅᐲᓯᒻ 2017 ᒌ ᐧᐄᔓᐧᐁᐤ ᐊᓐ ᑳ ᓃᑲᓂᐱᔥᑕᒃ, ᒌ ᐧᐄᐦᑕᒻ ᒉᔥᑎᓈᔥᒡ ᓂᔥᐧᑖᐤ ᐁᒌ ᐃᔅᐸᔨᔨᒡ ᐁ ᐊᓂᑕᐧᐁᔨᑕᒃ ᐁᑎᑑ ᒉ ᒌ ᓂᓯᑐᐦᑕᒃ ᑖᓐ ᓂᐦᐋᐤ ᐁ ᐃᐦᓇᓄᐧᐃᔨᒡ ᒣᐧᑳᒡ ᐁ ᐊᔨᒥᐦᐄᑑᓇᓄᐧᐃᔨᒡ ᐊᓂᔫ ᐅᐦᒋ ᑯᑕᒃᐦ ᐊᔨᒧᐧᐃᓐᐦ ᐁ ᐋᐸᒋᐦᑖᑲᓄᐧᐃᔨᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮  ᐁᐅᑯᔫᐦ ᐅᔫᐦ ᒉᐧᑳᔫᐦ:

8 ᐲᐦᒉᒪᑲᓂᐲᓯᒻ 1964: ᐁ ᓅᓲᐧᐋᐸᐦᑕᑲᓅᑦ ᐁᑳ ᐅᐦᒋ ᓅᓱᓀᐦᐊᒃ ᐊᐧᐁᓐ ᑳᕇᑲᔨᒧᐧᐃᓐ ᑲᔦᐦ ᓛᑎᓂᐊᔨᒧᐧᐃᓐ ᐁᒌ ᐋᐸᒋᐦᑖᑦ, ᑳ ᓃᑲᓂᐱᑦ ᒌ ᐅᐦᐱᑲᐴ ᐁ ᐄᔮᐧᑳᒫᑦ ᐊᐧᐁᔫᐦ (ᒋᑲ ᒌ ᐃᔅᐸᔨᔫ ᒉ ᒌ ᐅᔑᐦᑕᐸᔨᒡ ᒉᐧᑳᓐ ᒣᐧᑳᒡ ᐁ ᐊᔨᒥᐦᑕᑖᑲᓅᒡ ᐅᑦᐦ ᒋᔐᐅᒋᒫᐅᑲᒥᑯᒡ” ᐧᐁᔅ ᐊᐧᐁᓂᒌᒡ ᑯᑕᒃ ᐊᔨᒧᐧᐃᓂᔫ ᐁ ᐋᐸᒋᐦᑖᐧᑖᐤ ᑏᑯᒡ ᐊᓐ ᐊᔨᒧᐧᐃᓐ ᑳ ᐧᐃᔮᐸᐦᑕᑲᓅᒡ᙮[26]

12 ᑲᔦᐦ 13 ᒧᔖᐧᐁᐦᔮᐅᐲᓯᒻ 1995: ᐅᒋᒫᐤᐦ ᑳ ᐅᐦᒋ ᑖᐦᒋᔑᑲᐧᐋᑦ ᒌ ᑲᐧᑫᒋᒪᑲᓅ ᒉ ᒌ ᐱᔦᑲᔅᑕᒥᔨᒡ ᐅᐦᒋ ᐁ ᐋᐸᒋᐦᑕᑲᓄᐧᐃᔨᒡ ᐊᔨᒧᐧᐃᓐ ᐊᔑᒡ ᐧᐄ ᐅᐱᔥᑎᑯᔮᐅᐊᔨᒧᐧᐃᓐ ᑲᔦᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮ ᒌ ᐧᐄᐦᑕᒧᐧᐁᐤ ᐊᐧᐁᔫᐦ ᐁᑳ ᐁ ᐃᐦᑕᑯᓂᔨᒡ ᒉᐧᑳᔫ ᐁ ᓂᐦᑲᔑᒥᑯᔨᒡ ᐊᓂᑦ ᑳ ᒉᔥᑎᓈᑕᐱᐧᑖᐤ ᐃᑎᔓᐧᐁᐧᐃᓐᐦ ᐊᓐ ᐅᐦᒋ ᒉ ᒌ ᐋᐸᒋᐦᑕᑲᓅᑦ ᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᑲᒥᑯᒡ ᐁᑳ ᐯᔭᒄ ᑳᓈᑖ ᑳ ᐧᐃᔦᔨᐦᑕᒃ ᐊᔨᒧᐧᐃᓂᔫ᙮[27] ᐊᓐ ᒦᓐ ᐁ ᒌᔑᑳᒡ, ᑳ ᓃᑲᓂᐱᔥᑕᒃ ᒌ ᑲᐧᑫᒋᒣᐤ ᐯᔭᒄ ᐊᐧᐁᔫᐦ ᒉ ᒌ ᐊᔨᒥᔨᒡ ᑎᐲᐧᐁ ᐅᑕᔨᒧᐧᐃᓐ ᐁ ᐋᐸᒋᐦᑕᔨᒡ ᐊᓂᑌᐦ ᒋᔐᐅᒋᒫᐅᑲᒥᑯᒡ ᒉ ᒌ ᓇᓈᔥᐧᑫᐅᔑᐦᐋᑲᓄᐧᐃᔨᒡ ᑲᔦᐦ ᒉ ᒌ ᐧᐄᐦᑕᒥᔨᒡ ᒉᐧᑳᔫ ᐁ ᐅᐱᔥᑎᑯᔮᐅᐊᔨᒥᔨᒡ ᓀᔥᑦ ᐧᐁᒥᔥᑎᑯᔒᐅᐊᔨᒥᔨᒡ ᐁ ᐄᔑ ᓇᓈᔥᐧᑫᐅᔑᐦᐧᑖᔨᒡ᙮[28]

ᐆ ᒫᒃ ᐃᔅᐸᔨᑌ ᐊᓂᒌᒡ ᐊᐧᐁᓂᒌᒡ ᑳ ᐊᒥᔨᐦᐧᑖᐤ ᐊᓂᑌᐦ ᒋᔐᐅᒋᒫᐅᑲᒥᑯᒡ ᑲᔦᐦ ᐊᓂᒌᒡ ᑳ ᒫᒨᐱᔥᑕᐧᑳᐤ ᐁ ᐊᔨᒥᐧᑖᐤ ᐁᑳ ᒫᒃ ᐧᐁᒥᔥᑎᑯᔒᐅᐊᔨᒥᐧᑖᐤ ᓀᔥᑦ ᐅᐱᔥᑎᑯᔮᐅᐊᔨᒥᐧᑖᐤ, ᒉ ᒪᓯᓇᐦᐄᑲᓄᐧᐃᔨᒡ ᒉᒃ ᐊᔨᒧᐧᐃᓂᔫ ᑳ ᐋᐸᒋᐦᑖᑦ ᑳ ᐊᔨᒥᑦ᙮[29]  ᐁᑯᐦ ᐊᐧᐁᓂᒌᒡ ᒋᑲ ᐸᒋᔅᑎᓂᒥᒡ ᐁ ᒪᓯᓈᑌᔨᒡ ᒪᓯᓇᐦᐄᑲᓂᔫ, ᐁᒌ ᐃᑌᔥᑕᒪᑕᑲᓄᐧᐃᔨᒡ ᐊᓂᔫ ᒉᐧᑳᔫ ᑳ ᐊᔨᒥᐧᐁᐦᐄᑯᑦ ᐊᓂᑌᐦ ᒋᔐᐅᒋᒫᐅᑲᒥᑯᒡ ᒪᓯᓇᐦᐄᑲᓐᐦ ᑳ ᐅᐦᒋ ᐊᐸᓰᔥᑕᑲᓄᐧᐃᔨᒡ, ᐁᑯᐦ ᐊᓐ ᑳ ᐃᑌᔥᑕᒪᑕᑲᓄᐧᐃᑦ ᒉ ᒪᓯᓈᑌᒡ ᐁ ᐧᐁᒥᔥᑎᑯᔒᐅᔥᑌᒡ ᑲᔦᐦ ᐅᐱᔥᑎᑯᔮᐅᔥᑌᒡ ᒉ ᓅᐦᑯᐦᒡ ᐊᓂᑦ ᒪᓯᓇᐦᐄᑲᓂᒡ᙮  ᐁ ᐧᐋᐸᐦᑎᐧᐋᓅᑦ, ᐊᓂᔫ ᑖᓐ ᑳ ᐃᑌᑦ ᐊᓐ ᐊᐧᐁᓐ ᑳ ᐊᔨᒥᑦ ᐊᓂᑌᐦ ᐧᐃᓂᐯᐦᒃ ᒪᓯᓇᐦᐄᒉᐅᑲᒥᑯᒡ ᐊᓂᑦ 4 ᐊᔑᐧᒫᑯᐲᓯᒻ 2017 ᐁᐅᑯᔫ ᐆᔫ ᑳ ᒪᓯᓇᐦᐊᒃ ᐧᐹᒧᔥ ᑳ ᐃᑌᔥᑕᒪᑕᑲᓄᐧᐃᔨᒡ:

[ᐊᐧᐁᓐ ᒌ ᐄᔨᔫ ᐊᔨᒨ ᑲᔦᐦ ᒋ ᐸᒋᔅᑎᓇᒻ ᐁ ᐃᑌᔥᑕᒪᑕᒪᓄᐧᐃᔨᒡ᙮]

ᐊᐧᐁᓂᒌᒡ ᐁ ᐊᔨᒥᐧᑖᐤ ᐁ ᐋᐸᒋᐦᑖᐧᑖᐤ ᑯᑕᑯᔫ ᐊᔨᒧᐧᐃᓂᔫ ᐃᔑᐱᔖᒡ ᐧᐄ ᐧᐁᒥᔥᑎᑯᔒᐅᐊᔨᒧᐧᐃᓐ ᓀᔥᑦ ᐅᐱᔥᑎᑯᔮᐅᐊᔨᒧᐧᐃᓐ ᑲᔦᐦ ᐁᑳ ᒫᒃ ᐸᒋᔅᑎᓇᒃ ᐁ ᒪᓯᓈᑌᔨᒡ, ᐁ ᐃᑌᔥᑕᒪᑕᑲᓄᐧᐃᔨᒡ ᑖᓐ ᑳ ᐃᑌᑦ ᐁ ᐊᔨᒥᑦ, ᐊᓂᔫ ᑖᓐ ᑳ ᐃᑌᑦ ᓇᒧᐃ ᒋᑲ ᒪᓯᓈᑌᔪ ᐊᓂᑦ ᑳ ᒪᓯᓇᐦᐊᑲᓄᐧᐃᔨᒡ ᑲᔦᐦ ᒋᑲ ᐊᔑᑎᓇᑲᓄᔫ ᐊᓐ ᑖᓐ ᑳ ᐃᑌᑦ ᑳ ᐊᔨᒥᑦ:

[ᒌ ᐄᔨᔫ ᐊᔨᒨ ᐊᐧᐁᓐ ᑳ ᐊᔨᒥᑦ᙮]

D. ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐁ ᐋᐸᒋᐦᑕᑲᓅᒡ ᐊᓂᑦᐦ ᑎᐹᔅᑯᓂᒉᐧᐃᓂᐦᒡ ᑲᔦᐦ ᑯᑕᒃ ᐧᐄᔓᐧᐁᐧᐃᓐᐦ

i. ᑳ ᐅᒋᒫᐅᐱᔥᑕᐧᑳᐤ ᐅᑦᐦ ᑳᓈᑕ

ᐊᓂᑦ ᓂᔅᑲᐲᓯᒻ 2008, ᑳ ᒉᔥᑎᓈᑕᐱᐧᑖᐤ ᑲᔦᐦ ᑳ ᐅᒋᒫᐅᐱᔥᑕᐧᑳᐤ ᐁ ᒫᒨᐱᔥᑕᐧᑳᐤ ᐃᑎᔓᐧᐁᐧᐃᓐᐦ, ᐁ ᐃᔅᐸᔨᔨᒡ ᒉᐧᑳᓐ, ᑲᔦᐦ ᒋᔐᐅᒋᒫᐅᑲᒥᑯᒡ ᑲᔅᒋᐦᐆᓐᐦ ᐁᒌ ᓈᓂᑑ ᒋᔅᒉᔨᐦᑕᑲᓅᑦ ᐁ ᐋᐸᒋᐦᑕᑲᓅᑦ ᐃᓄᑲᑎᑐᑦ ᐊᔨᒧᐧᐃᓐ ᑲᔦᐦ ᑯᑕᒃ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ᙮  ᐊᓂᑦ ᐆ ᒪᓯᓇᐦᐄᑲᓂᐧᐋᒡ, ᐁᒌ ᐸᒧᐦᑕᑲᓅᒡ ᐊᓂᑦ 14 ᐊᔑᐧᒫᑯᐲᓯᒻ 2008, ᑳ ᒫᒨᐱᔥᑕᐧᑳᐤ ᒌ ᐧᐄᔓᐧᐋᑎᒥᒡ ᐁ ᐋᐸᒋᐦᑕᑲᓄᐧᐃᔨᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᒉ ᒌ ᐸᒋᔅᑎᓇᑲᓅᑦ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ ᑲᔦᐦ ᐊᓂᑌᐦ ᑳ ᐃᑌᔥᑕᒪᐅᓯᓇᐦᐃᑲᓂᒡ ᒉ ᒌ ᐃᐦᑕᑯᐦᒡ ᑯᐃᔅᒄ ᐁ ᒪᓯᓇᐦᐊᑲᓅᑦ᙮[30] ᑳ ᒫᒨᐱᔥᑕᐧᑳᐤ ᒌ ᐧᐄᔓᐧᐋᑎᒥᒡ ᐁᑎᑑ ᒉ ᒌ ᒌᐦᑳᔮᐸᑎᑲᓄᐧᐃᔨᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ ᑲᔦᐦ ᑳ ᒫᒨᐱᔥᑕᐧᑳᐤ:

• ᓃᔥᑕᒻ, ᑳ ᒫᒨᐱᔥᑕᐧᑳᐤ ᒌ ᐧᐄᔓᐧᐋᑎᒥᒡ ᒉ ᐄᐦᑐᑕᑲᓅᒡ - ᐧᐄᐸᒡ - ᐁ ᒋᐦᒋᐸᔨᐦᑕᑲᓅᒡ ᐃᓄᑲᑎᑐᑦ ᐊᓂᑌᐦ ᑳ ᐊᒋᒫᐅᐱᔥᑕᐧᑳᐤ᙮
• ᓃᔓ, ᑳ ᒫᒨᐱᔥᑕᐧᑳᐤ ᒌ ᐧᐄᔓᐧᐋᑎᒥᒡ ᒉ ᑳᐧᑫᒋᐸᔨᐦᑕᑲᓄᐧᐃᔨᒡ ᒫᒃ ᐁᑎᑑ ᐁ ᐱᒋᔅᓂᒧᐧᐋᑲᓄᐧᑖᐤ ᑳ ᒉᔥᑎᓈᑕᐱᐧᑖᐤ ᐁ ᐅᒋᒫᐅᐱᔥᑕᐧᑳᐤ ᐅᐦᒋ ᐄᔨᔫᐦ ᑲᔦᐦ ᑳ ᐅᒋᒫᐅᐱᔥᑕᐧᑳᐤ ᑳ ᒉᔥᑎᓈᑕᐱᐧᑖᐤ ᐅᐦᒋ ᐁ ᓅᑕᒣᓵᓄᐧᐃᔨᒡ ᑲᔦᐦ ᒋᐦᒋᑲᒥᔨᒡ᙮
• ᓂᔥᑐ, ᐸᑎᒫᐦ ᓈᔥᒡ ᑳ ᒥᔪᒋᔅᒉᔨᐦᒪᑲᓅᑦ ᐃᓄᑲᑎᑐᑦ, ᑳ ᒫᒨᐱᔥᑕᐧᑳᐤ ᒌ ᐧᐋᐸᐦᑕᒥᒡ ᒉ ᒌ ᓂᑑᐧᐋᑕᑲᓄᐧᐃᔨᒡ ᑖᓐ ᐁ ᐃᔅᐸᔨᔨᒡ ᒉ ᐄᔑ ᐧᐄᔓᐧᐋᑎᑲᓄᐧᐃᔨᒡ ᐅᐦᒋ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ᙮

ᑳ ᒫᒨᐱᔥᑕᐧᑳᐤ ᒌ ᒪᓯᓇᐦᐊᒥᒡ ᐁ ᐧᐄᔓᐧᐋᑎᐧᑳᐤ ᒉ ᐊᐸᑎᒋᓯᑦ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐁ ᐊᔨᒥᓇᓅᒡ ᑲᔦᐦ ᒉ ᓂᓯᑐᐦᐧᐋᑲᓅᑦ ᐊᐧᐁᓐ ᐁ ᐊᔨᒥᑦ ᐊᓂᑌᐦ ᐅᒋᒫᐅᑲᒥᑯᒡ᙮ ᒥᒄ ᒫᒃ ᐆ ᑳ ᐃᑎᔓᐧᐋᓅᑦ ᒋᑲ ᒌ ᐃᔑᓇᐦᑯᓐ ᐁᑳ ᒉ ᒌ ᐃᔅᐸᔨᒡ ᐊᓐ ᑮᐹ ᐁᑳ ᑎᐱᐦᑖᐧᑖᐤ ᐁ ᑲᔅᒋᐦᐆᐧᑖᐤ ᐃᑌᔥᑕᒫᒉᓲᒡ, ᑲᔦᐦ ᒋᑲ ᒌ ᐃᔅᐸᔨᔫ ᐁ ᐧᐄ ᐃᑌᔥᑕᒪᑲᓅᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐧᒣᐦᒡ ᐁᑳ ᓈᔥᒡ ᐃᐦᑕᐧᑖᐤ ᐊᐧᐁᓂᒌᒡ ᐁ ᐋᐸᒋᐦᑖᐧᑖᐤ ᐊᓂᔪ ᐊᔨᒧᐧᐃᓂᔫ᙮[31]

ᐹᑎᒫᐦ ᒫᒃ ᑳ ᐱᒧᐦᑕᑲᓄᐧᐃᒡ ᐊᓐ ᒪᓯᓇᐦᐄᑲᓐ ᐊᓂᑦ ᐊᔑᐧᒫᑯᐲᓯᒻ 2008, ᒥᐦᒉᑐ ᒌ ᒪᓯᓇᐦᐊᒥᒡ ᐊᓂᒌᒡ ᑳ ᐅᒋᒫᐅᐱᔥᑕᐧᑳᐤ ᐃᓄᑲᑎᑐᑦ ᐁ ᐄᔑ ᒪᓯᓇᐦᐊᑲᓄᐧᐃᔨᒡ᙮[32]  ᐁᔥᒄ ᐁᑳ ᐅᐦᒋ ᒋᐦᒋᐧᐁ ᐅᐦᒋ ᐋᐸᑎᐧᑳᐤᐦ, ᑳ ᐅᒋᒫᐅᐱᔥᑕᐧᑳᐤ ᓇᒧᐃ ᐱᒋᔅᑎᓀᐅᒡ ᐃᓄᑲᑎᑐᑦ ᒉ ᐋᐸᒋᐦᑕᔨᒡ ᐅᑕᔨᒧᐧᐃᓂᔫ ᒣᐧᑳᒡ ᐁ ᓂᔥᑐᐧᐄᓇᓄᐧᐃᔨᒡ ᑲᔦᐦ ᒥᐦᒉᐧᑖᐤ ᐁᒌ ᐊᐸᑎᒋᓯᑦ ᐊᓐ ᐊᔨᒧᐧᐃᓐ᙮[33]

ᐊᓂᒌᔥ ᐁ ᐃᔅᐸᔨᒡ, ᑳ ᐅᒋᒫᐅᐱᔥᑕᒃ ᓂᑐᐧᐁᔨᐦᑕᒻ ᒉ ᒪᓯᓇᐦᐊᒥᔨᒡ ᐊᐧᐁᔫ ᒉᐧᑳᔫ ᐧᐁᐦᒋ ᐧᐄ ᐃᓄᑲᑎᑐᑦ ᐁ ᐋᐸᒋᐦᑖᔨᒡ᙮ [34] ᐊᓐ ᐃᑎᔓᐧᐁᐧᐃᓐ ᐋᐸᑎᓰᐧᐃᓐ ᑲᔦᐦ ᐁ ᐅᐦᒋ ᐱᒥᐸᔨᐦᑕᑲᓄᐧᐃᒡ ᐁ ᓂᐦᐋᐸᔨᐦᑖᐤ ᒉ ᐃᑌᔥᑕᒪᑲᓄᐧᐃᔨᒡ ᑖᐱᔥᑯᓐ ᑳ ᐧᐄᔦᔨᐦᑕᑲᓄᐧᐃᔨᒡ ᐊᔨᒧᐧᐃᓐᐦ᙮ ᐃᑌᔥᑕᒫᒉᐧᐃᓐ ᓂᐦᐄᐸᔨᐦᑖᑲᓅ ᐊᓂᑌᐦ ᐅᐦᒋ ᒋᔐᐅᒋᒫᐅᑲᒥᑯᒡ ᑳ ᐄᔑ ᓂᐦᐄᐸᔨᐦᑖᑲᓅᒡ᙮ ᒥᒄ ᑕᓂᑦᐦ ᒉ ᐃᔅᐸᔨᒡ, ᐊᓂᑦ ᐁ ᒪᓯᓈᑌᒡ ᒉ ᒌ ᐱᒋᔅᑕᓇᑲᓄᐧᐃᒡ ᐧᐁᒥᔥᑎᑯᔒᐅᐊᔨᒥᓇᓅᒡ ᑲᔦᐦ ᐅᐱᔥᑎᑯᔮᐅᐊᔨᒥᓇᓅᒡ ᒉ ᐱᒥᐸᔨᔨᒡ ᐁ ᐃᑌᔥᑕᒪᑲᓅᒡ᙮ ᒨᔥ ᒉᑳᑦ ᐃᔑᓇᑯᓐ, ᐁ ᐃᐦᑖᑦ ᐃᑌᔥᑕᒪᒉᓲ ᐁ ᐋᐸᒋᐦᑖᑦ ᐃᓄᑲᑎᑐᑦ ᐁᑎ ᐃᑌᔥᑕᒪᑕᒃ ᐧᐁᒥᔥᑎᑯᔒᐅᐊᔨᒧᐧᐃᓂᔫ, ᐧᐁᒥᔥᑎᑯᔒᐅᐊᔨᒧᐧᐃᓂᔫ ᐁ ᐊᐸᒋᓯᑦ ᒉ ᒌ ᐊᔔᐧᐄᑕᒪᑲᓅᒡ ᑯᑕᒃ ᐊᔨᒧᐧᐃᓐ[35] ᐁᑯᐦ ᐅᐱᔥᑎᑯᔮᐅᐊᔨᒧᐧᐃᓐ ᒨᔥ ᒉ ᒌ ᐃᐦᑕᑯᐦᒡ ᐃᑌᔥᑕᒪᒉᐧᐃᓐ᙮

ii. ᒋᔐᐅᒋᒫᐅᐧᐄᔓᐧᐁᐧᐃᓐᐦ ᑳ ᒫᒨᐱᔥᑕᐧᑳᐤ ᒌᐧᐁᑎᓅᑖᐦᒡ ᐋᔅᒌᔨᒡ

ᐊᓂᑌᐦ ᒋᔐᐅᒋᒫᐤ ᐅᐦᒋ ᒌᐧᐁᑎᓅᑖᐦᒡ (NWT)[36]  ᒌ ᐧᐄᔦᔨᐦᑕᒥᒡ ᑖᐱᔥᑯᓐ ᒉ ᐄᔑ ᑲᓇᐧᐋᐸᐦᑕᐧᑳᐤ ᐁᑎ ᐃᑎᔅᑲᓀᓰᒥᑯᓂᔨᒡ ᐊᔨᒧᐧᐃᓐᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ᙮ (ᒋᔐᐅᒋᒫᐤ ᒌᐧᐁᑎᓅᑖᐦᒡ ᐁᒌ ᐄᔑ ᐧᐄᔓᐧᐋᑎᑲᓅᒡ ᐊᔨᒧᐧᐃᓐᐦ ᐃᑎᔓᐧᐁᐧᐃᓐ[37] (NWTOLA) ᒌ ᐊᒋᐦᑖᑲᓅ ᐊᓂᑦ 1990 ᒉ ᒌ ᒌᐦᑳᔮᐸᑕᑲᓄᐧᑳᐤ ᒥᓯᐧᐁ ᐯᔭᑯᔥᑌᐤ ᐁᒌ ᐧᐃᔭᐸᐦᑕᑲᓅᒡ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ, ᐊᔑᒡ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ, ᐁᑯᔫ ᐊᓂᔫᐦ ᑳ ᐧᐃᔮᐸᐦᑕᑲᓄᐧᑳᐤ ᐊᓂᑌᐦ ᐧᐄᔓᐧᐁᐧᐃᓂᒡ ᑳ ᒋᔐᐅᒋᒫᐅᐱᔥᑕᐧᑳᐤ ᑲᔦᐦ ᒋᔐᐅᒋᒫᐤ ᒋᐧᐁᑎᓅᑕᐦᒡ NWT.[38]  ᐁᑯᐦ NWTOLA ᒌ ᒌᐦᑳᔮᐸᑕᒻ ᒥᐦᒉᑐ ᐊᔨᒧᐧᐃᓐᐦ ᐁ ᐊᔨᒥᓇᓄᐧᐃᔨᒡ ᑲᔦᐦ ᒉ ᒌ ᐋᐸᒋᐦᑕᔨᒡ ᐄᔨᔫᐦ ᐊᓂᑌᐦ ᒋᐧᐁᑎᓄᐦᑖᐦᒡ ᒋᔐᐅᒋᒫᐤ TNO ᑲᔦᐦ ᐱᒋᔅᑎᓂᓲ ᒉ ᒌ ᑲᓇᐧᐁᔨᐦᑕᑲᓄᐧᐃᔨᒡ, ᐋᐸᑕᓰᔥᑕᑲᓄᐧᐃᔨᒡ, ᑲᔦᐦ ᐁᑎᑑ ᒉ ᒌ ᒥᔥᑯᑲᐴᑦ ᐁᑎ ᐃᑎᔅᑲᓀᐧᓰᒥᑯᒡ ᐊᔨᒧᐧᐃᓐ᙮.

ᐯᔭᑯᔥᑌᐤ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᒌᐦᑳᔮᐸᑕᑲᓅ ᐊᓂᑌᐦ ᒋᔐᐅᒋᒫᐤ ᒋᐧᐁᑎᓅᑕᐦᒡ NWTOLA ᐁ ᑎᐱᐦᒉᔨᑕᑯᒡ ᓂᔥᑑ ᓇᓈᐦᑰ ᐊᔨᒧᐧᐃᓐᐦ ᐁ ᐄᔑ ᑲᓇᐧᐋᐸᐦᑕᑲᓅᐧᑳᐤᐦ: ᑌᓀᐃ, ᐃᓄᐃᑦ ᑲᔦᐦ ᐋᐱᐦᑎᐲᐧᐄᔨᔫ᙮  ᐊᓂᔫᐦ ᓂᔭᔫ ᑌᓀᐃ ᐊᔨᒧᐧᐃᓐ: ᒋᐯᐧᐃᔭᓐ, ᑭᐧᐁᒌᓐ, ᐧᓈᕐᕪ ᔅᓚᕓᕇ ᑲᔦᐦᐦ ᑕᒍ ᔭᑏ᙮. ᐁᑯᐦ ᐊᓂᔫᐦ ᓂᔥᑑ ᐃᓄᐃᑦ ᐊᔨᒧᐧᐃᓐᐦ: ᐃᓄᓇᑲᑐᓐ, ᐃᓄᑭᑐᑦ ᑲᔦᐦ ᐃᓄᕚᐊᓗᑲᑐᓐ᙮  ᐁᑯᐦ ᐋᐱᐦᑎᐲᐧᐄᔨᔫ  ᐧᐁᔅ ᐄᔨᔫ ᐊᔨᒧᐧᐃᓐ᙮

ᐊᓂᑦᐦ NWTOLA, ᐄᔨᔫ ᐊᔮᐤ ᑲᔅᒋᐦᐆᐧᐃᓂᔫ ᒉ ᒌ ᐋᐸᒋᐦᑖᑦ ᐧᐄ ᑎᐲᐧᐁ ᐅᑕᔨᒧᐧᐃᓐ ᐁ ᓂᔥᑐᐧᐄᓈᓄᐧᐃᔨᒡ ᑲᔦᐦ ᑯᑕᒃᐦ ᒉᐧᑳᔫᐦ ᐁ ᐊᔨᒧᐧᐁᐦᐄᑯᑦ ᐊᓂᑌᐦ ᒋᔐᐅᒋᒫᐤ ᑳ ᓃᑲᓂᐱᔥᑲᒥᔨᒡ; ᐃᐦᑑᓐ, ᐁ ᒪᓯᓇᐦᐊᑲᓄᐧᐃᔨᒡ ᐁ ᐄᓇᓄᐧᐃᔨᒡ, ᑲᔦᐦ ᒪᓯᓇᐦᐄᑲᓐᐦ ᐅᐦᒋ ᐁ ᓂᔥᑐᐧᐄᐧᑖᐤ ᒉ ᒌ ᐃᔑᓇᐦᑯᒡ ᐁ ᒪᓯᓈᑌᒡ ᒉ ᐧᐁᒥᔥᑎᑯᔒᐅᔥᑌᒡ ᑲᔦᐦ ᐅᐱᔥᑎᑯᔮᐅᔥᑌᒡ; ᑲᔦᐦ ᐊᓂᒌᒡ ᑳ ᓃᑲᓂᔥᑳᐧᑳᐤ ᑳ ᓃᑲᓂᐱᐧᑖᐤ ᒉ ᐧᐄᔓᐧᐁᐧᑖᐤ ᐧᐄᔓᐧᐁᐧᐃᓂᔫ ᒉ ᒋ ᐃᑌᔥᑕᒪᑲᓄᐧᐃᔨᒡ ᐯᔭᒄ ᓀᔥᑦ ᒫᒃ ᒦᓐ ᑯᑕᒃ ᐁ ᐃᑎᔓᐧᐋᓄᐧᐃᔨᒡ ᒉ ᐊᔑᑕᓇᑲᓄᐧᐃᔨᒡ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ᙮ ᐁᑎᑑ ᒫᒃ, ᐊᓂᒌᒡ ᐊᔨᒧᐧᐁᔮᐲ ᐊᐸᒋᐦᑖᑲᓅ ᐁ ᓂᔥᑐᐧᐄᓇᓅᑦ ᐊᓂᔫᐦ ᑳ ᓃᑲᓂᐱᔨᒡ ᐊᔑᐦᑕᓂᒥᔫ ᑯᑕᑯᔫ ᐊᔨᒧᐧᐃᓂᔫ ᒉ ᒌ ᐃᔑᓇᐦᑯᒡ ᐁ ᒫᒥᔥᑯᒋᐸᔨᒡ ᐊᔨᒧᐧᐃᓐ ᑲᔦᐦ ᒉ ᒌ ᑖᐱᑑ ᒉ ᐄᔑ ᐊᐸᑎᒋᓯᑦ ᓇᓈᐦᑰ ᐊᔨᒧᐧᐃᓐ ᐊᓂᑌᐦ ᑳ ᐅᒋᒫᐅᑲᒥᑯᒡ ᒉ ᒌᐦᑳᔮᐸᑎᑲᓅᒡ ᑲᔅᒋᐦᐆᓐ ᒥᓯᐧᐁ ᐁᒌ ᐄᔑ ᐧᐃᔮᐸᐦᑕᑲᓅᒡ ᐊᔨᒧᐧᐃᓐ᙮  ᐁᑯᐦ ᐊᓂᔫᐦ ᑳ ᐱᐦᑌᐸᔨᐦᑕᑲᓄᐧᑳᐤ ᐁᒌ ᓂᔥᑐᐧᐄᓇᓅᒡ ᐅᐦᒋ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᓈᓄᐧᐃᔨᒡ ᒋᑲ ᒌ ᒦᐧᐁᐅᒡ ᐊᓂᑐᐧᐁᔨᐦᑕᒥᒉᓐ ᐊᐧᐁᔫᐦ᙮

ᐁᑯᐦ TNO ᐅᒋᒫᐅᑲᒥᒄ ᐊᔮᐧᐁᐅᒡ ᓂᔥᑑ ᒨᔥ ᐁ ᐃᐦᑕᔨᒡ ᐊᐧᐁᔫᐦ ᒉ ᒌ ᐃᑌᔥᑕᒪᒉᔨᒡ ᑲᔦᐦ ᓂᔥᑐᐧᐄᔨᒡ ᒉ ᒌ ᐄᔑ ᐃᑌᔥᑕᒫᒉᔨᒡ᙮ ᐆᔫᐦ ᒫᒃ ᐊᔨᒧᐧᐃᓐᐦ ᒫᒥᔥᑯᒋᐸᔫ ᒣᔥᑯᒻ ᐁ ᑑᔥᑌᒡ, ᑏᒌ ᔮᑏ ᐊᔨᒧᐧᐃᓐ ᒨᔥ ᒋᑲ ᐃᐦᑕᑯᓐ ᐁ ᐃᑌᔥᑕᒪᑲᓅᒡ, ᐧᐁᔅ ᐊᓐ ᐊᓂᒌᔥ ᑳ ᓃᑲᓂᐱᑦ ᐁ ᓂᔥᑐᐧᐄᓈᓄᐧᐃᔨᒡ ᐊᔨᒨ ᐊᓂᔫ ᐊᔨᒧᐧᐃᓂᔫ᙮  ᒥᓯᐧᐁ ᒫᒃ ᒫᒨ, ᓂᔥᑐᐧᐄᐧᑖᐤ ᐊᐧᐁᓂᒌᒡ ᐊᓂᑌᐦ ᐅᒋᒫᐅᑲᒥᑯᒡ ᐁ ᐊᐸᒋᐦᑖᐧᑖᐤ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᒣᐧᑳᒡ ᐁ ᓂᔥᑐᐧᐄᓇᓅᐧᐃᔨᒡ᙮[39]

ᐁ ᒋᔥᑌᔨᐦᑕᑲᓅᒡ ᒫᒃ ᒉᐧᑳᓐ ᐁ ᐃᔅᐸᔨᒡ, ᐁ ᒋᐦᒋᐸᔨᒡ ᒣᔥᑯᒻ ᐁ ᓂᔥᑐᐧᐄᓈᓅᒡ, ᐊᓐ ᐅᒋᒫᔥ ᑳ ᒪᓯᓇᐦᐄᒉᐸᔨᑖᑦ ᑳᐧᑫᒋᒣᐤ ᒥᓯᐧᐁ ᐊᐧᐁᓐ ᐊᓂᑦ ᐁ ᐃᐦᑕᔨᒡ ᒉᒃ ᐊᔨᒧᐧᐃᓐ ᒉ ᐄᔑ ᐋᐸᒋᐦᑕᔨᒡ᙮  ᐁ ᐄᔑ ᐧᐄᔓᐧᐋᑎᑲᓅᒡ ᐊᔨᒧᐧᐃᓐ ᐯᔭᒄ ᒋᑲ ᒥᔮᑲᓄᐧᐃᒡ ᐅᑦᐦ ᓂᔥᑎᐧᑳᐤᐦ:[40]

1. ᐁ ᐃᔑᓇᐦᑯᒡ:  ᐊᐧᐁᓐ ᐊᐱᔑᔥ ᓀᔥᑦ ᒥᑑᓐ ᐁᑳ ᓂᓯᑐᐦᑖᒃ ᐧᐁᒥᔥᑎᑯᔒᐅᐊᔨᒧᐧᐃᓂᔫ ᒥᒄ ᒫᒃ ᐁ ᐧᐄ ᐋᐸᒋᐦᑖᑦ ᑯᑕᑯᔫ ᐊᔨᒧᐧᐃᓂᔫ᙮  ᐁ ᐃᔑᓇᐦᑯᒡ ᐊᔨᒧᐧᐃᓐ, ᑏᐧᐁᒡ ᐁ ᐃᑌᔥᑕᒧᐧᐋᑲᓅᑦ ᐊᐧᐁᓐ ᒥᓯᐧᐁ ᐁ ᓂᔥᑐᐧᐄᓈᓄᐧᐃᒡ ᑲᔦᐦ ᒥᓯᐧᐁ ᐊᐧᐁᓂᒌᒡ ᐁ ᒫᒨᐱᐧᑖᐤ ᒥᒄ ᐊᐧᐁᓐ ᐃᐦᑖᑦ ᐁ ᓂᔥᑐᐧᐄᓈᓄᐧᐃᔨᒡ᙮
2. ᐅᑎᓇᒧᐧᐃᓐ: ᐊᐧᐁᓐ ᐁ ᑲᔅᒋᐦᐆᑦ ᐁ ᐧᐁᒥᔥᑎᑯᔒᐅᐊᔨᒥᑦ ᒥᒄ ᒫᒃ ᑯᑕᑯᔫ ᐁᒌ ᐧᐄᔓᐧᐋᑎᑲᓄᐧᐃᔨᒡ ᐁ ᐧᐄ ᐋᐸᒋᐦᑖᑦ ᒣᐧᑳᒡ ᐁ ᓂᔥᑐᐧᐄᓈᓄᐧᐃᔨᒡ᙮ ᐆᔫᐦ ᐁ ᐃᔑᓇᐦᐧᑳᐤ ᐊᔨᒧᐧᐃᓐᐦ, ᓅᒡ ᓲᒃ ᒋᑲ ᐧᐄ ᑯᒋᐦᑖᐅᒡ ᒉ ᒌ ᐃᐦᑕᔨᒡ ᐊᐧᐁᔫᐦ ᒉ ᒌ ᐃᑌᔥᑕᒫᒉᔨᒡ ᒥᒄ ᒫᒃ ᐧᐄᐸᒡ ᒋᑲ ᐧᐄᐦᑕᒥᒡ ᐁ ᓂᑐᐧᐁᔨᐦᒪᐧᑖᐤ ᐃᑌᔥᑖᒪᒉᓲ (ᒉ ᐸᒋᔅᑎᓈᒃ ᐊᐧᐁᓐ ᒪᓯᓇᐦᐄᑲᓂᔫ ᐧᐹᒧᔥ ᓀᐤ ᒋᐦᐧᑳᓂᑌᔨᒡ ᐲᓯᒧᑲᓐᐦ)  ᒉ ᐧᐄᐦᑕᒧᐧᐋᑦ ᐊᓂᔪᐦ ᐅᒋᒫᔥ ᑳ ᒪᓯᓇᐦᐄᒉᐸᔨᑖᑦ ᓂᑕᐧᐁᔨᐦᑕᑫ ᒉ ᐃᑌᔥᑕᒧᐧᐋᑲᓅᑦ᙮
3. ᐁᑳ ᐃᔑᓇᐦᑯᒉ: ᐁᒌ ᐧᐄᔓᐧᐋᑎᑲᓅᑦ ᐊᔨᒧᐧᐃᓐ ᒉ ᒌ ᐊᐸᑎᒋᓯᑦ ᐊᓐ ᒉ ᐃᔑᓇᐦᑯᒡ ᐁᑳ ᐅᐦᑎᓇᑲᓄᐧᐃᒡ ᐊᓐ ᒫᒃ ᐁᑳ ᐃᔑᓇᐦᑯᒡ ᐊᓂᑐᐧᐁᔨᑕᒃ ᒉ ᐃᑌᔥᑕᒧᐧᐋᑲᓅᑦ ᒣᐧᑳᒡ ᐁ ᓂᔥᑐᐧᐄᓈᓄᐧᐃᔨᒡ᙮ ᐆ ᒫᒃ ᐁ ᐃᔅᐸᔨᒡ, ᐁ ᐃᑌᔥᑕᒧᐧᐋᑲᓅᑦ ᓇᒧᐃ ᒋᑲ ᒌ ᐊᓂᑐᐧᐁᔨᐦᑕᑯᓐ ᐊᓐ ᑳ ᐄᔑ ᓅᓲᓀᐦᐄᑲᓅᑦ ᒉᐧᑳᓐ᙮

ᐁ ᐋᐸᒋᐦᑖᑲᓅᑦ ᑳ ᐧᐄᔓᐧᐋᑎᑲᓅᐧᑳᐤᐦ ᐊᔨᒧᐧᐃᓐ ᒌ ᒪᓯᓇᐦᐄᑲᓅ ᓂᐧᔖᐤ ᐊᓂᑦ ᐧᐄᔓᐧᐁᐧᐃᓐᐦ ᐁ ᐅᐦᒋ ᐁ ᐅᒋᒫᐅᐱᔥᑕᑲᓅᒡ ᐁ ᓂᔥᑐᐧᐄᓈᓅᒡ᙮  ᐊᓂᑦ ᐧᐄᔓᐧᐁᐧᐃᓐ 38, ᐁ ᑲᓇᐧᐋᐸᐦᑎᐧᑳᐤᐦ ᐊᓂᒌᒡ ᑳ ᒫᒨᐱᔥᑕᐧᑳᐤ ᐃᑎᔓᐧᐁᐧᐃᓐᐦ, ᐊᐧᐁᓐ ᐊᓂᑦ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ  ᐊᐧᐁᓐ ᐁ ᐧᐄ ᐊᔨᒥᑦ ᐁ ᐧᐄ ᐋᐸᒋᐦᑖᑦ ᐯᔭᒄ ᓀᔥᑦ ᒦᓐ ᐁᑎᑑ ᑳ ᐧᐄᔓᐧᐋᑎᑲᓄᔨᒡ ᐊᔨᒧᐧᐃᓐᐦ ᒋᑲ ᒪᓯᓇᐦᐊᒧᐧᐁᐤ ᐊᓂᔪ ᑳ ᓃᑲᓂᐱᔥᑕᒥᔨᒡ ᐧᐃᔦᔥ ᐯᔭᒄ ᐁ ᒋᓂᐧᑳᓂᑌᑦ ᐱᓯᒧᑲᓐᐦ ᐁ ᐧᐄᐦᑕᒧᐧᐋᑦ᙮  ᐊᓐ ᐯᔭᒄ ᑳ ᐅᒋᒫᐅᐱᑦ ᐁ ᓂᔥᑐᐧᐄᓈᓄᐧᐃᔨᒡ ᓃᔓ ᐁ ᐋᐸᒋᐦᑖᑦ ᐊᔨᒧᐧᐃᓐᐦ ᒋᑲ ᐸᒋᔅᑎᓈᑲᓅ ᒦᓐ ᓂᔥᑐᒥᑎᓅ ᒥᓂᑯᔥ ᒉ ᒌ ᐊᔨᒥᑦ ᑲᔦᐦ ᒉ ᐊᔨᒥᑦ ᓂᔥᑐᒥᑎᓅ ᒥᓂᑯᔥ ᑯᑕᒃ ᐊᔨᒨᓐ ᐁ ᐋᐸᒋᐦᑖᑦ᙮ ᐃᑌᔥᑕᒪᒉᓲᒡ ᐊᓂᑌᐦ TNO ᒋᔐᐅᒋᒫᐤ ᓇᒧᐃ ᐋᐸᒋᐦᑖᑲᓅ ᒉ ᒌ ᐊᔓᐧᐄᑕᒪᑑᓇᓅᒡ ᐊᔨᒧᐧᐃᓐᐦ᙮

ᒫᐦᒡ, ᒪᓯᓇᐦᐄᑲᓐᐦ ᒋᑲ ᒌ ᐧᐋᐸᑎᐦᐧᐋᓅᐦ ᑲᔦᐦ ᒋᑲ ᒌ ᐊᔨᒧᑖᑲᓅᐦ ᐊᓂᑌᐦ ᓂᔥᑐᐧᐄᑯᒥᑯᒡ ᑲᔦᐦ ᒥᓯᐧᐁ ᐊᐧᐁᓂᒌᒡ ᑳ ᒫᒨᐱᔥᑕᐧᑳᐤ ᐁᑳ ᒉ ᐃᑌᔥᑕᒪᑕᑲᓅᑦ ᒥᓯᐧᐁ ᐊᔨᒧᐧᐃᓐᐦ ᐁ ᐊᐸᒋᐦᑕᐧᑳᐤᐦ ᐊᓂᑌᐦ ᒋᔐᐅᒋᒫᐅᑲᒥᑯᒡ᙮

Iii. ᓄᓈᕗᑦ ᒋᔐᐅᒋᒫᐅᐧᐄᔓᐧᐁᐧᐃᓐᐦ ᑳ ᒫᒨᐱᔥᑕᐧᑳᐤ

ᐁ ᒪᓯᓈᑌᒡ 3 ᐅᐦᒋᓄᓈᕗᑦ ᑳ ᐧᐄᔓᐧᐋᑎᑲᓅᑦ ᐊᔨᒧᐧᐃᓐᐦ ᐧᐃᔓᐧᐁᐧᐃᓐᐦ[41] (LLON) ᒌ ᐧᐃᔦᔨᐦᑕᑲᓅ  “ᐄᔅᒋᒣᐤ ᐊᔨᒧᐧᐃᓐ, ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ” ᐁᑯᔫᐦ ᐆᔫᐦ ᑳ ᐄᔑ ᐧᐄᔓᐧᐋᑎᑲᓅᐧᑳᐤᐦ ᐊᔨᒧᐧᐃᓐᐦ ᓄᓈᕗᑦ᙮ ᓄᓈᕗᑦᐦ ᐄᔅᒌᒣᐤ ᐊᔨᒧᐧᐃᓐ ᐁ ᒥᔪᑲᓇᐧᐁᔨᐦᑕᑲᓅᑦ ᐧᐄᔓᐧᐁᐧᐃᓐ[42] ᐁ ᐃᔑᐦᓇᑯᓐ ᐄᔅᒌᒣᐤ ᐊᔨᒧᐧᐃᓐ ᐧᒣᐦᒡ ᐃᓄᐃᓈᑯᑐᓐ ᑲᔦᐦ ᐃᓄᑲᑎᑐᑦ᙮ ᐊᓂᒌᒡ ᐅᐦᒋᓄᓈᕗᑦ ᑳ ᐧᐄᔓᐧᐋᐧᐃᑲᓅᑦ ᐊᔨᒧᐧᐃᓐᐦ ᐧᐃᔓᐧᐁᐧᐃᓐ LLON ᒥᔪᑲᓇᐧᐁᔨᐦᑕᑲᓅ  ᐊᓂᔫᐦ ᐧᐄᔓᐧᐋᑎᑲᓅᐧᑳᐤᐦ ᐊᔨᒧᐧᐃᓐᐦ ᐊᓂᑌᐦ ᐁᒌ ᐊᔨᒧᑕᑲᓅᑦ ᑲᔦᐦ ᐧᑫᔅᑌᐦ ᐁ ᓂᔥᑐᐧᐄᓈᓅᒡ ᐅᐦᒋ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ᙮ ᐊᓂᑦ ᐁ ᒪᓯᓈᑌᒡ 5 ᐅᐦᒋᓄᓈᕗᑦ ᑳ ᐧᐄᔓᐧᐋᐧᐃᑲᓅᑦ ᐊᔨᒧᐧᐃᓐᐦ ᐧᐃᔓᐧᐁᐧᐃᓐ LLON, ᐊᓂᔫᐦ ᐃᑎᔓᐧᐁᐃᓐᐦ ᐅᐦᒋ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ ᒉ ᒪᓯᓈᑌᒡ ᑲᔦᐦ ᒉ ᐅᔑᐦᑕᑲᓅᑦ ᐁ ᐧᐁᒥᔥᑎᑯᔒᐅᔥᑌᒡ ᑲᔦᐦ ᐅᐱᔥᑎᑯᔮᐅᔥᑌᒡ, ᐁ ᐃᔑᐦᓇᑯᒡ ᐁ ᐄᔅᒌᒣᔥᑌᒡ ᐅᐦᒋ ᐁ ᒪᓯᓈᑌᒡ ᒉ ᒌ ᐃᐦᑕᑯᒡ ᐃᔥᑯᑕᒃ ᐧᐋᐸᑏᐧᐋᓄᑌᐦ ᐊᓐ ᒪᓯᓇᐦᐄᑲᓐ᙮ ᓄᓈᕗᑦ ᑳ ᓃᑲᓂᔥᑳᒃ ᐁ ᓂᔥᑐᐧᐄᓇᓄᐧᐃᔨᒡ ᒋᑲ ᒌ ᐧᐄᔓᐧᐁᐤ ᒉ ᐅᔑᐦᑕᑲᓄᐧᐃᔨᒡ ᐁ ᐄᔅᒌᒣᐅᔥᑌᔨᒡ᙮

ᑏᐧᐁᒡ ᐁ ᐃᑌᔥᑕᒪᐧᐋᑲᓅᑦ ᐄᑑ ᐄᔅᒌᒣᐤ ᐊᔨᒧᐧᐃᓐ (ᐃᓄᒃᑎᑐᑦ ᑲᔦᔥ ᐃᓄᐃᓈᒃᑐᓐ) ᑲᔦᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᐋᐸᒋᐦᑕᓇᓅ ᐊᓂᑌᐦ ᑳ ᓃᑲᓂᐱᐧᑖᐤ ᓃᔥᑕᒻ ᑳ ᐄᔑ ᒫᒨᐱᓈᓅᑦ ᐁ ᓂᔥᑐᐧᐄᓈᓄᐧᐃᒡ ᐊᓂᑦᐦ 1 ᓂᔅᑲᐲᓯᒻ 1999.[43]

ᐊᓂᔫᐦ ᐃᑎᔓᐧᐁᐧᐃᓐᐦ ᐅᐦᒋ ᑳ ᐅᒋᒫᐅᐱᔥᑕᐧᑳᐤ ᓄᓈᕗᑦ ᐃᐦᑕᑯᓐᐦ ᒥᐦᒉᑐ ᐧᐋᐸᐦᑎᐧᐁᐧᐃᓐᐦ ᐁᒌ ᐃᑌᔥᑕᒫᑎᑲᓄᐧᑳᐤᐦ ᒪᓯᓇᐦᐄᑲᓐᐦ᙮ ᑳ ᐅᒋᒫᐅᐱᑦ ᐃᒌ ᐃᑌᑦ ᐊᔨᒥᑦ, ᐁ ᐊᔨᒧᒫᑲᓅᑦ ᔔᔭᓐ ᑲᔦᐦ ᒥᓯᐧᐁ ᒉᐧᑳᓐ ᐁ ᐊᔨᒧᑕᑲᓅᑦ ᐁ ᐱᒧᐦᑕᑲᓅᑦ ᐊᓐ ᑳ ᐄᔑ ᐧᐄᔓᐧᐋᑎᑲᓅᑦ ᐊᔨᒧᐧᐃᓐ ᒉ ᐊᐸᑎᒋᓯᑦ ᐊᓂᑌᐦ ᓄᓈᕗᑦ᙮ ᐧᐄᔓᐧᐁᔔᒡ ᐊᓂᑌᐦ ᓄᓈᕗᑦ ᑳ ᐅᒋᒫᐱᐧᑖᐤ ᐁ ᓂᔥᑐᐧᐄᓈᓄᐧᐃᔨᒡ ᒌ ᐃᑌᐅᒡ, ᐁ ᐃᔅᐸᔨᒡ, ᒉᑳᑦ ᒥᓯᐧᐁ ᒪᓯᓇᐦᐄᑲᓐᐦ ᐁ ᐧᐋᐸᐦᑎᔮᑲᓅᐧᑖᐤ députés ᐊᓂᑌᐦ ᐁ ᓂᔥᑐᐧᐄᐧᑖᐤ ᑲᔦᐦ ᐁ ᒫᒨᐱᐧᑖᐤ ᐄᔅᒌᒣᔥᑌᐤᐦ ᑲᔦᐦ ᐧᐁᒥᔥᑎᑯᔒᐅᔥᑌᐤᐦ᙮[44] ᒪᓯᓇᐦᐄᑲᓐᐦ ᒋᑲ ᒌ ᐱᒋᔅᑕᓇᑲᓅᐦ ᒥᒄ ᐯᔭᒄ ᐊᔨᒧᐧᐃᓐ ᐁ ᐊᐸᑎᒋᓯᑦ, ᒥᒄ ᒫᒃ ᐃᔑᐦᓇᑯᑌ ᐁ ᓂᑐᐧᐁᔨᐦᑕᑯᒡ ᒉ ᐃᑌᔥᒪᑕᑲᓄᐧᑳᐤᐦ᙮  ᐊᓐ ᐅᒋᒫᐤ ᐦᐊᓂᓵᕐᑦ  ᐁᐅᑯᓐ ᐅᔑᐦᑖᑦ ᑖᐱᔥᑯᓐ ᐁ ᐄᔅᒌᒣᔥᑌᔨᒡ ᑲᔦᐦ ᐁ ᐧᐁᒥᔥᑎᑯᔑᐅᔥᑌᔨᒡ ᑲᔦᐦ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ ᒪᔅᓈᐱᓯᐦᐧᐋᑲᓄᐧᐃᒡ ᓇᓈᐦᑰ ᐊᔨᒧᐧᐃᓐᐦ ᐁ ᐋᐸᒋᐦᑖᐧᑖᐤ (ᐃᓄᑲᑎᑐᑦ, ᐃᓅᐃᓇᒃᑐᓐ ᑲᔦᐦ ᐧᐁᒥᔥᑎᑯᔑᐅᐊᔨᒧᐧᐃᓐ)᙮ ᐁ ᒪᔅᓈᐱᓯᐦᐧᐋᑲᓄᐧᐃᔨᒡ ᐁ ᓂᔥᑐᐧᐄᓈᓄᐧᐃᔨᒡ ᑏᐧᐁᒡ ᐁ ᐃᑌᔥᑕᒪᒉᐧᐃᓐ ᐋᐸᒋᐦᑖᑲᓅᐦ ᐁᑯᐦ ᑲᔦᐦ ᒉᑳᑦ ᒥᓯᐧᐁ ᐁ ᒫᒨᐱᔥᑕᑲᓅᒡ ᐁ ᓂᔥᑐᐧᐄᓈᓅᒡ᙮[45]

ᓄᓈᕗᑦ ᐅᐃᑎᔓᐧᐁᐧᐃᓐᐦ ᐃᔑᐦᓇᑯᓐᐦ ᓇᓈᐦᑰ ᐁ ᐄᔑ ᐊᐸᑎᒋᓯᑦ ᐊᔨᒧᐧᐃᓐ députés᙮  ᐊᓂᒌᒡ ᑳ ᒫᒨᐱᔥᑕᐧᑳᐤ ᒌ ᐯᐦᑕᒥᔨᒡ ᐧᐁᔦᔥ ᓂᔥᑎᓅ 20%  ᐅᐦᒋ ᐆᐦᑖᐦᒡ ᑲᔦᐦ ᐊᓂᒌᔥ ᐅᒋᒫᐅᒡ députés ᐁᑳ ᐊᔑᒡ ᐧᐁᒥᔥᑎᑯᔑᐅᐊᔨᒥᐧᑖᐤ, ᒥᐦᑖᑦ 10%  ᐁ ᐊᔑᒡ ᐄᔅᒌᒣᐅᐊᔨᒥᐧᑖᐤ, ᑲᔦᐦ ᑯᐧᑖᓴᒥᑎᓅ 70% ᑖᐱᔥᑯᓐ ᐁ ᐧᐁᒥᔥᑎᑯᔒᐅᐊᔨᒥᐧᑖᐤ ᓀᔥᑦ ᑲᔦᐦ ᑯᑕᒃ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐ ᐋᐸᒋᐦᑖᐧᑖᐤ ᐊᔨᒥᐧᑖᐤ᙮[46] ᒉᑳᑦ ᒨᔥ, ᐃᔑᓇᑯᓐ ᑏᐧᐁᒡ ᐁ ᐃᑌᔥᑕᒪᑲᓅᑦ ᐄᑑ ᐄᔅᒌᒣᐅᐊᔨᒧᐧᐃᓐ ᑲᔦᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᐁ ᐊᐸᑎᒋᓯᑦ ᒣᔥᑯᒻ ᐁ ᒫᒨᐱᔥᑕᑲᓅᑦ ᐁ ᓂᔥᑐᐧᐄᓈᓅᒡ ᒉ ᒌ ᒥᔪᐸᔨᔨᒡ ᒥᓯᐧᐁ ᐊᐧᐁᓐ ᒉ ᓂᓯᑐᐦᐧᐋᑲᓅᑦ ᒣᐧᑳᒡ ᐁ ᓂᔥᑐᐧᐄᓈᓅᒡ,[47] ᐊᓂᒌᒡ LLON ᒉᔥᑎᓈᑌᔨᑕᑯᓐ ᒉ ᒌ ᐊᔮᐦᐧᑖᐤ ᑲᔅᒋᐦᐆᐧᐃᓂᔫ ᒉ ᒌ ᐋᐸᒋᐦᑖᐧᑖᐤ ᐄᔅᒌᒣᐅᐊᔨᒧᐧᐃᓂᔫ, ᐧᐁᒥᔥᑎᑯᔒᐅᐊᔨᒧᐧᐃᓂᔫ, ᓀᔥᑦ ᐅᐱᔥᑎᑯᔮᐅᐊᔨᒧᐧᐃᓂᔫ ᒣᐧᑳᒡ ᐁ ᐊᔨᒥᓈᓄᐧᐃᔨᒡ ᓇᒧᐃ ᑎᐸᔅᑯᓂᒉᐧᐃᓐ ᐅᐦᒋ ᒉ ᒌ ᐊᐸᑎᒋᓯᑦ ᑏᐧᐁᒡ ᐃᑌᔥᑕᒪᒉᐧᐃᓐ᙮

ᑏᐧᐁᒡ ᐃᑌᔥᑕᒪᒉᐧᐃᓐ ᐊᐱᐦᑎᓐ ᐁ ᐃᐦᑖᐧᑖᐤ ᐃᑌᔥᑕᒪᒉᓲᒡ ᐊᓂᑦᐦ ᐁ ᓃᔓᐧᑳᐤ ᐁ ᐊᐸᐦᑕᐧᑳᐤᐦ ᐊᔨᒧᐧᐃᓐᐦ ᐁ ᐃᑌᔥᑕᒫᒉᐧᑖᐤ: ᐃᓄᐃᓈᒃᑐᓐ-ᐧᐁᒥᔥᑎᑯᔒᐅᐊᔨᒧᐧᐃᓐ ᐁ ᐊᐱᑦ ᐊᓂᑦ ᐃᑌᔥᑕᒪᐅᑯᒥᑯᔥ ᑲᔦᐦ ᐃᓄᒃᑎᑐᑦ-ᐧᐁᒥᔥᑎᑯᔑᐅᐊᔨᒧᐧᐃᓐ ᐊᓂᑦᐦ ᑯᑕᒃ ᐃᑌᔥᑕᒪᐅᑯᒥᑯᔥ᙮ ᐁᑯᐦ ᐃᔅᐸᔨᑌᐦ ᑯᑕᒃ ᐊᔨᒧᐧᐃᓐ ᒉ ᐊᐸᑎᒋᓯᑦ ᒣᐧᑳᒡ ᐊᔨᒥᓈᓅᑦ, ᒥᓐ ᑯᑕᑲᒡ ᐃᑌᔥᑕᒪᒉᓲᒡ ᒉ ᐧᐄᔖᒪᑲᓄᐧᑖᐤ ᓂᔮᑲᓐᐦ, ᑲᔦᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᒉ ᒌ ᐋᐸᒋᐦᑖᑲᓅᑦ ᐁ ᐊᔔᐊᔨᒥᐦᐄᑑᓈᓅᑦ᙮[48]

ᐧᐄᔓᐧᐁᓲᒡ ᐊᓂᑌᐦ ᓄᓈᕗᑦ ᐅᒋᒫᐅᑲᒥᑯᒡ ᒌ ᒪᓯᓇᐦᐊᒥᒡ ᓈᔥᒡ ᐁ ᔒᒋᐦᐧᐄᑯᐧᑖᐤ ᒉ ᒌ ᐃᑌᔥᑕᒪᑲᓄᐧᐃᔨᒡ ᐊᓂᑌᐦ ᐁ ᐅᒌᐧᑖᐤ ᐁᑳ ᓈᔥᒡ ᒥᐦᒉᑐ ᐊᐧᐁᔫ ᐃᐦᑖᔨᒡ ᒉ ᒌ ᐃᑌᔥᑕᒪᒉᔨᒡ ᒉ ᒌ ᐄᑕᐸᑕᓰᔨᒡ ᐁ ᐃᑌᔥᑕᒪᒉᔨᒡ ᐄᔅᒌᒣᐅᐊᔨᒧᐧᐃᓂᔫ᙮  ᐅᒋᒫᐅᑲᒥᑯᒡ ᒌ ᐧᐄᒋᐊᐸᑎᓰᒥᑐᐧᐃᒡ ᐅᐦᒋ ᐁ ᐃᑌᔥᑕᒪᑲᓄᐧᐃᔨᒡ ᐊᓂᑌᐦ ᓄᓈᕗᑦ ᑳ ᐃᔥᐸᔨᒡ ᒋᔅᑯᑕᒫᒉᐧᐃᓐ ᐁᑎᑑ ᒉ ᒌ ᒥᐦᒉᑎᐧᑖᐤ ᐊᐧᐁᓃᒌᒡ ᐁ ᒋᔅᑯᑕᒫᓲᐧᑖᐤ ᒉ ᒌ ᐃᑌᔥᑕᒫᒉᐧᑖᐤ ᐄᔅᒌᒣᐅᐊᔨᒧᐧᐃᓐ, ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒥᐧᐃᓐ᙮[49]

iv. ᔫᐧᑳᓐ ᒋᔐᐅᒋᒫᐅᐧᐄᔓᐧᐁᐧᐃᓐᐦ ᑳ ᒫᒨᐱᔥᑕᐧᑳᐤ

ᐁ ᒪᓯᓈᑌᒡ 3(1) ᐅᐦᒋ ᔫᐧᑳᓐ ᐊᔨᒧᐧᐃᓐ ᐃᑎᔓᐧᐁᐧᐃᓐ[50] (LLY) ᐁ ᐊᔮᐧᑖᐤᒡ ᑲᔅᒋᐦᐆᐧᐃᓂᔫ ᒉ ᒌ ᐋᐸᒋᐦᑖᐧᑖᐤ ᐧᐁᒥᔥᑎᑯᔒᐅᐊᔨᒧᐧᐃᓐ, ᐅᐱᔥᑎᑯᔮᐅᐊᔨᒧᐧᐃᓐ, ᓀᔥᑦ ᐯᔭᒄ ᐊᓂᔫᐦ ᓂᔮᓈᓀᐤ ᑳ ᐃᑎᐦᐧᑳᐤᐦ ᔫᐧᑳᓐ ᐁᑎ ᐃᑎᔅᑲᓀᓰᒥᑯᒡ ᐊᔨᒧᐧᐃᓐᐦ ᒣᐧᑳᒡ ᐁ ᐊᔨᒥᑐᑖᑲᓄᐧᐃᒡ ᒉᐧᑳᔫ ᑲᔦᐦ ᐁ ᓂᔥᑐᐧᐄᓈᓅᒡ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ᙮[51] ᓃᐦᑖᐦᒡ ᐁ ᒪᓯᓈᑌᒡ 3(2) ᐅᐦᒋ ᔫᐧᑳᓐ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ LLY, ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ ᓀᔥᑦ ᑳ ᒫᒨᐱᔥᑕᐧᑳᐤ, ᐁ ᐄᔑ ᐧᐄᔓᒥᑯᐧᑖᐤ ᑳ ᐅᒋᒫᐅᐱᔥᑕᒥᔨᒡ ᐁ ᓂᔥᑐᐧᐄᔨᒡ, ᒋᑲ ᒌ  ᐅᔑᐦᑖᐅᒡ ᐃᑎᔓᐧᐁᐧᐃᓐᐦ ᐊᓐ ᐅᐦᒋ ᐁ ᐃᑌᔥᒪᑕᑲᓅᐧᑳᐤ ᒪᓯᓇᐦᐊᑲᓐᐦ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ, ᐦᐊᓂᓵᕐᑦ , ᐊᓂᒌᒡ ᑳ ᒉᔥᑎᓈᑕᐱᐧᑖᐤ ᐅᑎᔓᐧᐁᐧᐃᓇᐧᐋᐤ ᑲᔦᐦ ᒥᓯᐧᐁ ᑯᑕᒃ ᐁᒌ ᐧᐄᔮᐸᐦᑕᑲᓄᐧᐃᔨᒡ ᒋ ᐃᔅᐸᔨᔨᒡ ᒉᐧᑳᔫ᙮

ᐊᓂᒌᔥ, ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ, ᓇᒧᐃ ᐋᐸᒋᐦᑖᐅᒡ ᑏᐧᐁᒡ ᐁ ᐃᑌᔥᑕᒪᒉᐧᐃᓂᔫ ᐊᓂᑌᐦ ᐅᒋᒫᐅᑲᒥᑯᒡ ᓀᔥᑦ ᐊᓂᑌᐦ ᐁ ᒫᒨᐱᓈᓄᐧᐃᔨᒡ ᐁ ᓂᔥᑐᐧᐄᓈᓄᐧᐃᔨᒡ᙮ ᐁᑎᑑ ᒫᒃ, ᐊᓂᔫᐦ ᐧᐄᔓᐧᐁᐅᓯᓇᐦᐄᑲᓐᐦ ᐧᐁᒥᔥᑎᑯᔒᐅᔥᑌᐤ ᒥᒄ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ, ᐊᐅᑯᓐ ᐅᐦᒋ ᐁᑳ ᐁᔥᒄ ᐅᐦᒋ ᐱᒧᐦᑖᐧᑖᐤ ᐧᐄᔓᐧᐁᐅᓯᓇᐦᐃᑲᓂᔫ ᒉ ᒌ ᒪᓯᓈᑌᔨᒡ ᐊᓂᑦᐦ 3(2) ᐊᓂᑦᐦ ᔫᐧᑳᓐ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ LLY᙮

ᒪᓯᓇᐦᐄᑲᓐᐦ ᐁ ᐋᐸᒋᐦᑕᑲᓅᐧᑳᐤ ᐊᓂᑌᐦ ᒋᔐᐅᒋᒫᑲᒥᑯᒡ ᐁ ᓂᔥᑐᐧᐄᓇᓅᒡ ᒋᑲ ᒌ ᐱᒋᔅᑕᓂᒥᔫ ᑲᔦᐦ ᒋᑲ ᒌ ᐊᔨᒧᐦᑕᒥᔫ ᐁᒌ ᐄᔑ ᐧᐄᔓᐧᐋᑎᑲᓅᑦ ᐊᔨᒧᐧᐃᓐ ᒋᑲ ᒌ ᐋᐸᒋᐦᑖᑲᓅ ᐊᓂᑦᐦ ᐃᑎᔅᑲᓀᓯᐧᑖᐤ ᐊᐧᐁᓂᒌᒡ, ᐧᐄᔓᐧᐁᓲᒡ ᐊᓂᑌᐦ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ ᒌ ᐃᑎᔓᐧᐁᐅᒡ ᒉ ᒌ ᐱᒋᔅᑲᓇᐧᑳᐤ ᐁᒌ ᐃᑌᔥᑕᒧᐧᐊᑎᑲᓄᐧᐃᔨᒡ ᒪᓯᓇᐦᐄᑲᓐᐦ ᐃᑌᐦᔨᑕᑯᓂᔨᑫ ᑲᔦᐦ ᐊᓂᑌᐦ ᑳ ᐅᒋᒫᐅᐱᔥᑕᑲᓅᑦ ᐁ ᓂᔥᑐᐧᐄᓇᓅᑦ ᐁ ᐧᐄᒋᐋᐸᓯᒥᑑᓇᓄᐧᐃᒡ ᒪᓯᓇᐦᐄᒉᐅᑲᒥᒄ ᒉ ᒌ ᐃᑌᔥᑕᒪᑎᑲᓄᐧᑳᐤᐦ ᒪᓯᓇᐦᐄᑲᓐᐦ ᐊᓂᔫᐦ ᐁᑳ ᐅᐦᒋ ᐊᓯᑎᓯᓈᑌᐧᑳᐤᐦ ᐊᓂᑦᐦ ᑳ ᒪᓯᓈᑌᒡ 3(2) ᐅᐦᒋ ᔫᐧᑳᓐ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ LLY᙮

ᓃᐦᑖᐦᒡ ᐁ ᒪᓯᓈᑌᒡ 4 ᐅᐦᒋ ᔫᐧᑳᓐ ᑳ ᐅᒋᒫᐅᐱᔥᑕᐧᑳᐤ ᐁ ᓂᔥᑐᐧᐄᐧᑖᐤ, ᐧᐄᔓᐧᐁᐧᐃᓐᐦ ᑲᔦᐦ ᐃᑎᔓᐧᐁᐧᐃᓐᐦ ᒌ ᐱᒧᐦᑖᐅᒡ ᒉ ᒌ ᐅᔑᐦᑖᑲᓅᐧᑳᐤᐦ ᑲᔦᐦ ᒉ ᒪᓯᓇᐦᐄᒉᐸᔨᑕᑲᓅᑦ ᐁ ᐧᐁᒥᔥᑎᑯᔒᐅᔥᑌᔨᒡ ᑲᔦᐦ ᐅᐱᔥᑎᑯᔮᐅᔥᑌᔨᒡ᙮

v. ᔅᐧᑳᑎᔥ ᒋᔐᐅᒋᒫᐅᑲᒥᒄ

ᔅᐧᑳᑎᔥ ᒋᔐᐅᒋᒫᐅᑲᒥᒄ ᑳ ᒉᔥᑎᓈᔥᑌᐧᑳᐤ ᐃᑎᔓᐧᐁᐧᐃᓐᐦ ᐁ ᐄᔑ ᐧᐄᔓᐧᐋᑕᐧᑳᐤ  ᐧᐁᒥᔥᑎᑯᔒᐅᐊᔨᒧᐧᐃᓂᔫ ᒉ ᐊᐸᑎᒋᓯᑦ ᐊᓂᑌᐦ ᐅᒋᒫᐅᑲᒥᑯᒡ, ᒥᒄ ᒫᒃ ᔅᐧᑳᑎᔥ ᑳᓓᓕᒃ ᒋᑲ ᒌ ᐄᔑ ᐊᔨᒨ ᐊᐧᐁᓐ, ᓀᔥᑦ ᑯᑕᑯᔫ ᐊᔨᒧᐧᐃᓂᔫ, ᐁᒌ ᓇᔅᑯᒧᐧᐃᔨᒡ ᐊᓂᔫ ᑳ ᓃᑲᓂᐱᔥᑕᒥᔨᒡ ᐁ ᐧᐄᔓᐧᐋᑎᒥᔨᒡ ᐊᔨᒧᐧᐃᓂᔪ᙮  ᐊᓂᒌᔥ ᐧᐁᔅ ᓃᔔᒡ ᐊᐧᐁᓂᒌᒡ ᐊᓂᑌᐦ ᔅᐧᑳᑎᔥ ᒋᔐᐅᒋᒫᐅᑲᒥᒄ (MSPs) ᐁᔥᒄ ᑌᑲᔥ ᔅᐧᑳᑎᔥ ᑳᓓᓕᒃ ᐁ ᐄᔑ ᐊᔨᒥᐧᑖᐤ᙮[52]

ᑳᓓᓕᒃ ᐊᔨᒧᐧᐃᓐ (ᔅᐧᑳᑎᓕᓐ) ᐧᐄᔓᐧᐁᐧᐃᓐ 2005 ᑳ ᐅᔑᐦᑕᑯᓂᑯᐳᓀ ᔅᐧᑳᑦᔅ ᑳᓓᓕᒃ ᐁ ᐧᐄᔓᐧᐋᑎᑲᓅᒡ ᐊᔨᒧᐧᐃᓐ ᒉ ᒌ ᐊᐸᑎᒋᓯᑦ ᐊᓂᑌᐦ ᔅᐧᑳᑎᓕᓐ ᐅᐦᒋ ᒉ ᒌ ᑲᓇᐧᐁᔨᐦᑕᑲᓅᑦ᙮ ᑲᔦᐦ ᑯᑕᒃ ᐧᐄᔦᔥᑌᐦ ᒉ ᒌ ᐊᐸᑎᒋᓯᑦ ᑳᓓᓕᒃ

ᐊᔨᒧᐧᐃᓐ ᐁ ᐅᐦᒋ ᐋᐸᑎᓰᔥᑕᑲᓅᑦ, ᐁ ᐄᔑ ᒌᔥᐧᐁᒪᑯᒡ ᒉ ᒌ ᒥᔪᑲᓇᐧᐁᔨᐦᑕᑲᓅᑦ ᑳᓓᓕᒃ ᐊᔨᒧᐧᐃᓐ ᑲᔦᐦ ᐁᑎᑑ ᒉ ᒌ ᐧᐄᒋᐦᐄᐧᐁᐸᔨᒡ᙮[53] ᑳᓓᓕᒃ ᐊᔨᒧᐧᐃᓐ ᐁ ᐅᐦᒋ ᐋᐸᑎᓰᔥᑕᑲᓅᑦ ᒉ ᐧᐁᔦᔨᐦᑕᑲᓄᐧᑳᐤ ᒉᒃ ᒪᓯᓇᐦᐄᑲᓐᐦ ᒉ ᒌ ᐃᑌᔥᑕᒪᑕᑲᓅᐧᑳᐤᐦ ᑳᓓᓕᒃ ᐊᔨᒧᐧᐃᓐ ᐁ ᐊᐸᑎᒋᓯᑦ, ᑲᔦᐦ ᒉ ᒌ ᒪᓯᓈᑌᒡ ᔅᐧᑳᑎᔥ ᒋᔐᐅᒋᒫᐅᑲᒥᒄ ᐋᐸᒋᐦᐋᑲᓂᒡ ᑲᔦᐦ ᒉ ᒌ ᐋᐸᒋᐦᑖᐧᑖᐤ ᑳᓓᓕᒃ ᐊᔨᒧᐧᐃᓐ ᒣᐧᑳᒡ ᐁ ᓂᔥᑐᐧᐄᐧᑖᐤ, ᑲᔦᐦ ᒉ ᒌ ᓇᔅᑯᒧᔨᒡ ᐊᓂᔫ ᑳ ᓈᓇᑲᒋᑕᔨᒡ ᐋᐸᒋᓰᓲᐦ ᓀᔥᑦ ᑳ ᒫᒨᐱᔥᑕᒥᔨᒡ, ᐧᐹᒧᔥ ᒉ ᓇᔅᑯᒧᔨᒡ ᑳ ᓃᑲᓂᐱᔥᑕᔨᒡ (ᑳ ᓃᑲᓂᐱᑦ ᐁ ᓂᔥᑐᐧᐄᓈᓄᐧᐃᔨᒡ)᙮

ᑲᔦᐦ, ᒥᒄ ᐊᐧᐁᓐ ᐧᐄᔖᒪᑲᓅ ᐁ ᐧᐄ ᐊᔨᒥᐦᑎᑕᒃ ᒋᔐᐅᒋᒫᐅᑲᒥᑯᔫ, ᑲᔦᐦ ᑳ ᒫᒨᐱᔥᑕᐧᑳᐤᐦ ᑳ ᐄᔑ ᐧᐋᐸᐦᑕᐧᑳᐤ, ᒋᑲ ᒌ ᐋᐸᒋᐦᑖᐅᒡ ᑳᓓᓕᒃ ᐊᔨᒧᐧᐃᓐ ᐧᐹᒧᔥ ᒌ ᓇᔅᑯᒧᓈᓄᐧᐃᔨᒡ᙮ ᒋᑲ ᒪᓯᓇᐦᐄᒉᐤ ᐊᐧᐁᓐ ᐧᐹᒧᔥ ᓃᔓᑑᔥᑌᐤᐦ ᐃᔑᐱᔥ ᒉ ᐧᐄᐦᑕᒃ ᐁ ᐧᐄ ᐋᐸᒋᐦᑖᑦ ᑳᓓᓕᒃ ᐊᔨᒧᐧᐃᓂᔫ ᒉᔥᑎᓈᔥᒡ ᒉ ᒌ ᐃᐦᑕᔨᒡ ᐊᐧᐁᔫᐦ ᒉ ᐃᑌᔥᑕᒪᒉᔨᒡ᙮[54] ᑳᓓᓕᒃ ᐊᔨᒧᐧᐃᓐ ᐁ ᐃᑌᔥᑕᒫᑎᑲᓅᑦ ᒋᔐᐅᒋᒫᐅᑲᒥᑯᒡ ᒋᑲ ᒥᔮᑲᓄᐧᐃᒡ ᑲᑕᑯᒡ ᐊᐧᐁᓂᒌᒡ ᐊᓂᑦ ᒉ ᒌ ᐅᐦᒋ ᐃᐦᑕᑯᒡ ᐋᐸᑎᓰᐧᐃᓐᐦ᙮[55]

ᐁᑎᑑ,  ᐃᑎᔓᐧᐁᐧᐃᓐᐦ ᒋᑲ ᒌ ᒪᓯᓇᐦᐊᑲᓅᐦ ᑳᓓᓕᒃ ᐊᔨᒧᐧᐃᓐ ᐁ ᐊᐸᑎᒋᓯᑦ ᐧᐹᒧᔥ ᒌ ᓇᔅᑯᒥᐧᑖᐤ ᐊᓂᒌᒡ ᑳ ᓃᑲᓂᐱᔥᑕᐧᑳᐤ ᑲᔦᐦ ᑳ ᐋᐸᑎᓰᔥᑕᐧᑳᐤ, ᑲᔦᐦ ᐊᓂᒌᒡ ᑳ ᒫᒨᐱᔥᑕᐧᑳᐤ ᒪᓯᓇᐦᐄᑲᓐᐦ ᑲᔦᐦ ᐊᓂᒌᒡ ᓇᓈᐦᑰ ᐁ ᐄᔑ ᐅᒋᔅᓇᐧᑖᐤ ᐊᐧᐁᔫᐦ ᐁ ᐧᐄᒋᐦᐋᐧᑖᐤ᙮ ᐁ ᐅᔑᐦᑖᑲᓄᐧᑳᐤᐦ ᐃᑎᔓᐧᐁᐧᐃᓐᐦ, ᐁ ᐸᒧᐦᑕᑲᓄᐧᑳᐤ ᒪᓯᓇᐦᐄᑲᓐᐦ ᐁ ᓂᔥᑐᐧᐄᓈᓄᐧᐃᒡ, ᐁ ᐊᒋᐦᑖᑲᓄᐧᑳᐤᐦ ᒪᓯᓇᐦᐄᑲᓐᐦ ᑲᔦᐦ ᑲᐧᑫᒋᔅᒉᒧᐧᐃᓐᐦ ᒉ ᐄᔑ ᐸᒋᔅᑎᓇᑲᓄᐧᑳᐤᐦ ᐊᓂᑌᐦ ᑳᓓᓕᒃ ᒉ ᐄᔑ ᐃᑌᔥᑕᒪᑕᑲᓅᐧᑳᐤᐦ, ᒉ ᒌ ᐧᐁᒥᔥᑎᑯᔒᐅᔥᑌᐧᑳᐤᐦ᙮   ᒥᒄ ᑖᓂᑌᐦ ᒉ ᐊᐸᑎᒋᓯᑦ ᑳᓓᓕᒃ ᐊᔨᒧᐧᐃᓐ ᐁ ᐊᔨᒥᔥᑕᑲᓅᑦ ᓀᔥᑦ ᐊᓂᒌᒡ ᑳ ᒫᒨᐱᔥᑕᐧᑳᐤ, ᑳᓓᓕᒃ ᐊᔨᒧᐧᐃᓐ ᓅᐦᑯᓐ ᐊᓂᑦᐦ ᐦᐊᔅᓵᕐᑦ  ᐃᔑᐱᔖᒡ ᐧᐄ ᐧᐁᒥᔥᑎᑯᔒᐅᐊᔨᒧᐧᐃᓐ ᐁ ᐃᑌᔥᑕᒫᑕᑲᓅᒡ᙮[56]

vi. ᐊᑳᒥᒋᐦᒋᑲᒦᐦᒡ ᒋᔐᐅᒋᒫᐅᑲᒥᒄ ᑳ ᒫᒨᐱᐧᑖᐤ

ᐊᓐ ᐧᐁᓪᔥ ᐊᔨᒧᐧᐃᓐ ᐧᐄᔓᐧᐁᐧᐃᓐ 1993, ᐁ ᒌ ᐱᒧᐦᑖᐧᑖᐤ ᐊᓂᒌ ᐊᑳᒥᒋᐦᒋᑲᒦᐦᒡ ᒋᔐᐅᒋᒫᐅᑲᒥᒄ ᑳ ᒫᒨᐱᐧᑖᐤ, ᐊᓐ ᐧᐁᓪᔥ ᐊᔨᒧᐧᐃᓐ ᒉ ᒌ ᐊᐸᒋᐦᑖᑲᓅᒡ ᐊᓂᑌᐦ ᐲᐦᑌ ᐧᐁᐃᓕᔅ᙮  ᒦᓐ ᑳ ᑯᐃᔅᑯᓯᓇᐦᐊᑲᓅᐧᑳᐤ ᐊᓂᔫᐦ ᐧᐄᔓᐧᐁᐧᐃᓐᐦ ᐊᓂᒌ ᐧᐁᓪᔥ ᐊᔨᒧᐧᐃᓐ (ᐧᐁᐃᓕᔅ) ᑳ ᑲᓇᐧᐋᐸᐦᑕᐧᑳᐤ 2011, ᐁᔫ ᑳ ᓂᔅᑲᒧᐧᑖᐤ ᐊᓐ ᐧᐁᓪᔥ ᐊᔨᒧᐧᐃᓐ ᐁᐅᒄ ᐊᓐ ᐊᔨᒧᐧᐃᓐ ᒉ ᒌᐦᑳᔮᐸᐦᑕᑲᓅᒡ ᐁ ᐋᐸᒋᐦᑖᑲᓅᑦ ᐊᓂᑌᐦ ᐧᐁᐃᓕᔅ᙮ ᐁ ᓃᔓᐧᑳᐤ ᐊᔨᒧᐧᐃᓐᐦ ᐧᐁᓪᔥ ᑲᔦᐦ ᒫᒃ ᐧᐁᒥᔥᑎᑯᔒᐅᐊᔨᒧᐧᐃᓐ ᑖᐱᑑ ᐄᔑ ᐋᐸᒋᐦᑖᑲᓅᐦ ᐊᓐ ᐁ ᐋᔨᒨᑕᑲᓅᒡ ᒉᐧᑳᓐ ᐁ ᐧᐄ ᓂᐦᐄᐸᔨᐦᑖᑲᓅᒡ ᐊᓂᑌᐦ ᐁ ᓂᔥᑐᐧᐄᓈᓅᒡ ᐧᐁᐃᓕᔅ᙮[57]

ᐁ ᑲᐧᑫᒋᐦᑖᑲᓅᒡ ᑲᔦᐦ ᐁ ᐧᐋᐸᐦᑎᔨᐧᐋᓅᒡ, ᐧᐁᒥᔥᑎᑯᔒᐅᐊᔨᒧᐧᐃᓐ ᔮᐃᑌᐦ ᒉ ᐧᐄ ᐋᐸᒋᐦᑖᑲᓅᒡ ᐊᓂᑌᐦ ᐊᑳᒥᒋᐦᒋᑲᒦᐦᒡ ᒋᔐᐅᒋᒫᐅᑲᒥᑯᐦᒡ ᐁ ᐊᔨᒥᐦᐄᑐᓈᓅᒡ᙮ ᐊᓂᒌ ᑳ ᒫᒨᐱᐧᑖᐤ ᐁ ᐊᔨᒥᐦᐄᑐᐧᑖᐤ ᒥᔮᑲᓅᐧᐃᒡ ᐊᐱᔒᔥ ᒉ ᒌ ᐋᐸᒋᐦᑖᐧᑖᐤ ᑯᑕᒋᔫ ᐊᔨᒧᐧᐃᓂᔫ, ᔮᐃᑌᐦ ᒥᒄ ᑲᑕ ᐧᐄ ᐃᑌᔥᑕᒫᑕᑲᓅ᙮[58]

ᐊᓂᒌ ᒋᔐᐅᒋᒫᐅᐱᐧᑖᐤ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ ᐸᒋᐦᑎᓇᒥᒡ ᒉ ᒌ ᐋᐸᒋᐦᑕᑲᓅᔨᒡ ᐧᐁᓪᔥ ᐋᔅᑰ ᐊᓂᑦᐦ ᒋᔐᐅᒋᒫᐅᑲᒥᑯᐦᒡ ᐁ ᐊᔨᒥᐦᐄᑐᓈᓅᔨᒡ, ᐊᓂᒌ ᐃᐦᑖᐧᑖᐤ ᐧᐁᐃᓕᔅ ᐁ ᐆᐦᒌᐧᑖᐤ᙮  ᑖᐱᔥᑯᒡ, ᐊᓂᑦᐦ ᒥᒋᓲᐲᓯᒻ 1, 2017, ᐊᓂᑌᐦ ᒋᔐᐅᒋᒫᐅᑲᒥᑯᐦᒡ ᒌ ᐸᒋᐦᑎᓇᑲᓅ ᐧᐄᔓᐧᐁᐅᓯᓇᐦᐄᑲᓐ ᐁ ᒌᐦᑳᔮᐸᐦᑕᑲᓅᒡ ᐧᐁᒥᔥᑎᑯᔑᐅᐊᔨᒧᐧᐃᓐ ᒉ ᐋᐸᒋᐦᑖᑲᓅᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ, ᒥᒄ ᒫᒃ ᐧᐁᓪᔥ ᑲᑕ ᒌ ᐄᔑ ᐋᐸᒋᐦᑖᐅᒡ ᐊᐧᐁᓂᒌ ᐁ ᐊᔨᒥᐦᐄᑐᐧᑖᐤ ᐊᓂᔫᐦ ᑯᑕᒃᐦ ᐁ ᒫᒨᐱᓈᓅᒡ ᑲᔦᐦ ᐊᓂᑦᐦ ᐧᐁᓪᔥ ᒋᔐᐅᒋᒫᐅᒡ ᐁ ᒫᒨᐱᐧᑖᐤ᙮[59]

ᐊᓂᒌ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᑳ ᒫᒨᐱᐧᑖᐤ, ᐊᓐ ᑳ ᓃᑳᓂᔥᑲᐦᒃ ᑲᑕ ᒌ ᓂᑐᐧᐁᔨᐦᑕᒻ ᓂᔮᑲᓐ ᒉ ᐧᐄᐦᑕᒧᐧᐋᑲᓅᒡ ᐊᓂᔫ ᐊᐧᐁᔫᐦ ᐁ ᐃᐦᑖᔨᒡ ᐊᓂᑦᐦ ᐁ ᓂᔥᑐᐧᐄᓈᓅᔨᒡ ᐧᐁᓪᔥ ᐊᔨᒧᐧᐃᓐ ᐁ ᐧᐄ ᐋᐸᒋᐦᑖᔨᒡ, ᑲᔦᐦ ᐊᓂᔫᐦ ᓈᔥᒡ ᐁ ᒋᔥᑕᒫᐧᐁᔨᐦᑖᑯᓂᔨᒡ ᒉᐧᑳᔫᐦ ᐁ ᐊᔨᒥᑐᑕᑲᓅᔨᒡ ᒉ ᒌ ᐧᐁᒥᔥᑎᑯᔑᐅᐧᐋᔨᒧᐧᐃᓂᔫ ᒉ ᒌ ᐋᐸᑎᓂᔨᒡ ᐊᓂᒋ ᑳ ᓃᑲᓂᔥᑲᐦᒃ ᑲᔦᐦ ᐊᓐ ᑳ ᒪᓯᓇᐦᐊᐦᒃ ᐁ ᐊᔨᒥᓈᓅᔨᒡ ᐁᑳ ᓂᓯᑐᐦᑕᐧᑳᓂᒡ ᐧᐁᓪᔥ ᐊᔨᒧᐧᐃᓂᔫ ᐊᓂᔫ ᒉᐧᑳᔫ ᐁᑎ ᐃᐦᑎᓈᓅᔨᒡ ᐁ ᓂᔥᑐᐧᐄᓈᓅᔨᒡ᙮  ᐦᐋᓐᓴᕐᑦ ᐁᐅᒄ ᐲᐦᑌᐸᔨᐦᑖᑦ ᒥᓯᐧᐁ ᒉᐧᑳᔫ ᐁ ᐊᔨᒨᑕᑲᓄᔨᒡ ᐧᐁᓪᔥ ᐁ ᐄᔑ ᒪᓯᓇᐦᐄᒉᑦ, ᑲᔦᐦ ᐁᑎ ᐃᑌᔥᑕᒫᑕᐦᒃ ᐁ ᐧᐁᒥᔥᑎᑯᔒᐅᓯᓇᐦᐊᒃ᙮[60]

ᐊᓂᒌ ᐧᐁᓪᔥ ᑳ ᐅᒋᒫᐅᐱᐧᑖᐤ ᒥᓯᐧᐁ ᐧᐁᓪᔥ ᐃᑕᔅᑳᓀᓲᒡ ᑲᔦᐦ ᓂᔮᔪ ᐄᐧᐋᒡ ᐊᐧᐁᓂᒌ ᐊᐳᐧᐃᒡ᙮ ᐯᔭᐧᑳᐤ ᓀᔥᑦ ᓃᐧᔖᐤ ᓂᔥᑐᐧᐄᔫᒡ ᐯᔭᑯᐱᐳᓐ᙮ ᐊᓂᑦᐦ ᑳ ᓂᔥᑐᐧᐄᐧᑖᐤ ᑳᑕᐦᑯᓯᑕᐲᓯᒻ 2018, 60% ᐧᐁᓪᔥ ᒌ ᐃᔥᐱᔥ ᐋᐸᒋᐦᑖᐅᒡ ᐧᐁᓪᔥ ᐁ ᐄᔑ ᐊᔨᒥᐦᐄᑐᐧᑖᐤ ᒥᒄ ᐋᔅᑰ ᐁ ᐃᑌᔥᑕᒫᑕᑯᓅᔨᒡ ᐧᐁᓪᔥ ᐊᓂᑌᐦ ᐁ ᐄᔑ ᐧᐁᒥᔥᑎᑯᔒᐅᐊᔨᒧᐧᐃᓂᐦᒡ᙮[61]

ᐊᓂᒌ ᐧᐁᓪᔥ ᐃᔨᐦᑐᐧᐃᓂᔫ ᑳ ᒫᒨᐱᐧᑖᐤ ᑲᑕ ᒌ ᐋᐸᒋᐦᑖᐅᒡ ᐧᐁᓪᔥ ᐁ ᐄᔑ ᐊᔨᒥᐦᐄᑐᐧᑖᐤ᙮  ᒉᑳᑦ ᒥᓯᐧᐁ ᐁ ᐊᔨᒥᐦᐄᑐᐧᑖᐤ ᐧᐁᒥᔥᑎᑯᔒᐅᐊᔨᒧᐧᐃᓂᔫ ᐋᐸᒋᐦᑖᐅᒡ ᒥᒄ ᒫᒃ ᓂᔮᑲᓐ ᑲᑕ ᐧᐄᐦᑕᒻ ᐊᓐ ᐊᐧᐁᓐ ᐁ ᓂᑐᐧᐁᔨᐦᑖᑯᓯᑦ ᐧᐁᓪᔥ ᐁ ᐧᐄᔑ ᐊᔨᒥᑦ᙮ ᐊᓂᒌ ᑳ ᒫᒨᐱᐧᑖᐤ ᒌ ᓂᔥᑐᐧᐄᔫᒡ ᐊᓂᑦᐦ ᒥᒋᓲᐲᓯᒻ 27, 2018 ᓃᔓᐧᐃᒡ ᐊᔨᒧᐧᐃᓐᐦ ᒌ ᐋᐸᑎᓐᐦ, ᑲᔦᐦ ᐊᓐ ᐁ ᒪᓯᓇᐦᐊᑲᓅᒡ ᓃᔓᐧᐃᒡ ᒌ ᐄᔑ ᒪᓯᓇᐦᐊᑲᓅ ᐧᐁᓪᔥ ᑲᔦᐦ ᐧᐁᒥᔥᑎᑯᔒᐅᐊᔨᒧᐧᐃᓐ ᐁᑎ ᐃᑌᔥᑕᒫᑕᑲᓅᒡ᙮[62]

vii. ᒋᔐᐅᒋᒫᐅᐧᐄᔓᐧᐁᐧᐃᓈᐦᒡ ᐁ ᓂᔥᑐᐧᐄᓈᓅᒡ ᐊᓂᑌᐦ ᒋᐧᐁᑎᓅᑖᐦᒡ ᐊᔅᒌᔫ (ᐅᔅᑎᕃᓕᐋ)

ᐋᑦ ᐁᑳ ᐃᔮᐧᑖᐤ ᐊᓂᒌ ᒋᐧᐁᑎᓅᑖᐦᒡ ᐊᔅᒌᐦᒡ ᐊᔨᒧᐧᐃᓂᔫ ᐁ ᒌᐦᑳᔮᐸᐦᑕᑲᓅᔨᒡ,[63] ᐧᐁᒥᔥᑎᑯᔒᐅᐊᔨᒧᐧᐃᓂᔫ ᐋᐸᒋᐦᑖᐅᒡ ᐊᓂᑌᐦ ᑎᐯᔨᐦᒋᒉᓰᓈᐦᒡ ᑲᔦᐦ ᐊᓂᑦᐦ ᒋᔐᐅᒋᒫᐅᐧᐄᔓᐧᐁᐧᐃᓈᐦᒡ ᐁ ᓂᔥᑐᐧᐄᐧᑖᐤ᙮[64] ᐊᓐ ᑳ ᒌ ᐃᐦᑎᓈᓅᒡ ᐁ ᐊᔨᒥᓈᓅᒡ ᒥᒄ ᒉᒃ ᐊᔨᒧᐧᐃᓂᔫ ᑳ ᒌ ᐋᐸᒋᐦᑖᑦ ᐊᐧᐁᓐ ᐊᓂᑦᐦ ᐁ ᓂᔥᑐᐧᐄᓈᓅᔨᒡ ᑲᔦᐦ ᐊᓂᑦᐦ ᒋᔐᐅᒋᒪᐆᐧᐄᔓᐧᐁᐧᐃᓈᐦᒡ ᐁ ᓂᔥᑐᐧᐄᓈᓅᒡ᙮ 2016 ᑳ ᐱᐳᐦᒡ, ᐊᓂᔫᐦ ᑳ ᒉᔥᑎᓈᔥᑌᐧᑳᐤ ᐁᑎ ᐃᐦᑎᓈᓅᒡ ᐊᓂᒌ ᒋᔐᐅᒋᒫᐅᐧᐄᔓᐧᐁᐧᐃᓈᐦᒡ ᐁ ᓂᔥᑐᐧᐄᐧᑖᐤ ᐊᓂᑌᐦ ᒋᐧᐁᑎᓅᑖᐦᒡ ᐊᔅᒌᐦᒡ ᒌ ᑯᐃᔅᑯᓯᓇᐦᐊᑲᓅ ᐁ ᐃᑕᔥᑌᒡ ᐊᓐ ᐊᐧᐁᓐ ᐁ ᐊᐱᑦ ᐊᓂᑦᐦ ᑲᑕ ᒌ ᐊᔨᒨ ᐅᑎᔨᒧᐧᐃᓐ ᐊᓂᑦᐦ ᐁ ᓂᔥᑐᐧᐄᓈᓅᔨᒡ ᐃᔥᐱᔖᑦ ᐧᐄ ᒥᒄ ᐁ ᐧᐁᒥᔥᑎᑯᔒᐅᐊᔨᒥᓈᓅᒡ ᒥᒄ ᒫᒃ ᑎᐧᐁᐦᒡ ᔮᐃᑌ ᑲᑕ ᐧᐄ ᐃᑌᔥᑕᒫᑕᑲᓅ ᑲᔦᐦ ᐁ ᒪᓯᓈᑌᒡ ᒪᓯᓇᐦᐄᑲᓂᐦᒡ᙮  ᐊᓂᒌ ᑳ ᒫᒨᐱᐧᑖᐤ ᓰᐦᒋᒥᐧᐁᐅᒡ ᐆ ᐁ ᐃᐦᑎᓈᓅᒡ ᒎᐸᔨᔫ ᐊᓂᔫ ᑎᐸᐦᐄᑲᓐ ᐊᓐ ᐁ ᐃᔥᐱᔥ ᐃᔮᑦ ᐊᐧᐁᓐ ᐁ ᐊᔨᒥᑦ, ᐧᐁᔅ ᓇᒧᐃ ᓇᔥᒡ ᒥᔥᑕᐦᐄ ᐄᐧᐋᒡ ᑎᐸᐦᐄᑲᓐ ᐃᔥᐱᔥ ᒥᔨᐧᐋᓅ ᒉ ᒌ ᐃᑌᔥᒫᑕᑲᓅᐧᑳᐤᐦ ᐊᓂᔫᐦ ᐁ ᐊᔨᒥᑦ ᐊᐧᐁᓐ᙮

ᐊᓐ ᐊᐧᐁᓐ ᐁ ᐧᐄ ᐊᔨᒥᑦ ᔮᐃᑌᐦ ᑲᑕ ᐧᐄ ᒪᓯᓇᐦᐊᒻ ᐊᓂᔫ ᑳ ᐃᑌᑦ ᐅᑎᔨᒧᐧᐃᓐ ᐁ ᐋᐸᒋᐦᑖᑦ ᒉ ᒌ ᐲᐦᑌᐸᔨᐦᑖᑲᓅᔨᒡ ᐊᓂᑌᐦ ᐄᔑ ᒋᔐᐅᒋᒫᐅᑲᒥᑯᐦᒡ ᐁ ᑲᓇᐧᐁᔨᐦᑕᑲᓅᐧᑳᐤᐦ ᑲᔦᐦ ᐊᓂᔫ ᐁ ᐧᐁᒥᔥᑎᑯᔒᐅᔥᑌᔨᒡ ᔮᐃᑌᐦ ᑲᑕ ᐧᐄ ᐃᐦᑎᑯᓂᔫ᙮[65] 2016  ᐁ ᐱᐳᐦᒡ, ᒌ ᐧᐄᐦᑕᑲᓅ ᐁ ᐧᐄ ᐧᑫᔅᒋᓂᑲᓅᒡ ᐊᓐ ᒋᔐᐅᒋᒫᐅᐧᐄᔓᐧᐁᐧᐃᓐ, ᒉ ᐸᒋᐦᑎᓈᑲᓅᐧᑖᐤ ᐊᐧᐁᓂᒌ ᒉ ᒌ ᐊᔨᒥᐧᑖᐤ ᐅᑎᔨᒧᐧᐃᓇᐧᐋᐤ ᐁᑳ ᒥᒄ ᐧᐁᒥᔥᑎᑯᔒᐅᐊᔨᒧᐧᐃᓐ ᒉ ᐋᐸᑎᐦᒡ ᐧᐹᒧᔥ ᐧᐁᒥᔥᑎᑯᔒᐤ ᐃᑌᔥᑕᒫᑕᑲᓅᒡ, ᓇᒧᐃ ᐅᐦᒋ ᓂᔅᑲᒨᓈᓅ᙮[66]

ᓇᒧᐃ ᐃᐦᑕᑯᓐᐦ ᐊᓂᔫᐦ ᐁ ᐃᑌᔥᑕᒫᑕᑲᓅᒡ ᓀᔥᑦ ᐁ ᐃᑌᔥᑕᒧᐧᐋᑲᓅᒡ ᐋᐸᑎᓰᐧᐃᓐᐦ ᐊᓂᑌᐦ ᒋᔐᐅᒋᒫᐅᐧᐄᔓᐧᐁᐧᐃᓈᐦᒡ ᐁ ᓂᔥᑐᐧᐄᓈᓅᒡ, ᑲᔦᐦ ᓇᒧᐃ ᐃᔮᐅᒡ ᐊᓂᒌ ᐁ ᓂᔥᑐᐧᐄᐧᑖᐤ ᐊᓂᔫᐦ ᐃᑌᔥᑕᒫᒉᐅᑲᒥᑯᔥ ᑳ ᒌ ᐊᐱᐧᑖᐤ ᐃᑌᔥᑕᒫᒉᓲᒡ᙮ [67]ᐊᓂᒌ ᒋᔐᐅᒋᒫᐅᐧᐄᔓᐧᐁᐧᐃᓈᐦᒡ ᑳ ᓂᔥᑐᐧᐄᐧᑖᐤ ᐊᔥᑕᒦᐦᑳᓐ ᒌ ᐸᑯᐦᑖᐅᒡ ᐊᓂᔫ ᐃᑌᔥᑕᒫᒉᐅᑲᒥᑯᔥ ᒥᒄ ᐊᓂᑌᐦ ᑯᑕᒃ ᒥᓯᐦᑌ ᐁᑎ ᐃᑖᐸᑎᐦᐧᑳᐤ᙮  ᐊᓂᒌ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐃᑌᔥᑕᒫᒉᓲ ᒌ ᐃᐦᑖᐤ ᐁ ᐃᑌᔥᑕᒫᒉᑦ ᑲᔦᐦ ᐁ ᐃᑌᔥᑕᒫᑕᐦᒃ ᐁ ᐊᔨᒥᐦᐄᑐᓈᓅᔨᒡ ᐊᓂᔫᐦ ᒋᔐᐅᒋᒫᐅᐧᐄᔓᐧᐁᐧᐃᓈᐦᒡ ᐁ ᓂᔥᑐᐧᐄᓈᓅᔨᒡ ᐋᐸᑎᓯᐧᐃᓂᔫ ᓃᐧᔖᔓᐳᓐᐦ ᓀᔥᑦ ᓂᔮᓈᓀᐅᐳᓐᐦ ᐊᓂᑌᐦ ᐅᑖᐦᒡ, ᓃᐧᔖᔖᑉ 17 ᐁ ᐃᑎᔅᑳᓀᓯᒥᐧᑳᐤ ᐊᔨᒧᐧᐃᓐᐦ ᒫᐅᒡ ᑳ ᒌᐦᑳᔮᐸᒋᐦᑖᑲᓅᐧᑳᐤ ᒌ ᐃᐦᑖᑯᓐ ᐊᓂᔫ ᐁ ᐃᑌᔥᑕᒫᑕᑲᓅᐧᑳᐤᐦ ᐋᐸᑎᓰᐧᐃᓐᐦ᙮[68]

ᐧᐄᔦᔥ ᒥᑖᐦᑐᒥᑎᓅ 100 ᓇᓈᐦᑰ ᐄᓈᐦᒡ ᐁ ᐃᑎᔅᑳᓀᓰᒥᐧᑳᐤᐦ ᐊᔨᒧᐧᐃᓐᐦ ᑎᐸᒋᐦᑕᑲᓅᐦ ᐁ ᐃᐦᑐᑕᐧᑳᐤ ᐊᓂᑌᐦ ᒋᐧᐁᑎᓅᑖᐦᒡ ᐊᔅᒌᐦᒡ᙮  ᐧᐄᔦᔥ ᓃᐧᔖᔥᒥᑎᓅ-ᒋᔐᒥᑖᐦᑐᒥᑎᓅ 70,000 ᐄᔑ ᑎᐸᒋᒫᑲᓅᐧᐃᒡ ᐄᔨᔫᒡ ᐁ ᐃᐦᑖᐧᑖᐤ ᐊᓂᑌᐦ ᒋᐧᐁᑎᓅᑖᐦᒡ ᐊᔅᒌᐦᒡ (ᓂᔥᑐᒥᑎᓅ ᐁ ᐴᔥᑯᓂᑲᓅᒡ 30% ᐊᓂᑦᐦ ᐊᔅᒌᐦᒡ ᐁ ᐃᑕᔑᐧᑖᐤ ᐁ ᐃᐦᑖᐧᑖᐤ), ᐊᓂᑦᐦ ᐅᐦᒋ ᑯᐧᑖᓱᒥᑎᓅ ᐁ ᐴᔥᑯᓂᑲᓅᒡ 60% ᐅᑎᔨᒧᐧᐃᓇᐧᐋᐤ ᐁ ᐋᐸᒋᐦᑖᐧᑖᐤ ᒥᔑᑯᒻ ᒌᔑᑳᐤᐦ ᐊᓂᑌᐦ ᐅᐧᐄᒋᐧᐋᐦᒡ ᓀᔥᑦ ᐊᓂᑌᐦ ᐅᑎᐦᑖᐧᐃᓂᐧᐋᐦᒡ᙮[69] ⁶⁹ ᐊᓂᔫᐦ ᒫᒃ ᒥᑖᐦᑐᒥᑎᓅ 100% ᐁ ᐄᔑ ᑎᐸᒋᐦᑕᑲᓅᐧᑳᐤᐦ ᐊᓂᑌᐦ ᒋᐧᐁᑎᓅᑖᐦᒡ ᐊᔅᒌᐦᒡ ᐁ ᐄᔑ ᐊᔨᒥᐧᑖᐤ, ᒥᐦᒉᑦ ᓇᒧᐃ ᐃᐦᑕᑯᓂᔫ ᐁ ᒪᓯᓈᑌᔨᒡ ᐅᑎᔨᒧᐧᐃᓇᐧᐋᐤ᙮  ᐊᓂᒌ ᒋᔐᐅᒋᒫᐅᐧᐄᔓᐧᐁᐧᐃᓂᔫ ᑳ ᓂᔥᑐᐧᐄᔥᑕᐧᑳᐤ ᒌ ᐅᑎᓀᐅᒡ ᒧᑯᒋᒃ ᐯᔭᒃ ᐄᓈᐦᒡ ᐁ ᐃᑎᔅᑳᓀᓯᔨᒡ ᒉ ᐊᐱᔨᑦ ᐊᓂᑦᐦ ᐁ ᒫᒨᐱᔥᑕᑲᓅᒡ ᒉᐧᑳᓐ ᐊᓂᑦᐦ ᑳ ᐅᐦᒋ ᒋᐦᒋᐸᔨᐦᑖᑲᓅᒡ 1974᙮[70]

ᐁ ᐄᔑ ᐋᔨᒨᑕᑲᓅᒡ

A. ᐄᔨᔫ ᐁ ᐃᑎᔅᑳᓀᓰᒥᐧᑳᐤᐦ ᐊᔨᒧᐧᐃᓐᐦ ᐅᑦᐦ ᑳᓇᑖᐦ: ᐊᐱᔒᔥ ᐁ ᐄᔑ ᐋᔨᒧᑕᑲᓅᒡ

ᒥᐦᒉᑦ ᐊᐧᐁᓂᒌ ᒌ ᓇᒋᐧᑫᐅᒡ ᐊᓂᔫ ᑳ ᒫᒨᐱᔥᑕᒥᔨᒡ ᐁ ᐄᔑ ᐧᐄᐦᑕᒧᐧᐋᐧᑖᐤ ᑖᓐ ᐁ ᐃᑌᔨᐦᑕᒥᐦᐄᑯᐧᑖᐤ ᑲᔦᐦ ᐁ ᐄᔑ ᐸᒋᐦᑎᓂᐧᑳᐤ ᐅᑎᔨᒧᐧᐃᓇᐧᐋᐤ ᐊᓂᔫ ᐅᐦᒋ ᐁ ᓂᑐᐧᐁᔨᐦᑕᐧᑳᐤ ᒉ ᐋᐸᑎᓂᔨᒡ ᐄᓈᐦᒡ ᐁ ᐃᑎᔅᑳᓈᓯᒥᐧᑳᐤᐦ ᐊᔨᒧᐧᐃᓂᔫ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᐊᓂᑦᐦ ᐅᐦᒋ ᑖᓐ ᐁ ᐄᔑ ᐧᐋᐸᐦᑕᐧᑳᐤ ᐁ ᐃᔅᐸᔨᔨᒡ ᐄᓈᐦᒡ ᑳ ᐃᑎᔅᑳᓀᓯᒥᐧᑳᐤᐦ ᐊᔨᒧᐧᐃᓐᐦ ᐊᓂᑌᐦ ᐅᑖᐦᒡ, ᐊᓅᐦᒡ ᑲᔦᐦ ᐊᓂᑌᐦ ᓃᔥᑖᒥᐦᒡ ᐅᑦᐦ ᑳᓇᑖᐦ᙮  ᐅᒌ ᑳ ᒫᒨᐱᔥᑕᐧᑳᐤ ᐁᐅᑯᔫ ᐅᔫ ᒉ ᒌ ᓈᓂᑐᒋᔅᒉᔨᐦᑕᐧᑳᐤ ᑖᓂᑌᐦ ᒉ ᒌ ᐄᔑ ᐃᐦᑑᑕᑲᓅᔨᒡ ᑲᔦᐦ ᑖᓂᑌᐦ ᒉ ᒌ ᐄᔑ ᐧᐄᒋᐦᐄᐧᐁᐸᔨᔨᒡ ᐋᐸᒋᐦᑖᑲᓅᔨᑌᓐᐦ ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤᐦ ᐊᔨᒧᐧᐃᓐᐦ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ, ᐊᓂᒌ ᑳ ᒫᒨᐱᐧᑖᐤ ᐄᔑ ᓂᓯᑐᐦᑕᒥᒡ ᓈᔥᒡ ᐁ ᒋᔥᑕᒫᐧᐁᔨᐦᑖᑯᓂᔨᒡ ᒉ ᒌ ᐲᐦᑌᐸᔨᐦᑖᑲᓅᔨᒡ ᑲᔦᐦ ᒉ ᒌ ᐧᐋᐸᐦᑎᐧᐋᓅᔨᒡ ᐸᔅᒡ ᐊᓂᔫᐦ ᑳ ᐃᓈᓅᔨᒡ ᑳ ᐄᔑ ᐯᐦᑕᐧᑳᐤ ᐊᓂᔫ ᐅᐦᒋ ᐊᔨᒧᐧᐃᓐᐦ ᐄᔨᔫ ᐁ ᐃᑎᔅᑳᓀᓯᒥᐧᑳᐤᐦ ᐅᑦᐦ ᑳᓇᑖᐦ, ᐆ ᑳ ᐄᔑ ᐋᔨᒨᑕᑲᓅᒡ ᐁᑎᑑ ᒥᔥᑕᐦᐄ ᐧᐋᐸᐦᑕᒥᒡ ᑖᓐ ᒉ ᐃᔑᑳᐴᔥᑕᐧᑳᐤ ᐊᓂᑌᐦ ᐁ ᓂᔥᑐᐧᐄᐧᑖᐤ᙮

ᓃᔥᑕᒻ, ᐊᓂᑦᐦ 2016 ᑳ ᓈᓂᑐᒋᔅᒉᔨᐦᑕᑲᓅᒡ, 1.6 ᒥᓕᔨᓐ ᐄᔨᔫᒡ ᐅᑦᐦ ᑳᓇᑖ ᒌ ᐄᔑ ᐧᐄᐦᑕᒥᒡ ᐄᔨᔫ ᐁ ᐃᑎᔅᑳᓀᐧᑖᐤ, ᐊᓂᑦᐦ ᐅᐦᒋ ᑮᐹ ᓃᔖ ᒦᓐ ᑯᐧᑖᓱᒥᑎᓅ ᒋᔑᒥᑖᐦᑐᒥᑎᓅ 260,000 ᒌ ᐄᔑ ᐧᐄᐦᑕᒥᒡ ᐁ ᑲᔅᒋᐦᐅᐧᑖᐤ ᐊᓂᔫ ᐅᑎᔨᒧᐧᐃᓇᐧᐋᐤ ᐁ ᐋᐸᒋᐦᑖᐧᑖᐤ᙮[71]  ᐊᓅᐦᒡ ᐧᐄᔦᔥ ᓂᔮᔪᒥᑎᓅ-ᓂᔮᓈᓀᐤ 58 ᐁ ᒌᐦᑳᓈᑯᐧᑳᐤ ᐊᔨᒧᐧᐃᓐᐦ ᐄᔨᔫ ᐁ ᐃᑎᔅᑳᓀᓰᒥᐧᑳᐤᐦ ᐅᑦᐦ ᑳᓇᑖᐦ, ᑲᔦᐦ ᐊᓂᔫ ᑯᑕᒃᐦ ᐯᔭᑯᔥᑌᐅᒥᑎᓅ 90 ᐁ ᐃᑎᐦᑖᑯᓯᐧᑖᐤ ᐊᐧᐁᓂᒌ ᐁ ᐊᔨᒥᐧᑖᐤ᙮[72]  ᐅᔫᐦ ᒫᒃ ᐁ ᐃᑕᐦᑐᐧᑳᐤ ᐊᔨᒧᐧᐃᓐᐦ, ᑯᐧᑖᔥᒡ ᐄᔑ ᐧᐄᐦᑕᑲᓅ ᑌᑲᔥ ᐁ ᔖᐳᓂᐧᑳᐤ ᐁ ᐄᔑ ᐋᐸᒋᐦᑖᐧᑖᐤ ᐊᐧᐁᓂᒌ ᐅᑎᔨᒧᐧᐃᓇᐧᐋᐤ ᐊᓂᒌ ᒥᑖᐦᐧᑖᐅᒋᔐᒥᑖᐦᑐᒥᑎᓅ ᐄᔨᔫᒡ: ᐄᔨᔫ ᑳ ᐃᑎᔅᑳᓀᓯᐧᑖᐤ ᐊᔨᒧᐧᐃᓐ, ᑌᓀᐃ ᑳ ᐃᑎᔅᑳᓀᓯᐧᑖᐤ ᐊᔨᒧᐧᐃᓐ, ᐄᓅ ᑳ ᐃᑎᔅᑳᓀᓯᐧᑖᐤ ᐊᔨᒧᐧᐃᓐ, ᐃᓄᑯᑎᑐᑦ ᑳ ᐃᑎᔅᑳᓀᓯᐧᑖᐤ ᐊᔨᒧᐧᐃᓐ, ᐅᒋᐳᐧᐁ ᑳ ᐃᑎᔅᑳᓀᓯᐧᑖᐤ ᐊᔨᒧᐧᐃᓐ ᑲᔦᐦ ᐅᒋ-ᐄᔨᔫ ᑳ ᐃᑎᔅᑳᓀᓯᐧᑖᐤ ᐊᔨᒧᐧᐃᓐ᙮[73]

ᒥᒄ ᒫᒃ, ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐊᓂᑌᐦ ᐅᑖᐦᒡ 1940, ᓈᔥᒡ ᐁ ᒌ ᐊᔨᒣᔨᐦᑕᐧᑳᐤ ᓇᓈᐦᑯ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐁᑳ ᐋᐸᒋᐦᑖᐧᑖᐤ ᑲᔦᐦ ᐁᑎ ᐧᐊᓂᐦᑖᐧᑖᐤ ᐅᑎᔨᒧᐧᐃᓇᐧᐋᐤ᙮[74]  ᐆ ᑳ ᒋᐦᒋᐸᔨᒡ 1980, ᐊᓂᒌ ᑳ ᒫᒨᐱᐧᑖᐤ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᒌ ᐱᒧᐦᑖᐅᒡ ᐅᔅᑌᐦ ᓂᔮᓈᓀᐅᔖᑉ 18 ᐧᐄᔓᐧᐁᐅᓯᓇᐦᐄᑲᓐᐦ ᐁ ᐧᐄᐦᑕᐧᑳᐤ ᑎᐧᐁᐦᒡ ᐁ ᓂᑐᐧᐁᔨᐦᑕᐧᑳᐤ ᒉᐧᑳᔫᐦ ᒉ ᒌ ᐃᐦᑑᑕᑲᓄᔨᒡ ᐁ ᐧᐄ ᑲᓇᐧᐁᔨᐦᑕᐧᑳᐤ ᐅᑎᔨᒧᐧᐃᓇᐧᐋᐤᐦ᙮[75] ᐊᓂᒌᔥ ᐁ ᓈᓂᑐᒋᔅᒉᔨᐦᑕᑲᓅᒡ ᒌ ᓅᑯᓐ ᑖᐧᐯ ᒥᔥᑕᐦᐄ ᐁ ᐋᔑᐸᔨᒡ ᐁ ᐧᐊᓂᐦᑖᐧᑖᐤ ᐄᔨᔫ ᐅᑎᔨᒧᐧᐃᓇᐧᐋᐤᐦ ᑲᔦᐦ ᐊᓐ ᐊᔨᒧᐧᐃᓐ ᐁ ᐃᑎᔅᑳᓀᓯᒥᑯᒡ ᐁ ᐃᔥᐱᔥ ᒋᔅᒉᔨᐦᑕᑲᓅᒡ᙮[76] ᐊᓂᒌ ᐄᔨᔫᒡ ᐁᑎ ᐃᑕᐦᑐᐳᓀᓯᐧᑖᐤ ᐁᔥᒄ ᐁ ᐋᐸᒋᐦᑖᐧᑖᐤ ᐅᑎᔨᒧᐧᐃᓇᐧᐋᐤ ᐧᐄᐧᓭ ᓂᔥᑐᒥᑎᓅ-ᑯᐧᑖᔥᒡ ᒦᓐ ᓃᐧᔖᔥᒡ ᐲᓯᒻᐦ 36,7 ᐃᑕᐦᑐᐳᓀᓲᒡ, ᐁ ᓅᑯᒡ ᐁ ᐃᔅᑯᐸᔨᒡ ᐊᓐ ᑳ ᐃᔑᓈᑯᒡ ᓃᔥᑕᒻ ᑳ ᓈᓂᑐᒋᔅᒉᔨᐦᑕᑲᓅᒡ ᐊᓂᑦᐦ 1981᙮[77]   ᑯᔅᐱᓈᑌᔨᐦᑖᑯᓐ “ᒋᐦᒋᐧᐁ ᒉ ᐧᐊᓂᐦᑕᐧᑳᐤ” ᐊᓐ ᐁ ᐃᔥᐱᔥ ᒥᔥᑕᐦᐄ ᐋᔕᐸᔨᔨᐧᑳᐤ ᐊᔨᒧᐧᐃᓐᐦ ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤᐦ ᐅᑦᐦ ᑳᓇᑖᐦ᙮[78]

ᐊᓂᒌ ᑳ ᒫᒨᐱᐧᑖᐤ ᒌ ᒋᔅᒋᒫᑲᓅᐧᐃᒡ ᐊᓂᔫᐦ ᐊᐧᐁᔫ ᑳ ᐊᔨᒥᔨᒡ ᐊᓂᔫ ᑖᓂᑌᐦ ᐧᐁᐦᒋᐸᔨᔨᒡ ᐁ ᐃᔥᐱᔥ ᐋᔕᐸᔨᒡ ᐊᔨᒧᐧᐃᓐ ᐄᓈᐦᒡ ᐁ ᐃᑎᔅᑳᓀᓯᒥᑯᒡ, ᐸᔅᒡ ᐄᔑ ᑖᐯᔨᐦᑖᓲ ᒋᔐᐅᒋᒫᐤ ᐅᑎᔓᐧᐁᐧᐃᓐᐦ ᐊᓂᑌᐦ ᐅᑖᐦᒡ ᒥᔥᑕᐦᐄ ᐁ ᒌ ᐧᐊᓂᑑᑕᐧᐋᑦ ᐄᔨᔫ, ᑖᐱᔥᑯᒡ ᐊᓂᔫ ᑳ ᐅᑎᓈᑲᓅᐧᑖᐤ ᐊᐧᐋᔑᔕᒡ ᐊᓂᑌᐦ ᐋᐦᒋᐆᐦ ᐃᐦᑖᐧᐃᓐᐦ ᑳ ᓂᑐᒋᔅᑯᑕᒫᓱᐧᑖᐤ᙮[79] ᐯᔭᒄ ᐊᓐ ᐊᐧᐁᓐ ᑳ ᐊᔨᒥᑦ ᒌ ᐄᔑ ᐧᐄᐦᑕᒻ, ᓈᔥᒡ ᐁ ᒌ ᐧᐊᓂᐱᓲᐧᑖᐤ ᒥᐦᒉᑦ ᐊᐧᐋᔑᔕᒡ ᐅᑎᔨᒧᐧᐃᓇᐧᐋᐤ ᐁ ᐋᐸᒋᐦᑖᐧᑖᐤ ᐊᓂᑌᐦ ᐲᐦᑕᑲᒥᐦᒡ ᒋᔅᑯᑕᒫᑑᑲᒥᑯᐦᒡ ᑳ ᒌ ᑲᓇᐧᐁᔨᒫᑲᓅᐧᑖᐤ ᐧᐁᔅ ᐁᑯᑌᐦ ᐅᑌᐦ ᐧᐁᐦᒋᐸᔨᔨᒡ ᐁᔥᒄ ᐁ ᐱᒫᒣᔨᒧᐧᑖᐤ ᐁ ᐧᐄ ᐋᐸᒋᐦᑖᐧᑖᐤ ᐅᑎᔨᒧᐧᐃᓇᐧᐋᐤᐦ᙮[80]

ᐊᓅᐦᒡ ᒫ, ᒥᐦᒉᑦ ᐊᓂᒌ ᐄᔨᔫᒡ ᑌᑲᔥ ᒌ ᐄᔑ ᐧᐄᐦᑕᒧᐧᐁᐅᒡ ᐊᓂᔫ ᑳ ᒫᒨᐱᔨᒡ ᓈᔥᒡ ᐁ ᒋᔥᑕᒫᐧᐁᔨᐦᑖᑯᓂᔨᒡ ᒉ ᒌ ᑲᓇᐧᐁᔨᐦᑕᑲᓅᔨᒡ ᑲᔦᐦ ᐁᑎᑑ ᒉ ᒌ ᒥᔥᑰᑖᑲᓅᔨᒡ ᐊᓂᔫᐦ ᐊᔨᒧᐧᐃᓐᐦ ᐄᓈᐦᒡ ᐁ ᐃᑎᔅᑳᓀᓰᒥᐧᑳᐤᐦ ᐅᑦᐦ ᑳᓇᑖᐦ᙮  ᒫᐅᔫᐦ ᒫᒃ ᑳ ᐄᔑ ᐧᐄᐦᑕᐧᑳᐤ ᐊᓂᒌ ᐊᐧᐁᓂᒌ:

• ᐊᔨᒧᐧᐃᓐᐦ ᓈᔥᒡ ᐁ ᒋᔥᑕᒪᐧᐁᔨᐦᑖᑯᐧᑳᐤ ᐊᓂᑌᐦ ᐄᔑ ᐃᔨᐦᑐᐧᐃᓂᐦᒡ ᑲᔦᐦ ᐊᓂᑦᐦ ᐁ ᐅᐦᒋ ᒫᒥᑐᓀᔨᐦᑕᒥᒄ᙮  ᐁᑯᑦᐦ ᐧᐁᐦᒋ ᓂᐦᐄᐸᔨᐦᑖᔨᒃ ᒋᑎᑌᔨᐦᑕᒧᐧᐃᓅᐦ ᒋᑎᔨᒧᐧᐃᓅ ᑲᔦᐦ ᐁ ᐋᔔᒥᔨᐧᑳᐤ ᒋᑎᔨᐦᑑᐧᐃᓅ ᐊᓂᑌᐦ ᓃᔥᑕᒥᐦᒡ ᒋᑖᓂᔅᑰᔒᒥᓅᒡ ᒋᑎᔨᒧᐧᐃᓅ ᐁ ᐋᐸᒋᐦᑖᔨᒃ᙮[81]
• ᑳᓇᑖᐦ ᐊᔨᒧᐧᐃᓐᐦ ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤᐦ ᓂᑐᐧᐁᔨᐦᑖᑯᓐᐦ ᑯᐃᔅᒃ ᒉ ᒌ ᓇᓈᑲᒋᐦᑖᑲᓅᐧᑳᐤ ᑲᔦᐦ ᒉ ᒌ ᒥᔪᑲᓇᐧᐁᔨᐦᑕᑲᓅᐧᑳᐤᐦ, ᒦᓐ ᒫᒃ ᒨᔥ ᒉ ᒌ ᐱᒥᐸᔨᒡ ᐁ ᐋᐸᑎᓰᑲᐦᑕᑲᓅᐧᑳᐤᐦ ᑲᔦᐦ ᐁᑎ ᐅᐦᐱᐦᑳᐴᐦᑖᑲᓅᐧᑳᐤᐦ᙮[82]
• ᒋᔐᐄᔨᔫᒡ ᐁ ᒋᔅᑯᑕᒧᐧᐋᐧᑖᐤ ᐅᔅᒋᓃᒎᐦ ᒉ ᒌ ᒋᔅᒋᔨᐦᑕᒥᔨᒡ ᑖᓂᑌᐦ ᐧᐁᑎᐦᑌᔨᒡ ᑲᔦᐦ ᑖᓂᑌᐦ ᐧᐁᐦᒌᔨᔨᒡ ᐄᓈᐦᒡ ᐁ ᐃᑎᔅᑳᓀᓯᔨᒡ ᐁ ᐊᔨᒥᐦᐋᐧᑖᐤ ᑎᐲᐧᐁ ᐅᑎᔨᒧᐧᐃᓇᐧᐋᐤ ᐁ ᐋᐸᒋᐦᑖᐧᑖᐤ᙮[83]
• ᐊᓂᑌᐦ ᒉ ᒌ ᐄᔑ ᒌᐦᑳᔮᐸᐦᑕᑲᓅᐧᑳᐤᐦ ᑳᓇᑖᐦ ᐊᔨᒧᐧᐃᓐᐦ ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤᐦ ᓇᔥᒡ ᐁ ᔓᐧᐁᔨᐦᑖᑯᐧᑳᐤᐦ᙮[84]
• ᐁ ᐯᐦᑖᑯᓯᑦ ᐊᐧᐁᓐ ᐁ ᐊᔨᒥᑦ ᐅᑎᔨᒧᐧᐃᓐ ᐊᓂᑌᐦ ᐁ ᒥᐦᒉᑎᓈᓅᔨᒡ ᐄᔑ ᒌᐦᑳᓈᑯᓐ ᑲᔦᐦ ᐄᔑ ᒥᔪᓈᑯᓐ ᐁᔥᒄ ᐁ ᑲᓇᐧᐁᔨᐦᑕᐧᑳᐤ ᑲᔦᐦ ᒉ ᐱᒫᑎᓰᒪᑯᒡ ᐊᓂᑌᐦ ᐄᔑ ᓃᔥᑖᒥᐦᒡ᙮[85]
• ᐁ ᐧᐄᒋᐦᑖᑲᓅᐧᑳᐤ ᐊᓂᔫᐦ ᐊᔨᒧᐧᐃᓐᐦ ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤᐦ ᐁ ᐋᐸᒋᐦᑖᑲᓅᐧᑳᐤ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ ᐄᔑ ᓲᐦᒋᐸᔨᔫ ᐁ ᓅᑯᒡ ᒉ ᒌ ᐧᐋᐸᐦᑕᐧᑳᐤ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐅᔅᒋᓃᒎᒡ ᓈᔥᒡ ᐁ ᒋᔥᑕᒫᐧᐁᔨᐦᑖᑯᓂᔨᒡ ᑲᔦᐦ ᐁ ᔓᐧᐁᔨᐦᑖᑲᓂᔨᒡ ᐅᑎᔨᒧᐧᐃᓇᐧᐋᐤᐦ ᐊᓂᒌᔥ ᐁ ᐄᔑ ᒌᐦᑳᔮᐸᐦᑕᑲᓅᔨᒡᐦ ᑲᔦᐦ ᐁ ᑌᐱᒉᔨᐦᑖᑯᓂᔨᒡᐦ᙮  ᐆ ᐁ ᐃᐦᑑᑕᑲᓅᒡ ᐄᔑ ᒌᐦᑳᓈᑯᓐ ᐊᓂᑌᐦ ᐊᐦᒑᑯᐧᐃᓂᐦᒡ ᐁ ᒥᔪᑑᑌᒥᑖᑑᓈᓅᒡ ᐊᓂᒌ ᐄᔨᔫᒡ ᓇᓈᐦᑯ ᐁᑎ ᐃᑎᔅᑳᓀᓯᐧᑖᐤ ᑲᔦᐦ ᐊᓂᒌ ᐊᐧᐁᓂᒌ ᐁᑳ ᐄᓈᐦᒡ ᐃᑎᔅᑳᓀᓯᐧᑖᐤ ᐅᑦᐦ ᑳᓇᑖ ᐁ ᐃᐦᑖᐧᑖᐤ᙮[86] ᑲᔦᐦ ᐁᑯᑦᐦ ᒋᐸᐦ ᐅᐦᒋᐸᔨᔫ ᐁ ᒪᒥᒋᐦᐄᐧᑖᐤ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐅᔅᒋᓃᒎᒡ ᐁ ᐧᐋᐸᐦᑕᐧᑳᐤ ᐁ ᐋᐸᑎᓂᔨᒡ ᐅᑎᔨᒧᐧᐃᓇᐧᐋᐤ᙮[87]
• ᐁ ᐸᒋᐦᑎᓇᑲᓅᐧᑖᐤ ᒉ ᒌ ᐋᐸᒋᐦᑖᐧᑖᐤ ᐅᑎᔨᒧᐧᐃᓇᐧᐋᐤ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ ᑲᑕ ᐃᔅᑯᐸᔫ ᐊᓐ ᐁ ᐄᔑ ᒌᐦᑳᓈᑯᒡ ᐁᑎ ᐃᔅᐸᔨᒡ ᑲᔦᐦ ᐁ ᐄᔑ ᐱᒥᐸᔨᐦᑖᑲᓅᒡ ᐊᔨᒧᐧᐃᓐᐦ ᒋᔐᐅᒋᒫᓈᐦᒡ ᐅᐦᒋ᙮  ᒋᐸᐦ ᒌᐦᑳᓈᑯᓐ ᐅᔫᐦ ᐊᔨᒧᐧᐃᓐᐦ, ᑲᔦᐦ ᐊᔑᒡ ᐊᓂᔫᐦ ᐃᐦᑖᐧᐃᓐᐦ, ᑲᔦᐦ ᓇᓈᐦᑰ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐁ ᒌᐦᑳᓈᑯᓯᐧᑖᐤ ᐊᓂᑌᐦ ᐅᑖᐦᒡ ᑳ ᐃᔑᓈᑯᒡ ᐱᒫᑎᓯᐧᐃᓐ ᐅᑦᐦ ᑳᓇᑖᐦ᙮[88]

ᐊᓅᐦᒡ, ᑳᓇᑖᐦ ᐅᒋᔐᐅᒋᒫᐅᐧᐋᔅᑳᐦᐄᑲᓐ ᐊᔕᒋᐳᐧᐃᒡ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐊᓂᑌᐦ ᐁ ᒋᔐᐅᒋᒫᐅᐱᐧᑖᐤ ᑌᐦᑕᐳᐧᐃᓐᐦ᙮[89] ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᓈᔥᒡ ᐁ ᐃᑌᔨᐦᑕᒥᐦᐄᑯᐧᑖᐤ ᐊᓂᔫ ᑳ ᐲᐦᑕᐸᔨᒡ ᕈᒦᐅ ᓵᑲᓈᔥ ᐊᓂᑌᐦ ᐄᔑ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ, ᐊᔨᒦᔥᑕᒫᒉᓲ MP, ᐁ ᐊᔨᒦᔥᑕᒧᐧᐋᑦ ᐋᐱᑎᐲ - ᐯᐃ ᒉᐃᒥᔅ - ᓅᓇᕕᒃ - ᐄᔨᔫᐦ, ᐁᑳ ᐅᐦᒋ ᐃᐦᑕᑯᓃᔨᒡ ᐄᔨᔫ ᐊᔨᒧᐧᐃᓂᔫ ᐊᓂᔫ “ᐁ ᐊᔨᒦᔥᑕᒫᒉᑦ” ᐁ ᐄᔑ ᒌᔓᐧᐋᓅᔨᒡ᙮  ᐃᔥᑯᑕᒃ ᒫᒃ ᑳ ᑲᐧᑫᒋᒫᑲᓅᐧᑖᐤ ᒋᔐᐄᔨᔫᒡ, ᐊᓐ ᐊᔨᒧᐧᐃᓐ ᑳ ᐅᔑᐦᑖᑲᓅᒡ ᐊᔨᒦᔥᑕᒫᒉᓲ, ᓀᔥᑦ “ᐊᐧᐁᓐ ᐁ ᐊᔨᒦᔥᑕᒧᐧᐋᑦ ᐊᐧᐁᔫᐦ” ᐊᓂᑌᐦ ᐄᔑ ᐧᐋᐸᓅᑖᐦᒡ ᐄᔨᔫ ᐊᔨᒧᐧᐃᓐ ᒉ ᐋᐸᒋᐦᑖᑲᓅᒡ᙮[90]

ᐧᒣᐦᒡ ᐁᐅᒄ ᑳ ᐃᔅᐸᔨᐧᑖᐤ ᑯᑕᑲᒡ ᐄᔨᔫᒡ, ᐊᓂᒌ ᓇᑳᐯᐦᐊᓅᑖᐦᒡ ᐄᔨᔫ ᐊᔨᒧᐧᐃᓂᔫ ᑳ ᐋᐸᒋᐦᑖᐧᑖᐤ, ᐊᓐ ᐊᔨᒦᔥᑕᒫᒉᓲ ᒌ ᐊᔨᒥᐦᐁᐤ ᒋᔐᐄᔨᔫᐦ ᑲᔦᐦ ᐊᓂᔫᐦ ᐊᔨᒧᐧᐃᓂᔫ ᑳ ᒥᔪᒋᔅᒉᔨᐦᑕᒦᔨᒡ ᒉ ᐅᔑᐦᑖᔨᒡ ᐊᔨᒧᐧᐃᓂᔫ ᐅᑕᐸᔅᐱᔅᑕᒫᐧᑫᐤ, ᓀᔥᑦ “ᐊᐧᐁᓐ ᐁ ᓃᐴᔥᑕᒧᐧᐋᑦ ᓀᔥᑦ ᐁ ᐊᔨᒦᔥᑕᒧᐧᐋᑦ ᐊᐧᐁᔫᐦ᙮”[91]

ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐊᓂᔫᐦ ᐄᔨᔫ ᐊᔅᒌ ᒉᐃᒥᔅ ᐯᐃ ᑎᐯᔨᐦᒋᒉᓲᐦ ᐁ ᐃᑌᔥᑕᒫᑕᒥᔨᒡ ᐁ ᐧᐁᒥᔥᑎᑯᔒᐅᐊᔨᒥᓈᓅᔨᒡ, ᐁ ᐅᐱᔥᑎᑯᔮᐅᐊᔨᒥᓈᓅᔨᒡ ᑲᔦᐦ ᐁ ᐄᔨᔫ ᐊᔨᒥᓈᓅᔨᒡ ᑖᐱᔥᑯᒡ ᐊᓂᑦᐦ ᒣᐧᑳᒡ ᐁ ᓂᔥᑐᐧᐄᓈᓅᔨᒡ ᐊᓂᒌ ᐅᒋᒫᑳᓈᐦᒡ ᐁ ᓂᔥᑐᐧᐄᐧᑖᐤ᙮[92]  ᐆ ᑮᐹ ᐁ ᐃᐦᑎᓈᓅᒡ ᐁ ᐃᑌᔥᑕᒫᒑᓅᒡ ᑖᐱᔥᑯᒡ ᐊᓂᑦᐦ ᐁ ᓂᔥᑐᐧᐄᓈᓅᒡ ᐁ ᓅᑯᓂᔨᒡ ᐊᐧᐁᓐ ᐁ ᑌᐸᓇᐦᒃ ᐊᔨᒧᐧᐃᓐᐦ, ᑲᔦᐦ ᒫᒃ ᐁ ᓅᑯᓂᔨᒡ ᑯᐃᔅᒃ ᐁ ᐃᑐᐦᑖᑯᒡ ᐊᔨᒧᐧᐃᓐ, ᑯᐃᔅᒃ ᐁ ᐄᔑ ᐸᒋᐦᑎᓂᓲᑦ, ᑲᔦᐦ ᒥᓯᐧᐁ ᐊᐧᐁᓐ ᐁ ᐊᔕᒋᐸᔨᒡ᙮[93] ᐅᒋᒫᑲᓈᐦᒡ ᐁ ᓂᔥᑐᐧᐄᓈᓅᒡ ᒥᓯᐦᑌ ᐄᔑ ᐧᐋᐸᐦᑎᐧᐋᓅ ᐊᓂᑌᐦ ᐁ ᓅᑯᐦᑖᑲᓅᒡ, ᐅᔫ ᒫᒃ ᐁ ᐃᐦᑑᑕᑲᓅᐧᑳᐤ ᐁᑎᑑ ᓰᐦᒋᒥᑰᐧᐃᒡ ᐅᔅᒋᓃᒎᒡ ᐧᐄᐧᐋᐤ ᑲᔦᐦ ᐁ ᐃᐦᑖᐧᑖᐤ ᐊᓂᑦᐦ ᐁ ᐱᒥᐸᔨᐦᑖᑲᓅᔨᒡ ᑎᐯᔨᐦᒋᒉᓰᓈᐦᒡ ᐅᐦᒋ ᐊᓂᑌᐦ ᐅᑎᐦᑖᐧᐃᓇᐧᐋᐦᒡ᙮[94]

ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᑲᔦᐦ ᐊᓂᔫ ᓃᔥᑕᒻ ᐄᓈᐦᒡ ᑳ ᒫᒨᐱᔥᑕᐧᑳᐤ, ᐊᓂᑦᐦ ᐋᔑᐧᒫᑯᐲᓯᒻ 2018 ᐁ ᒌ ᓂᔥᑐᐧᐄᔨᒡ ᐊᓂᔫᐦ ᐅᒋᒫᐦᑳᓐᐦ, ᒉ ᐋᐸᒋᐦᑖᔨᒡ ᑲᔦᐦ ᒉ ᐃᑌᔥᑕᒫᑕᒥᔨᒡ ᒥᓯᐧᐁ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓐᐦ ᒣᐧᑳᒡ ᐊᓂᑦᐦ ᐁ ᓂᔥᑐᐧᐄᓈᓅᔨᒡ ᐁᑯᑦᐦ ᒫᐅᒡ ᓃᔥᑕᒻ ᑳ ᐯᐦᑕᐧᑳᐤ ᐅᔫ ᐁ ᐃᐦᑑᑕᑲᓅᔨᒡ᙮

B. ᐁ ᐃᑌᔥᑕᒫᑕᑲᓅᒡ ᑲᔦᐦ ᐃᑌᔥᑕᒫᒑᓅᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ

ᐁ ᐃᑌᔥᑕᒫᑕᑲᓅᒡ ᐁᐅᒄ ᐆ ᐁ ᒪᓯᓇᐦᐊᑲᓅᒡ ᐊᔨᒧᐧᐃᓐ ᐊᓂᑌᐦ ᐄᔑ ᑯᑕᒃ ᐊᔨᒧᐧᐃᓂᐦᒡ᙮  ᐁ ᐃᑌᔥᑕᒫᒑᓅᒡ ᐋᐦᒌᐅᐦ ᐃᑌᔨᐦᑖᑯᓐ ᐁ ᐃᑌᔨᐦᑖᑯᒡ ᐁ ᐃᑌᔥᑕᒫᑕᑲᓅᒡ ᐁ ᒪᓯᓇᐦᐄᒑᓅᒡ᙮[95] ᐁ ᐃᑌᔥᑕᒫᒑᓅᒡ ᐊᓂᑌᐦ ᐁ ᓂᔥᑐᐧᐄᓈᓅᒡ, ᐊᓐ ᑳ ᐃᑌᔥᑕᒫᒉᑦ ᑲᑕ ᐧᐄ ᓅᓱᐦᐊᒧᐧᐁᐤ ᐊᓂᔫᐦ ᐊᐧᐁᔫᐦ ᑳ ᐊᔨᒥᔨᑦ ᐧᒣᐦᒡ ᐁᐅᒄ ᒋᐸᐦ ᐧᐄ ᐃᔥᐱᔒᐤ ᐁ ᐊᔨᒥᑦ ᐊᓐ ᐃᑌᔥᑕᒫᒉᓲ, ᓈᔥᑖᐧᐯ ᑕᐦᐧᑳᔔ ᐊᓐ ᑎᐸᐦᐄᑲᓐ ᐁ ᐃᔥᐱᔥ ᐃᔮᑦ ᐊᐧᐁᓐ ᐁ ᐃᑌᔥᑕᒫᒉᑦ᙮  ᐊᓐ ᐁ ᓅᓱᐦᐊᒧᐧᐋᑦ ᐁ ᐊᔨᒥᑦ ᓇᒧᐃ ᔮᐃᑌᐦ ᑲᑕ ᐧᐄ ᐄᑌᐤ ᐊᓂᔫᐦ ᐹᐦᐯᔭᒄ ᐊᔨᒧᐧᐃᓐᐦ᙮  ᑲᑕ ᐧᐄ ᑕᐦᑯᑖᐤ ᐊᓂᔫ ᑳ ᐄᓈᓅᔨᒡ ᑌᐱᔮᐦᒡ ᓂᓯᑐᐦᑖᑯᓂᔨᑌ ᐊᓂᔫ ᒉᐧᑳᔫ ᑳ ᐋᔨᒨᑕᑲᓅᔨᒡ ᓇᒧᐃ ᑖᐱᔥᑯᒡ ᐊᓐ ᐁ ᐃᑌᔥᑕᒫᑕᑲᓅᒡ ᐁ ᒪᓯᓇᐦᐄᑲᓅᒡ᙮[96] ᒦᓐ ᑯᑕᒃ ᐁ ᐃᔑᓈᑯᒡ ᐁ ᐃᑌᔥᑕᒫᒑᓅᒡ ᐁᐅᒄ ᐆ ᐁ ᓅᓱᓀᐦᐆᑐᐧᑖᐤ ᐊᓂᒌ ᐃᑌᔥᑕᒫᒉᓲᒡ, ᐊᓐ ᑳ ᐊᔨᒥᑦ ᐁ ᐃᑌᔥᑕᒧᐧᐋᑲᓅᒡ ᐊᓂᔫ ᐁᑯᐦ ᐊᓂᒌ ᐃᑌᔥᑕᒫᒉᓲᒡ ᓃᔥᑕᒻ ᐯᔭᒄ ᐊᔨᒧᐧᐃᓂᔫ ᐁ ᐋᐸᒋᐦᑖᐧᑖᐤ ᒉᒃ ᒦᓐ ᑯᑕᒌᔫ ᐊᔨᒧᐧᐃᓂᔫ ᐁ ᐃᑌᔥᑕᒫᒉᐧᑖᐤ, ᒫᒨ ᓂᔥᑐ ᐊᔨᒧᐧᐃᓐ ᐁ ᐄᔑ ᐃᑌᔥᑕᒫᒑᓅᒡ᙮ ᒫᐤ ᐁᑎᑑ ᑌᑲᔥ ᐁ ᐧᐄᐦᑕᑲᓅᒡ, ᐊᓂᔫ ᐊᔨᒧᐧᐃᓂᔫ C ᐁ ᐧᐄ ᐯᐦᑕᒃ ᐊᐧᐁᓐ, ᐊᔨᒧᐧᐃᓐ A ᓃᔥᑕᒻ ᐃᑌᔥᑕᒫᒑᓅ ᐊᓂᑌᐦ ᐄᔑ ᐊᔨᒧᐧᐃᓐ B, ᐁᑯᐦ ᒦᓐ ᐊᓐ ᐊᔨᒧᐧᐃᓐ B ᐁᑎ ᐃᑌᔥᑕᒫᒑᓅᒡ ᐊᓂᑌᐦ ᐄᔑ ᐊᔨᒧᐧᐃᓐ C.  ᐆ ᒫᒃ ᐁ ᐃᔑᓈᑯᒡ ᐁ ᐃᑌᔥᑕᒫᒑᓅᒡ, ᐊᓐ ᐊᔨᒧᐧᐃᓐ ᒫᐅᒡ ᐁ ᐋᐸᑎᐦᒡ ᐁᐅᒄ ᐆ ᐊᔨᒧᐧᐃᓐ B.  ᐆ ᐁᑎ ᐄᐦᑑᑕᑲᓅᒡ ᐁ ᐃᑌᔥᑕᒫᒑᓅᒡ ᐃᔑᓈᑯᒡ ᐁᑳ ᓂᐦᐋᐤ ᑯᐃᔅᒄ ᑲᔦᐦ ᐁᑳ ᒋᐦᒋᐧᐁ ᐧᐄᐦᑖᑯᒡ ᐊᓐ ᒉᐧᑳᓐ ᐧᐋ ᒋᔅᒉᔨᐦᑕᒥᐦᐋᑲᓅᑦ ᐊᓐ ᐊᐧᐁᓐ ᑳ ᓂᑐᐦᑕᐦᒃ ᐁ ᐊᔨᒥᓈᓅᔨᒡ᙮

ᐃᑌᔥᑕᒫᒉᓲᒡ ᒋᑲ ᒌ ᐃᔮᑦ ᐊᓂᔫᐦ ᐃᑌᔥᑕᒫᒉᓲᓯᓈᐦᐄᑲᓂᔫ ᐊᓂᑌᐦ ᒉ ᒌ ᐋᐸᒋᐦᐋᑲᓅᐧᑖᐤ ᐁ ᓂᔥᑐᐧᐄᓈᓅᔨᒡ, ᐅᑎᐦᑖᐧᐃᓂᐧᐋᐦᒡ, ᓂᑐᐦᑯᔨᓂᐋᐸᑎᓰᐧᐃᓂᐦᒡ, ᓀᔥᑦ ᐧᐄᔮᔅᑯᓂᒉᐧᐃᓂᐦᒡ᙮  ᐁ ᓂᔥᑐᐧᐄᓈᓅᒡ ᐃᑌᔥᑕᒫᒉᓲᒡ ᐊᓂᑌᐦ ᐲᐦᒡ ᒥᔥᑎᑯᐧᐊᑎᐦᒡ ᐁᑳ ᐯᐦᑖᑯᓃᔨᒡ ᒉᐧᑳᔫ ᑯᐃᔅᒃ ᒉ ᒌ ᐃᑌᔥᑕᒫᒉᐧᑖᐤ ᐊᓂᔫ ᐁ ᐊᔨᒥᓈᓅᔨᒡ᙮  ᐊᓂᑌᐦ ᒥᒄ ᐄᔑ ᐋᐸᒋᐦᐋᑲᓅᐧᐃᒡ ᐁ ᓂᔥᑐᐧᐄᓈᓅᔨᒡ ᑲᔦᐦ ᐊᓂᔫ ᐁ ᐧᐄᔓᐧᐋᑕᑲᓅᔨᒡᐦ ᒉᐧᑳᔫᐦ ᐁ ᓂᔥᑐᐧᐄᓈᓅᔨᒡ, ᐧᒣᐦᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ᙮  ᓇᒧᐃ ᑖᐱᔥᑯᒡ ᐁ ᓂᔥᑐᐧᐄᓈᓅᔨᒡ ᐃᑌᔥᑕᒫᒉᓲᒡ, ᐊᓂᒌ ᐃᐦᑖᐧᐃᓂᐦᒡ ᐃᑌᔥᑕᒫᒉᓲᒡ ᑲᓇᐧᐋᐴᒡ ᒉᐧᑳᔫᐦ ᐁ ᐃᔅᐸᔨᔨᒡ ᒣᐧᑳᒡ ᐁ ᐋᐸᑎᓰᐧᑖᐤ ᑲᔦᐦ ᐧᐄᒋᐦᐄᐧᐁᐅᒡ ᐊᓂᔫᐦ ᐁ ᐊᔨᒥᐦᐄᑐᓈᓅᔨᒡ ᐁ ᓂᑕᐦᑐᐧᐋᐧᑖᐤ ᐊᓂᔫᐦ ᐊᐧᐁᔫᐦ ᐁ ᓂᑐᐧᐁᔨᐦᑕᒥᔨᒡ ᐧᐄᒋᐦᐄᑯᓯᐧᐃᓂᔫ ᑲᔦᐦ ᐊᓂᔫᐦ ᑳ ᐋᐸᒋᐦᐋᑲᓐ ᐁ ᐧᐄᒋᐦᐋᔨᑦ ᐊᐧᐁᔫᐦ, ᐁᑯᐦ ᐁᑎ ᐧᐄᐦᑕᒧᐧᐋᑦ ᑲᔦᐦ ᐁᑎ ᑲᐧᑫᒋᒫᑦ ᐊᓂᔫᐦ ᐁ ᓃᔓᔨᒡ ᐊᐧᐁᔫᐦ᙮  ᐊᓂᔫᐦ ᐁᑎ ᐄᑖᐸᑎᓰᑦ ᐁᐅᑯᔫᐦ ᐅᔫ ᓂᑐᐦᑯᔨᓐᐦ ᐁ ᐧᐄ ᐧᐋᐸᒫᔨᒡ ᐊᓂᔫᐦ ᒫᓂᑌᐅᔨᔫᒡ ᐁ ᐃᑎᔅᑳᓀᓯᐧᑖᐤ, ᐁ ᓂᑐᐧᐋᐸᒫᔨᒡ ᐊᓂᔫᐦ ᐋᐸᒋᐦᐋᑲᓐ ᐁ ᐅᔥᑖᐸᔨᔨᒡ ᐊᐧᐁᔫᐦ ᑳ ᐧᐄᒋᐦᐋᔨᒡ, ᓀᔥᑦ ᐁ ᓂᒋᔥᑳᑐᔨᒡ ᐧᐃᔮᔅᑯᓂᒉᐅᐋᐸᒋᐦᐋᑲᓐᐦ ᑲᔦᐦ ᐊᓂᔫᐦ ᒫᓂᑌᐅᔨᔫᒡ ᐁ ᐧᐃᔮᔅᑯᓂᒉᐧᑖᐤ᙮[97]

ᐊᓐ ᑳᓇᑖ ᑎᐯᔨᐦᒋᒉᓲ ᐃᑌᔥᑕᒫᑑᑲᒥᒄ, ᐊᓂᑌᐦ ᐅᐦᒋ ᐱᒥᐸᔨᐦᑖᑲᓅᒡ ᒥᓯᐦᑌᐋᐸᑎᓰᐧᐃᓐ ᑲᔦᐦ ᑎᐯᔨᐦᒋᒉᓲ ᐋᐸᑎᓰᐧᐃᓐᐦ ᒪᓯᓇᐦᐄᒉᐅᑲᒥᒄᐦ, ᐁᐅᒄ ᐅᔫ ᐅᑖᐸᑎᓯᐧᐃᓐ ᐁ ᒌ ᐄᔑ ᐧᐄᔔᒫᑲᓅᒡ ᐊᓂᔫ ᐁ ᐃᑌᔥᑕᒫᑕᐦᒃ ᐁ ᒪᓯᓈᑌᔨᒡ ᑲᔦᐦ ᐁ ᐃᑌᔥᑕᒫᒉᑦ ᐊᓂᑌᐦ ᐄᔑ ᒥᓯᐧᐁ ᑳᓇᑖ ᒋᔐᐅᒋᒫᓈᐦᒡ ᒪᓯᓇᐦᐄᒉᐅᑲᒥᒄ ᑲᔦᐦ ᐊᓂᑌᐦ ᐄᔑ ᐁ ᐋᐸᑎᓰᔥᑖᑲᓅᒡ ᒉᐧᑳᓐ, ᑖᐱᔥᑯᒡ ᑲᔦᐦ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ᙮  ᐊᓂᒌᔥ, ᐧᐃᓯᐧᐁ ᒦᑕᐦᑐᒥᑎᓅ ᐊᔨᒧᐧᐃᓐᐦ ᑲᔦᐦ ᐄᔑᒌᔓᐧᐁᐧᐃᓐᐦ ᐋᐸᑎᓰᔥᑕᒻ ᓂᔥᑎᓅ-ᓀᐤ ᐁ ᒌᓂᐧᑳᓂᐦᑌᔨᒡ ᐲᓯᒧᐦᑳᓐᐦ, ᓃᐧᔖᔥᒡ ᒌᔑᑳᐤ ᐃᔥᐱᔥ ᐯᔭᑯᑑᔥᑌᐤᐦ᙮[98]

ᐊᓐ ᐁ ᐱᐳᐦᒡ 2017-18, ᐊᓐ ᐃᑌᔥᑕᒫᒉᐅᑲᒥᒄ ᒌ ᐅᐦᑎᑑᑰ ᓃᐧᔖᐧᓵᒥᑖᐦᑐᒥᑎᓐ ᒦᓐ ᑯᐧᑖᐧᓵᒥᑎᓅ 760 ᒌ ᐅᐦᑎᐦᑕᐦᐆᑰᒡ ᒉ ᒌ ᐃᑌᔥᑕᒫᑕᐧᑳᐤ ᒉᐧᑳᔫᐦ, ᓀᔥᑦ ᒉᑳᑦ 0.5% ᐊᓐ ᐁ ᐃᔥᐱᔥ ᐴᔥᑯᓇᑲᓅᒡ ᐁ ᒌ ᐅᐦᑎᐦᑕᐦᐆᑯᐧᑖᐤ᙮  ᐊᓂᔫ ᒫᒃ ᓃᐧᔖᐧᓵᒥᑖᐦᑐᒥᑎᓐ ᒦᓐ ᑯᐧᑖᐧᓵᒥᑎᓅ 760 ᐃᑌᔥᑕᒫᒉᐧᐃᓐᐦ, ᓂᔮᓈᓀᐤ-ᓂᔮᔪ 85% ᐄᔅᒋᒣᐅᐊᔨᒧᐧᐃᓐᐦ ᐊᓂᔫᐦ᙮[99]  ᐁ ᐧᐄ ᓀᔅᐧᑫᐅᔥᐧᑖᐧᑖᐤ ᐅᔫᐦ ᐄᓈᐦᒡ ᐁ ᐄᔑ ᐃᑌᔥᑕᒫᑕᑲᓅᔨᒡ, ᐊᓐ ᒪᓯᓇᐦᐄᒉᐅᑲᒥᒄ ᐃᔮᐤ ᐁ ᑎᐱᓀᓯᓈᓲᔨᒡ ᐧᐃᔦᔥ ᒥᑖᐦᑐᒥᑎᓅ ᐃᑌᔥᑕᒫᒉᓲᐦ ᒉ ᒌ ᐋᐸᑎᓰᑲᐦᑕᒥᔨᒡ ᐊᓂᔫᐦ ᓃᔥᑎᓅ 20 ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓐᐦ᙮  ᐅᑖᐦᒡ 2016, ᐊᓐ ᒪᓯᓇᐦᐄᒉᐅᑲᒥᒄ ᒌ ᐄᔑ ᐋᐸᑎᓰᑲᐦᑕᒻ ᐊᓂᔫ ᐁ ᐃᑌᔥᑕᒫᒑᓅᔨᒡ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ ᓂᔥᑐᒥᑎᓅ ᒌᔑᑳᐤ ᐃᔥᐱᔥ᙮

ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐊᓂᔫᐦ ᐃᑌᔥᑕᒫᒉᐅᑲᒥᒄ ᒉ ᒌ ᐃᔭᒋᐦᑖᔨᒡ ᐅᒪᓯᓇᐦᐄᒉᐅᑲᒥᑯᔫ ᐁᑎᑑ ᐄᔑ ᐃᔭᒋᐦᐸᔨᔦᑌ ᐋᐸᑎᓰᐧᐃᓂᔫ ᐊᓐ ᐁ ᐃᑌᔥᑕᒫᑕᑲᓅᒡ ᐄᓈᐦᒡ ᐁ ᐃᑎᔅᑳᓀᓰᒥᑯᐧᑳᐤᐦ ᐊᔨᒧᐧᐃᓐᐦ᙮[100] ᐆ ᒫᒃ ᑖᐧᐯ ᐃᔅᐸᔨᑌ, ᐊᓐ ᐃᑌᔥᑕᒫᑑᑲᒥᒄ ᒋᐸᐦ ᐧᐄ ᐃᔦᔅᑯᐧᐄᐤ ᐊᑎᔑᓀ ᒉ ᒌ ᐱᒥᐸᔨᒡ ᐁ ᐧᐄᒋᐦᑖᑲᓅᒡ ᐁᑎᑑ ᒉ ᒌ ᐃᔭᒋᐦᐸᔩᒡ ᐁ ᒥᐦᒉᑎᐧᑖᐤ ᐃᑌᔥᑕᒫᒉᓲᒡ ᑲᔦᐦ ᐊᓂᒌ ᑳ ᐃᑌᔥᑕᒫᑕᐧᑳᐤ ᒪᓯᓇᐦᐄᑲᓐ ᐅᑦᐦ ᑳᓇᑖᐦ᙮  ᒌ ᐄᔑ ᐧᐄᐦᑕᑲᓅ ᐊᓂᒌᔥ ᐊᓂᒌ ᒋᐦᒋᐧᐁ ᐁ ᐃᔮᐧᑖᐤ ᐅᔫᐦ ᑲᔅᒋᐦᐅᐧᐃᓐᐦ ᐅᑦᐦ ᑳᓇᑖ ᐧᐃᔦᔥ ᐯᔭᑯᔥᑌᒥᑎᓅ 90 ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤ ᐊᔨᒧᐧᐃᓐ ᐁ ᐃᔥᐱᔥ ᐃᐦᑖᐧᑖᐤ ᒥᒄ, ᐊᓂᑦᐦ ᐅᐦᒋ ᐁ ᒌ ᑲᐧᑫᒋᐦᐋᑲᓅᐧᑖᐤ ᑖᓐ ᐁ ᐃᔥᐱᔥ ᒋᔅᒉᔨᐦᑕᐧᑳᐤ ᐊᔨᒧᐧᐃᓂᔫ᙮[101] ᑌᑲᔥ ᐁ ᐃᔦᔅᑰᔥᑌᑦ ᐊᓂᑌᐦ ᐅᐦᒋ ᒋᔐᐅᒋᒫᓈᐦᒡ ᐄᔑ ᓂᑐᐧᐁᔨᐦᑖᑯᓐ ᐁᑎᑑ ᒉ ᒌ ᓈᓂᐦᐄᐸᔨᒡ ᐊᓐ ᐋᐸᑎᓰᐧᐃᓐ ᐁ ᐃᑌᔥᑕᒫᑳᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ᙮[102]

ᐊᓅᐦᒡ, ᐊᓂᒌ ᐧᐁᒥᔥᑎᑯᔒᐤ ᑲᔦᐦ ᐅᐱᔥᑎᑯᔮᐤ ᐃᑌᔥᑕᒫᒉᓲᒡ ᐊᓂᑌᐦ ᐁ ᐄᔑ ᐋᐸᑎᓰᐧᑖᐤ ᒋᔐᐅᒋᒫᐅᑲᒥᑯᒡ ᓂᑐᐧᐁᔨᐦᑖᑯᓲᒡ ᒉ ᒌ ᐃᔮᐧᑖᐤ ᐊᓂᔫ ᐅᒋᒫᓈᐦᒡ ᒋᔅᑯᑕᒫᑑᓯᓇᐦᐄᑲᓂᔥ ᐊᓂᑌᐦ ᐁ ᒌ ᐅᐦᒋᐸᔨᔨᒡ ᐁ ᒌᐦᑳᔦᔨᐦᑖᑯᓂᔨᒡ ᒋᔐᒋᔅᑯᒫᑑᑲᒥᑯᔫ ᑲᔦᐦ ᐁ ᒌ ᒥᔮᑲᓅᐧᑖᐤ ᒪᓯᓇᐦᐄᑲᓂᔥ ᒉ ᒌ ᐃᑖᐸᑎᓰᐧᑖᐤ ᐊᓂᑌᐦ ᐁ ᐅᐦᒋᐸᔨᔨᒡ ᑳ ᐅᒋᒫᐅᐱᐧᑖᐤ ᑳᓇᑖ ᐃᑌᔥᑕᒫᒉᓲᒡ, ᐊᔨᒧᐧᐃᓂᔫ ᑳ ᔖᐳᓂᐧᑳᐤ, ᑲᔦᐦ ᐃᑌᔥᑕᒫᒉᓲᓈᐦᒡ ᐁ ᐊᔕᒋᓯᓈᓱᐧᑖᐤ᙮[103] ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐅᔫ ᓈᔥᒡ ᐁ ᒋᔥᑕᒫᐧᐁᔨᐦᑖᑯᒡ ᐁᑳ ᒉ ᒌ ᐧᐊᓂᔨᑌᑦ ᐊᐧᐁᓐ ᐁ ᐃᑌᔥᑕᒫᒉᑦ ᐧᐁᔅ ᐅᒌ ᐃᑌᔥᑕᒫᒉᓲ ᑎᐧᐁᐦᒡ ᒋᐸᐦ ᐃᑌᔥᑕᒥᒡ ᐁ ᐊᔨᒥᓈᓅᔨᒡ ᑖᐹ ᐃᐦᑕᑯᓐ ᑎᐸᐦᐄᑲᓐ ᒉ ᒌ ᐧᑫᔅᒋᓂᐦᒃ, ᑯᐃᔅᒄ ᒉ ᒌ ᐃᑌᑦ, ᑲᔦᐦ ᒉ ᒌ ᑯᐃᔅᑯᓯᓇᐦᐊᒃ ᐊᓂᔫ ᑳ ᐃᑌᔥᑕᒫᑕᐦᒃ᙮[104]

ᐧᐄ ᐱᑯᐦᑖᑌ ᐊᓂᔫ ᒪᓯᓇᐦᐄᑲᓂᔥ ᐃᑌᔥᑕᒫᒉᓲ ᒉ ᒌ ᐃᑖᐸᑎᓰᑦ ᐊᐧᐁᓐ, ᒫᐅᔫᐦ ᒋᐸᐦ ᐃᐦᑑᑕᒻ:

• ᒋᐸᐦ ᐧᐄ ᔖᐳᔥᑲᒻ ᐊᓂᔫ ᑲᐧᑫᒋᐦᐄᐧᐁᐧᐃᓂᔫ ᐊᓂᑌᐦ ᐁ ᐅᐦᒋᐸᔨᔨᒡ ᐊᓂᑌᐦ ᐸᐦᐯᔭᑯᑌᓅ ᒋᐦᒋᐧᐁ ᑳ ᒫᒨᐧᐄᐧᑖᐤ ᑲᔦᐦ ᐊᓂᑌᐦ ᑳᓇᑖᐦ ᐁ ᐄᔑ ᐧᐄᒋᐦᐄᐧᐁᑦ; ᓀᔥᑦ
• ᒉ ᒌ ᐧᐋᐸᐦᑎᔨᐧᐁᑦ ᐁ ᐃᔮᑦ ᒥᐦᒉᑐᐳᓐᐦ ᐁ ᒌ ᐃᑖᐸᑎᓰᑦ ᐁ ᐃᑌᔥᑕᒫᒉᑦ, ᑲᔦᐦ ᐁ ᓅᑯᓂᔨᒡ ᐅᑖᐸᑎᓰᐅᓐ ᑲᔦᐦ ᐊᐧᐁᔫᐦ ᐁ ᒋᔅᒉᔨᐦᑕᒥᔨᒡ ᐁ ᐃᑖᐸᑎᓰᑦ᙮[105]

ᒥᒄ ᒫᒃ, ᐄᔑ ᐧᐄᐦᑖᑯᓐ ᐁᑲ ᔮᐃᑌᐦ ᓂᑐᐧᐁᔨᐦᑖᑯᒡ ᐊᓐ ᒪᓯᓇᐦᐄᑲᓂᔥ ᐊᓂᑦᐦ ᐁ ᐃᑌᔥᑕᒫᒑᓅᒡ ᐁ ᓅᓱᐦᐧᐋᑲᓅᒡ ᐊᐧᐁᓐ ᐄᓈᐦᒡ ᐊᔨᒧᐧᐃᓂᔫ ᐁ ᐋᐸᒋᐦᑖᑦ ᐁ ᐊᔨᒥᑦ ᐅᑦᐦ ᑳᓇᑖᐦ ᑲᔦᐦ ᓇᒧᐃ ᐃᐦᑖᐅᒡ ᐊᓂᒌ ᐄᓈᐦᒡ ᑳ ᐃᑌᔥᑕᒫᒉᐧᑖᐤ ᐁ ᒌ ᐱᑯᐦᑖᐧᑖᐤ ᐃᑌᔥᑕᒫᒉᐅᓯᓇᐦᑲᓂᔑᔫ᙮[106]

ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐊᓂᔫ ᐃᑌᔥᑕᒫᒉᓲᐦ ᐁ ᐄᔑ ᑲᓇᐧᐁᔨᒥᑯᐧᑖᐤ ᐊᓂᔫᐦ ᐃᑌᔥᑕᒫᒉᐤ ᐧᐄᑎᔓᐧᐁᐧᐃᓐ ᐊᓂᑌᐦ ᐹᐦᐯᔭᑯᑌᓯᒥᐧᑳᐤ ᐊᔅᒌᐦ ᐅᑦᐦ ᑳᓇᑖᐦ ᐁ ᐃᑎᓯᓈᓲᐧᑖᐤ ᒥᒄ ᐊᓂᔫᐦ ᐊᔨᒧᐧᐃᓐᐦ ᐁ “ᔖᐳᒋᔅᒉᔨᐦᑕᐧᑳᐤ” ᓀᔥᑦ “ᒥᑐᓐ ᑌᑲᔥ ᐁ ᔖᐳᒋᔅᒉᔨᐦᑕᐧᑳᐤ” ᒉ ᒌ ᐃᑌᔥᑕᒫᒉᐧᑖᐤ᙮[107] ᐃᑌᔥᑕᒫᒉᓲᒡ ᑌᑲᔥ ᒋᐸᐦ ᐧᐄ ᓂᓯᑐᐦᑕᒥᒡ ᐊᓂᔫ ᐊᔨᒧᐧᐃᓂᔫ ᐁ ᐊᔨᒥᓈᓅᔨᒡ ᑲᔦᐦ ᐊᓐ ᐊᔨᒧᐧᐃᓐ ᒋᐸᐦ ᐃᑌᔥᑕᒫᑕᑲᓅ ᐁᐅᑯᓂᔫ ᒋᐸᐦ ᐋᐸᑎᓂᔫ᙮

C. ᓃᑲᓐ ᐁ ᐄᔑ ᒣᔅᑲᓈᐦᑳᓅᒡ

ᐊᓂᒌ ᑳ ᒫᒨᐱᐧᑖᐤ ᓈᔥᑖᐧᐯ ᐄᔑ ᒋᔓᐧᐁᔨᐦᑕᒻ ᐊᓂᔫ ᒣᐧᑳᒡ ᐁ ᓈᓂᑐᒋᔅᒉᔨᐦᑕᑲᓅᔨᒡ ᐊᓂᔫ ᐁ ᐋᐸᒋᐦᑖᑲᓅᐧᑳᐤᐦ ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤ ᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᓂᐦᐋᐤ ᐊᓂᑦᐦ ᐁ ᐃᐦᑑᑕᑲᓅᔨᒡ ᐊᓂᔫ ᑖᓐ ᑳ ᐃᔅᐸᔨᒡ ᐊᓂᑌᐦ ᐅᑖᐦᒡ ᐁ ᐧᐄ ᐋᐦᒋᑖᑲᓅᒡ ᒉ ᒌ ᑲᓇᐧᐋᐸᐦᑕᓅᒡ ᐊᓐ ᒉ ᒌ ᐃᐦᑕᑯᒡ ᒥᔪᑑᑌᒧᐧᐃᓐ ᐊᓂᑌᐦ ᐄᔑ ᐊᓂᒌ ᑳᓇᑖᐦ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᑲᔦᐦ ᐊᓂᒌ ᐁᑳ ᐄᓈᐦᒡ ᐃᑎᔅᑳᓀᓯᐧᑖᐤ᙮  ᐆ ᐁ ᒌᐦᑳᔮᐸᐦᑕᑲᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᓈᔥᑖᐧᐯ ᒋᔥᑕᒫᐧᐁᔨᐦᑖᑯᓐ ᐊᓂᑌᐦ ᐄᔑ ᐁ ᒥᔪᑑᑌᒧᐧᐃᓂᐦᒡ᙮

ᒣᐧᑳᒡ ᑳ ᓈᓂᑐᒋᔅᒉᔨᐦᑕᑲᓅᒡ, ᒥᐦᒉᑦ ᐊᐧᐁᓂᒌ ᒌ ᐄᔑ ᐧᐄᐦᑕᒥᒡ ᐊᓂᔫᐦ ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤᐦ ᐊᔨᒧᐧᐃᓐᐦ ᐁᑯᑦᐦ ᐊᓂᑦᐦ ᑌᑖᐅᒡ ᐁ ᐧᐄᒉᐅᑑᒥᐧᑳᐤ ᐃᔨᐦᑐᐧᐃᓂᐦᒡ ᑲᔦᐦ ᒋᔅᒉᔨᒥᑎᓱᐧᐃᓂᐦᒡ ᐊᓂᑌᐦ ᐄᔑ ᐄᓈᐦᒡ ᐃᑎᔅᑳᓀᓯᐧᐃᓂᐦᒡ ᒥᒄ ᒫᒃ ᒋᔑᓀ ᒉ ᒌ ᐃᐦᑕᑯᐧᑳᐤ ᐅᔫ ᐊᔨᒧᐧᐃᓐᐦ ᐅᑦᐦ ᑳᓇᑖ ᓈᔥᑖᐧᐯ ᑯᔅᐱᓈᑌᔨᐦᑖᑯᓐ ᒉ ᐧᐊᓂᐦᑕᐧᑳᐤᐦ᙮  ᐊᓂᒌ ᑳ ᒫᒨᐱᐧᑖᐤ ᐊᓂᔫ ᑳ ᐄᔑ ᒥᔅᑯᐧᐋᐦᑖᐧᑖᐤ ᓈᔥᑖᐧᐯ ᑯᔅᐱᓀᔨᐦᑕᒥᒡ ᑲᔦᐦ ᐋᔨᒫᓯᓂᒥᒡ ᒉ ᐧᐊᓂᐦᑎᓂᔨᒡ᙮

ᒥᐦᒉᑦ ᐊᐧᐁᓂᒌ ᒌ ᐄᔑ ᐧᐄᐦᑕᒥᒡ ᐊᓂᔫ ᐁ ᐸᒋᐦᑎᓈᑲᓅᔨᒡ ᐊᐧᐁᔫᐦ ᐁ ᐊᐱᔨᑦ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ ᒉ ᒌ ᒥᔮᑲᓅᔨᒡ ᑲᔅᒋᐦᐅᐧᐃᓂᔫ ᒉ ᒌ ᐊᔨᒥᔨᑦ ᐅᑎᔨᒧᐧᐃᓂᔫ ᑲᔦᐦ ᑎᐧᐁᐦᒡ ᒉ ᒌ ᓂᓯᑐᐦᑕᐧᐋᑲᓄᔨᒡ ᒣᐧᑳᒡ ᐁ ᐊᔨᒥᐦᐄᑐᓈᓅᔨᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᑲᔦᐦ ᐊᓂᒌ ᑳ ᒫᒨᐱᐧᑖᐤ ᒉ ᒌ ᒌᐦᑳᔮᐸᐦᑕᐧᑳᐤ ᓈᔥᒡ ᐁ ᒋᔥᑕᒫᐧᐁᔨᐦᑖᑯᓂᔨᒡ ᐊᓂᑦᐦ ᐁ ᐃᐦᑖᔨᒡ ᐄᓈᐦᒡ ᑳ ᐃᑎᔅᑳᓀᓯᔨᒡ ᐄᔨᔫ ᐁᐅᑯᔫᐦ ᐅᔫ ᐊᐧᐁᔫᐦ ᓃᔥᑕᒻ ᑳ ᐃᐦᑖᔨᒡ ᐅᑦᐦ ᐊᔅᒌᐦᒡ ᑳᓇᑖᐦ᙮

ᐊᓐ ᑲᔅᒋᐦᐅᐧᐃᓐ ᐁ ᐋᐸᒋᐦᑖᐧᑖᐤ ᐧᐁᒥᔥᑎᑯᔒᐅᐊᔨᒧᐧᐃᓂᔫ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓂᔫ ᑎᐧᐁᐦᒡ ᒌ ᐃᐦᑕᑯᓐ ᓃᔥᑕᒻ ᑳ ᐧᐊᐧᐁᔨᐱᐧᑖᐤ ᐊᓂᒌ ᒋᔐᐅᒋᒫᐅᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ᙮  ᐊᓂᒌ ᑳ ᒫᒨᐱᐧᑖᐤ ᐄᔑ ᒉᔥᑎᓈᐦᐅᐧᐃᒡ ᐊᓂᔫᐦ ᐊᐧᐁᔫ ᑳ ᐊᐱᔨᑦ ᐊᓂᑦᐦ ᐁᑳ ᑲᔅᒋᐦᐅᐧᐃᒡ ᐁ ᐊᔨᒥᔨᑦ ᐄᓈᐦᒡ ᑳ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓂᔫ ᑲᔦᐦ ᑎᐧᐁᐦᒡ ᐁ ᓂᓯᑐᐦᑕᐧᐋᑲᓄᔨᒡ ᓇᒧᐃ ᑖᐧᐯ ᐄᔑ ᑖᑲᐦᐄᒉᐸᔨᔫ ᐊᓂᑌᐦ ᐊᓂᒌᔥ ᑳᓇᑖᐦ ᐁ ᓅᓱᓀᐦᐊᒃ ᐃᔑᐦᐧᑖᐧᐃᓐᐦ, ᓀᔥᑦ ᐊᓂᑌᐦ ᐁ ᐄᔑ ᒥᔪᑑᑌᒧᐧᐁᓐ ᐊᐦᒑᐦᑯᐧᐃᓂᐦᒡ ᐊᓂᒌ ᑳᓇᑖᐦ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐄᔨᔫᒡ ᑲᔦᐦ ᐁᑳ ᐄᓈᐦᒡ ᐁ ᐃᑎᔅᑳᓀᓯᐧᑖᐤ ᐊᐧᐁᓂᒌ᙮

ᐊᓂᑦᐦ ᒫᒃ ᐅᐦᒋ, ᐊᓂᒌ ᑳ ᒫᒨᐱᐧᑖᐤ ᒌ ᐄᔑ ᐧᐃᔦᔨᐦᑕᒥᒡ:

ᒉ ᒌ ᒌᐦᑳᔮᐸᐦᑕᑲᓅᒡ ᐊᓐ ᐁ ᐋᐸᒋᐦᑖᑲᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᐊᓐ ᒉ ᒌ ᐃᐦᑑᑕᑲᓅᒡ ᐅᑦᐦ ᑳ ᒪᓯᓈᑌᒡ ᐧᐄᐦᑕᒫᒉᐅᓯᓇᐦᐄᑲᓂᐦᒡ᙮

i. ᐁ ᐃᔑᑳᐳᔥᑕᑲᓅᒡ ᐁ ᒋᐦᒋᐸᔨᐦᑖᑲᓅᒡ ᑲᔦᐦ ᐊᓂᔫ ᒉᐧᑳᔫᐦ ᑳ ᐋᔨᒨᑕᑲᓅᐧᑳᐤᐦ

ᐊᓂᒌ ᑳ ᒫᒨᐱᐧᑖᐤ ᐄᔑ ᐧᐋᐸᐦᑕᒥᒡ ᐊᓂᔫᐦ ᒉ ᐃᔅᐸᔨᔨᒡ ᐁ ᒋᐦᒋᐸᔨᐦᑖᑲᓅᒡ ᐁ ᐋᐸᒋᐦᑖᑲᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐊᓂᑌᐦ ᐁ ᐊᔨᒥᐦᐄᑐᓈᓅᒡ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᑲᔦᐦ ᐊᓂᒌ ᑳ ᒫᒨᐱᐧᑖᐤ ᒉ ᒌ ᐃᔑᓈᑯᒡ ᐁ ᐱᐦᑯᐦᑖᑲᓅᒡ ᒉᐧᑳᓐ᙮  ᐊᓂᒌ ᑳ ᒫᒨᐱᐧᑖᐤ ᒌ ᓂᔅᑲᒨᐧᐃᒡ ᐊᐱᔒᔥ ᒉ ᐅᐦᒋ ᒋᐦᒋᐸᔨᐦᑖᑲᓄᔨᒡ ᑲᔦᐦ ᒉᒃ ᐋᓂᔅᒉ ᒉ ᒥᔪᐸᔨᒡ᙮[108]

ᐁᑎᑑ ᐁ ᐱᔦᑲᔅᒋᐦᑖᑯᒡ, ᐊᓂᒌ ᑳ ᒫᒨᐱᐧᑖᐤ ᐄᔑ ᐧᐃᔦᔨᐦᑕᒥᒡ ᐊᓂᔫ ᐁ ᒋᐦᒋᐸᔨᐦᑖᑲᓅᒡ ᐁ ᐋᐸᒋᐦᑖᑲᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᐧᑳᐤᐦ ᐊᔨᒧᐧᐃᓐᐦ ᐊᓂᑌᐦ ᒋᔐᐅᒋᒫᓈᐦᒡ ᒉ ᐃᐦᑕᑯᒡ ᐁ ᓅᓯᓀᐦᐊᑲᓅᐧᑳᐤᐦ ᐁ ᓇᓂᐦᐄᐦᑕᒧᐧᐃᓐ, ᒥᐧᔮᐸᑎᓰᐧᐃᓐ, ᑯᐃᔅᑯᐧᐁᔨᐦᑖᑯᓯᐧᐃᓐ, ᑲᔦᐦ ᒋᔥᑌᔨᒥᑐᐧᐃᓐ᙮  ᐊᓐ ᒫᒋᒡ ᐁ ᑲᓇᐧᐋᐸᐦᑕᑲᓅᒡ ᒉᐧᑳᓐ, ᐊᓐ ᒉ ᐃᐦᑎᓈᓅᒡ ᐁ ᓅᓯᓀᐦᐊᑲᓅᒡ ᑖᐱᔥᑯᓐ ᑲᑕ ᐧᐄ ᐄᔑ ᒌᐦᑳᔮᐸᐦᑕᑲᓅ ᐊᓂᔫᐦ ᐁ ᒋᔥᑕᒫᐧᐁᔨᐦᑖᑯᐧᑳᐤ ᐄᓈᐦᒡ ᐁ ᐃᑎᔅᑳᓀᓯᒥᑯᐧᑳᐤ ᐊᔨᒧᐧᐃᓐᐦ ᑲᔦᐦ ᐊᓂᔫᐦ ᔖᔥ ᐧᐁᔥᑲᒡ ᐁ ᒌ ᐯᐦᒋ ᓅᓯᓀᐦᐊᑲᓅᐧᑳᐤ ᐃᔨᐦᑑᐧᐃᓐᐦ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ᙮

• ᐁ ᐄᔑ ᒌᐦᑳᓯᓇᐦᐊᑲᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐁ ᐄᔑ ᐋᐸᑎᐦᒡ

ᒣᐧᑳᒡ ᐊᓂᑌᐦ ᒋᔐᐅᒋᒫᓈᐦᒡ, ᐊᓂᒌ ᑳ ᒫᒨᐱᐧᑖᐤ ᐁ ᐧᐄ ᐊᔨᒥᐧᑖᐤ ᐅᑎᔨᒧᐧᐃᓇᐧᐋᐤ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᓂᔮᑲᓐᐦ ᒋᐸᐦ ᒪᓯᓇᐦᐊᒧᐧᐁᐅᒡ ᐊᓂᔫᐦ ᒋᔐᐅᒋᒫᐅᐧᐋᔅᑳᐦᐄᑲᓐ ᒪᓯᓇᐦᐄᒉᓲᐦ ᐁ ᒋᔅᒉᔨᐦᑕᒥᐦᐋᐧᑖᐤ ᒉᒃ ᐊᔨᒧᐧᐃᓂᔫ ᐁ ᑲᔅᒋᐦᐅᐧᑖᐤ ᐁ ᐊᔨᒥᐧᑖᐤ ᑲᔦᐦ ᑖᐃᔅᑉ ᐧᐋ ᐋᐸᒋᐦᑖᐧᑖᐤ ᐊᓂᑌᐦ ᐄᔑ ᓃᔥᑖᒥᐦᒡ ᐊᓂᑦᐦ ᐁ ᒫᒨᐱᐧᑖᐤ ᒋᔐᐅᒋᒫᓈᐦᒡ᙮  ᐆ ᒫᒃ ᐧᐁᐦᒋ ᒌᐦᑳᓯᓇᐦᐊᑲᓅᒡ ᐁ ᐧᐄ ᒥᔮᑲᓅᑦ ᐊᓐ ᒋᔐᐅᒋᒫᐅᐧᐋᔅᑳᐦᐃᑲᓂᔫ ᑳ ᐱᒥᐸᔨᐦᑖᐧᑖᐤ ᑲᔦᐦ ᐊᓂᒌ ᐃᑌᔥᑕᒫᒉᐅᑲᒥᒄ ᐧᐄᐸᒡ ᒉ ᒌ ᓂᐦᐄᐸᔨᐦᑖᐧᑖᐤ ᒉ ᒌ ᓈᓂᑑᐦᑎᓈᐧᑖᐤ ᐊᓂᑦᐦ ᐁ ᒪᓯᓈᓱᔨᒡ ᐃᑌᔥᑕᒫᒉᓲᐦ ᒉᒃ ᐊᔨᒧᐧᐃᓐ ᒉ ᐋᐸᒋᐦᑖᑲᓅᒡ ᒉ ᒌ ᐅᑖᔅᑯᓈᐧᑖᐤ, ᑲᔦᐦ ᐧᐄᐸᒡ ᒉ ᒌ ᒋᔅᒉᔨᐦᑕᒥᐦᐋᐧᑖᐤ, ᐁ ᓂᑐᐧᐁᔨᐦᑖᑯᓯᔨᑦ ᒉ ᒌ ᐃᑌᔥᑕᒫᒉᔨᑦ ᐊᓂᑦᐦ ᐁ ᐊᔨᒥᓈᓅᔨᒡ ᑲᔦᐦ/ᓀᔥᑦ ᐁ ᐃᑌᔥᑕᒫᑕᒥᔨᒡ ᐊᓂᔫᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᐁ ᐊᔨᒥᐦᐄᑐᓈᓅᔨᒡ, ᓀᔥᑦ ᑯᑕᒃ ᐁ ᓂᔥᑐᐧᐄᔥᑕᑲᓅᔨᒡ ᒉᐧᑳᔫᐦ ᐁ ᓂᑐᐧᐁᔨᐦᑖᑯᓂᔨᒡ ᐃᑌᔥᑕᒫᒉᐅᐧᐃᓂᔫ ᑲᔦᐦ ᐊᓅᐦᒡ ᐁ ᐃᔑᓈᑯᒡ ᐁ ᓂᔥᑐᐧᐄᓈᓅᒡ, ᑌᑲᔥ ᐁ ᐧᐄᐦᑕᑲᓅᒡ, ᐁ ᐧᐃᔮᐸᒫᐧᑖᐤ ᐊᐧᐁᔫᐦ ᐁ ᓂᔥᑐᐧᐄᔥᑕᐧᑳᐤ᙮

ᐆ ᑳ ᒌᐦᑳᔮᐸᐦᑕᑲᓅᒡ ᐁᑎ ᐃᐦᑎᓈᓅᒡ ᒨᔥ ᒋᐸᐦ ᓅᓯᓀᐦᐊᒥᒡ ᐊᓂᑦᐦ ᐁᑎ ᒋᐦᒌᐧᑖᐤ ᐹᐦᐯᔭᐧᑳᐤ ᐁᑎ ᓂᔥᑐᐧᐄᔥᑕᐦᐧᑳᐤ ᒉᐧᑳᔫ ᐊᓂᒌ ᒋᔐᐅᒋᒫᓈᐦᒡ ᑲᔦᐦ ᒣᐧᑳᒡ ᐁ ᓂᔥᑐᐧᐄᔥᑕᐦᐧᑳᐤ ᐁ ᐧᐃᔮᐸᒫᐧᑖᐤ ᐁ ᐅᔅᒋᔨᔨᒡ ᐊᐧᐁᔫᐦ ᑲᔦᐦ ᐊᐧᐁᔫᐦ ᐁ ᑲᔅᒋᐦᐅᔨᒡ ᐁ ᐋᐸᒋᐦᑖᔨᒡ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓂᔫ᙮

• ᐧᐄᐦᑕᒫᒉᐅᓯᓇᐦᐄᑲᓂᔫ ᐁ ᐸᒋᐦᑎᓂᐦᒃ ᑳ ᒋᔐᐅᒋᒫᐱᑦ ᐁ ᐧᐄ ᐋᐸᒋᐦᑖᑦ ᐊᔨᒧᐧᐃᓂᔫ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ

ᐁᑎ ᒋᐦᒋᔨᓈᓅᒡ, ᐊᓂᒌ ᑳ ᒫᒨᐱᐧᑖᐤ ᒌ ᐄᔑ ᐧᐃᔦᔨᐦᑕᒥᒡ ᐊᓂᒌ ᐊᐧᐁᓂᒌ ᑳ ᐊᐱᐧᑖᐤ ᒉ ᒌ ᐧᐄᐦᑕᒧᐧᐋᐧᑖᐤ ᓂᔮᑲᓐᐦ ᐁ ᒪᓯᓇᐦᐊᒧᐧᐋᐧᑖᐤ ᐊᓂᔫᐦ ᒋᔐᐅᒋᒫᐅᐧᐋᔅᑳᐦᐄᑲᓐ ᒪᓯᓇᐦᐄᒉᓲ ᐁ ᐧᐄ ᐋᐸᒋᐦᑖᐧᑖᐤ ᐅᑎᔨᒧᐧᐃᓇᐧᐋᐤ ᐊᓂᑌᐦ ᐄᔑ ᓃᔥᑕᒥᐦᒡ ᓂᔥᑐᐧᐄᓈᓄᔨᒉ ᐊᓂᑌᐦ ᒋᔐᐅᒋᒫᓈᐦᒡ ᓀᔥᑦ ᑳ ᒫᒨᐱᐧᑖᐤ ᐁ ᓂᔥᑐᐧᐄᐧᑖᐤ᙮  ᐁᑎ ᐃᐦᑑᑕᑲᓅᒡ, ᐆ ᐧᐄᐦᑕᒫᒉᐅᓯᓇᐦᐋᑲᓐ ᐁ ᐄᔑ ᓂᑐᐧᐁᔨᐦᑖᑯᒡ ᑖᐱᔥᑯᒡ ᐊᓐ ᐁ ᐃᔑᓈᑯᒡ ᐊᓂᑌᐦ ᒋᐦᒋᐧᐁ ᒋᔐᐅᒋᒫᓈᐦᒡ ᐅᑦᐦ ᑳᓇᑖᐦ᙮  ᐊᓐ ᒋᐦᒋᐧᐁ ᒋᔐᐅᒋᒫᓈᐦᒡ, ᐧᐄᐦᑕᒫᒉᓯᓇᐦᐄᑲᓐ ᓇᒧᐃ ᑌᑲᔥ ᐄᔑ ᐧᐄᐦᑖᑯᓐ; ᒥᒄ ᑏᑯᒡ, ᐊᓐ ᐊᔨᒧᐧᐃᓐ “ᓂᔮᑲᓐᐦ” ᐧᐁᐦᒋ ᐃᔮᐸᒋᐦᑖᑲᓅᒡ ᐁ ᓂᑐᐧᐁᔨᐦᑕᑯᒡ ᓂᔮᑲᓐᐦ ᒉ ᒌ ᐅᐦᑎᓈᑲᓅᐧᑖᐤ ᐃᑌᔥᑕᒫᒉᓲᒡ᙮  ᐊᓂᑌᐦ ᐧᐄ ᒋᔐᐅᒋᒫᐅᐧᐋᔅᑳᐦᐄᑲᓈᐦᒡ, ᓂᔮᑲᓐᐦ ᐧᐁᐦᒋ ᐄᓈᓅᒡ ᐊᓐ ᐄᓈᐦᒡ ᐁ ᐃᑎᔅᑳᓀᓰᒥᑯᒡ ᐊᔨᒧᐧᐃᓐ ᐁ ᐋᐸᒋᐦᑖᑲᓅᒡ ᐁ ᓂᑐᐧᐁᔨᐦᑖᑯᒡ ᑎᐸᐦᐄᑲᓐ ᒉ ᒌ ᐅᐦᑎᓂᑲᓅᒡ ᐃᑌᔥᑕᒫᒉᐧᐃᓐ ᐋᐸᑎᓰᐧᐃᓐ ᑲᔦᐦ ᒉ ᒌ ᐃᔦᔅᑰᔥᑖᑲᓅᒡ ᒥᓯᐧᐁ ᒉᐧᑳᓐ ᐁ ᐃᑖᐸᑎᐦᒡ᙮  ᒦᓐ ᒫᒃ, ᐊᓂᒌ ᑳ ᒫᒨᐱᐧᑖᐤ ᑲᓇᐧᐋᐸᐦᑕᒥᒡ ᐊᓂᔫ ᒥᓯᐧᐁ ᒉᐧᑳᔫ ᐁᑎ ᐃᑖᐸᑎᓂᔨᒡ ᐁ ᓂᑐᐧᐁᔨᐦᑖᑯᓂᔨᒡ ᐊᓐ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐁ ᐋᐸᒋᐦᑖᑲᓅᒡ ᐊᓂᑌᐦ ᐁ ᐱᔅᒑᑦ ᐁ ᓂᔥᑐᐧᐄᓈᓅᒡ ᐋᐦᒌᐅᐦ ᐃᑌᔨᐦᑖᑯᓐ ᐊᓐ ᐁ ᐃᑌᔨᐦᑖᑯᒡ ᒋᔐᐅᒋᒫᐅᑲᒥᑯᐦᒡ ᐁ ᓂᔥᑑᐧᐄᐧᑖᐤ ᐊᓂᒌ ᑳ ᒫᒨᐱᐧᑖᐤ᙮

ᒥᐦᒉᑦ ᐊᐧᐁᓂᒌ ᑳ ᐊᔨᒥᐧᑖᐤ, ᑲᔦᐦ ᓂᔥᑐ ᐊᓂᑦᐦ ᑳ ᒋᔐᐅᒋᒫᐅᐱᐧᑖᐤ ᐊᓂᑌᐦ ᒋᔐᐅᒋᒫᐅᑲᒥᑯᐦᒡ, ᒌ ᐄᔑ ᐧᐄᐦᑕᒥᒡ ᐁ ᓂᔅᑲᒧᐧᑖᐤ ᐊᓂᔫ ᓂᔮᑲᓐ ᒉ ᐸᒋᐦᑎᓂᐧᑳᐤ ᐧᐄᐦᑕᒫᒉᐅᓯᓇᐦᐄᑲᓂᔫ ᐧᐄ ᐊᔨᒥᐧᑖᐧᐁᓂᒡ ᐅᑎᔨᒧᐧᐃᓇᐧᐋᐤ ᐁ ᐋᐸᒋᐦᑖᐧᑖᐤ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᐁ ᐊᔨᒥᐦᐄᑐᓈᓅᔨᒡ ᑲᑕ ᒥᔪᓈᑯᓂᔫ ᒉ ᒌ ᐃᐦᑕᑯᓂᔨᒡ ᐁᑎᑑ ᑯᐃᔅᒃ ᐁ ᐃᑌᔥᑕᒫᒑᓅᔨᒡ ᐊᓂᔫ ᑳ ᐊᐱᔨᑦ ᐊᓂᑌᐦ ᒉ ᒌ ᓂᓯᑐᐦᑕᒥᔨᒡ᙮[109] ᒉᐧᑳᔫᐦ ᐁᑎ ᐃᐦᑎᑯᐧᑳᐤᐦ ᐊᓂᑦᐦ ᐄᓈᐦᒡ ᐁ ᐃᑎᔅᑲᓀᓯᒥᑯᒡ ᐊᔨᒧᐧᐃᓐ ᐁ ᐊᔨᒥᓈᓅᒡ ᒣᐧᑳᒡ ᐁ ᓂᔥᑐᐧᐄᓈᓅᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ

ᐊᓂᒌ ᑳ ᒫᒨᐱᐧᑖᐤ ᐄᔑ ᐧᐋᐸᒣᐅᒡ ᐊᓂᔫᐦ ᑳ ᒫᒨᐱᔨᑦ ᐁ ᐧᐄ ᐋᐸᒋᐦᑖᔨᒡ ᐅᑎᔨᒧᐧᐃᓂᔫᐦ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᐁ ᐊᔨᒥᐦᐄᑑᓈᓅᔨᒡ ᒉ ᓂᐦᐄᐸᔨᐦᐄᑎᓱᔨᒡ ᐁ ᓅᓯᓀᐦᐊᒥᔨᒡ ᐊᓂᔫᐦ ᓇᓈᐦᑰ ᒉᐧᑳᔫᐦ ᐁ ᐄᔑ ᓂᑐᐧᐁᔨᐦᑖᑯᓂᔨᒡ ᒉ ᐃᐦᑑᑕᑲᓄᔨᒡ᙮  ᓂᔮᑲᓐ ᐁ ᓇᓂᐦᐄᐸᔨᐦᐊᑲᓅᒡ ᐃᑌᔥᑕᒫᒉᓲ ᒉ ᒌ ᐃᐦᑖᑦ ᑲᔦᐦ ᒉ ᒌ ᐃᑌᔥᑕᒫᒉᑦ ᐊᓂᔫ ᐊᔨᒧᐧᐃᓂᔫ ᐁ ᐋᐸᒋᐦᑖᑲᓄᔨᒡ, ᐊᐧᐁᓐ ᑳ ᐅᒋᒫᐅᐱᑦ ᑲᑕ ᐧᐄ ᐃᐦᑑᑕᒻ ᐅᔫᐦ:

• ᐧᐹᒧᔥ ᐁ ᐱᓯᑰᑦ ᐁ ᐊᔨᒥᑦ ᐊᓂᔫ ᐅᑎᔨᒧᐧᐃᓐ ᐁ ᐋᐸᒋᐦᑖᑦ, ᒉ ᒌ ᒪᓯᓇᐦᐊᒃ ᐊᓂᔫ ᐧᐋ ᐃᑌᑦ ᐁ ᐧᐁᒥᔥᑎᑯᔑᐅᔥᑌᔨᒡ ᓀᔥᑦ ᐁ ᐅᐱᔥᑎᑯᔮᔥᑌᔨᒡ ᑲᔦᐦ ᐊᓂᔫ ᐅᑎᔨᒧᐧᐃᓐ ᐁ ᐃᑎᔅᑳᓀᓯᒥᑯᓂᔨᒡ ᐁ ᐄᔑ ᒪᓯᓈᑌᔨᒡ᙮  ᐊᓐ ᒋᔐᐅᒋᒫᐱᑦ ᐊᓂᔫ ᑳ ᐋᔨᒨᑖᐦᒃ ᒉ ᒌ ᐊᔨᒥᐦᑖᑦ ᐁ ᐧᐁᒥᔥᑎᑯᔑᐅᐊᔨᒥᑖᑦ ᑲᔦᐦ ᐁ ᐅᐱᔥᑎᑯᔮᐅᐊᔨᒥᑖᑦ, ᐁ ᐋᐸᒋᐦᑖᑦ ᑯᑕᒃ ᐊᔨᒧᐧᐃᓂᔫ ᐁ ᓅᓯᐦᐊᒃ ᐃᔥᑯᑕᒃ ᓀᑐᐧᐁᔨᐦᑕᑯᓂᔨᑌ᙮
• ᐁ ᐱᓯᑰᑦ ᑲᔦᐦ ᐁᑎ ᐊᔨᒥᑦ ᐁᑳ ᐸᒋᐦᑎᓂᐦᑫ ᐄᓈᐦᒡ ᐁ ᐃᑕᔥᑌᔨᒡ ᐊᓂᔫ ᑳ ᐊᔨᒥᑦ᙮  ᑎᐧᐁᐦᒡ ᓂᑐᐧᐁᔨᐦᑖᑯᓂᔫ ᒉ ᒌ ᐧᐁᒥᔥᑎᑯᔒᐅᐊᔨᒥᐦᑖᑲᓅᔨᒡ ᑲᔦᐦ ᐁ ᐅᐱᔥᑯᔭᔨᒥᐦᑖᑲᓅᔨᒡ ᐊᓂᔫ ᑳ ᐊᔨᒥᑦ, ᑯᑕᒃ ᐊᔨᒧᐧᐃᓐ ᐁ ᓅᓯᐦᐊᑲᓅᒡ᙮  ᐁᑳ ᐸᒋᐦᑎᓂᐦᑫ ᐊᓂᔫ ᐄᓈᐦᒡ ᐁ ᐃᑕᔥᑌᔨᒡ, ᓂᑐᐧᐁᔨᐦᑖᑯᓂᔫ ᒉ ᒪᓯᓇᐦᐊᑲᓄᔨᒡ ᐊᓂᔫ ᑳ ᐊᔨᒥᑦ ᑲᔦᐦ ᒉ ᐃᑌᔥᑕᒫᑕᑲᓄᔨᒡ ᔮᐃᑌᐦ ᒉ ᒌ ᐃᐦᑕᑯᓂᔨᒡ ᐹᑎᒫᐦ ᐊᓂᑌᐦ ᑳ ᒌ ᐋᔓᐊᔨᒥᐦᐄᑐᓈᓅᔨᒡ ᑲᔦᐦ ᐊᓂᒌ ᒋᔐᐅᒋᒫᐅᐧᐋᔅᑳᐦᐄᑲᓐ ᐋᐸᒋᐦᐋᑲᓇᒡ ᑲᑕ ᐋᐸᑎᓰᔥᑕᒥᒡ᙮

ᐆ ᐁ ᐃᔅᐸᔨᒡ ᐁᑳ ᐃᐦᑖᑦ ᐄᓈᐦᒡ ᐁ ᐄᔑ ᐃᑌᔥᑕᒫᒉᑦ ᐊᐧᐁᓐ ᒉ ᒌ ᐃᑌᔥᑕᐦᒃ ᐄᓈᐦᒡ ᐁ ᐃᑎᔅᑳᓀᓰᒥᑯᓂᔨᒡ ᐊᔨᒧᐧᐃᓂᔫ, ᐊᓐ ᑳ ᒋᔐᐅᒋᒫᐱᑦ ᑲᑕ ᐧᐄ ᐃᐦᑑᑕᒻ ᐅᔫᐦ ᒉᐧᑳᔫ:

• ᐧᐹᒧᔥ ᐁ ᐱᓯᑰᑦ ᑲᔦ ᐁ ᐊᔨᒥᑦ ᐊᐧᐁᓐ ᐅᑎᔨᒧᐧᐃᓐ, ᑲᑕ ᐧᐄ ᒪᓯᓇᐦᐊᒻ ᐊᓂᔫ ᐧᐋ ᐃᑌᑦ ᐁ ᐧᐁᒥᔥᑎᑯᔑᐅᔥᑌᔨᒡ ᓀᔥᑦ ᐁ ᐅᐱᔥᑎᑯᔮᔥᑌᔨᒡ ᑲᔦᐦ ᐊᓂᔫ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓂᔫ ᑳ ᐋᐸᒋᐦᑖᑦ ᒉ ᒥᔨᔮᑦ ᐊᓂᔫ ᒪᓯᓇᐦᐄᒉᓲ ᐊᓂᑌᐦ ᒦᒋᓱᓈᐦᑎᑯᐦᒡ ᒉ ᒌ ᐃᑐᐦᑕᐧᐋᔨᒡ ᐊᓂᔫᐦ ᐃᑌᔥᑕᒫᒉᓲᐦ᙮  ᐆ ᒫᒃ ᐁ ᐃᔅᐸᔨᒡ, ᐊᓂᔫ ᐅᑎᔨᒧᐧᐃᓐ ᑏᐧᐁᐦᒡ ᑲᑕ ᐧᐁᒥᔥᑎᑯᔑᐅᐊᔨᒥᐦᑖᑲᓅᔫ ᑲᔦᐦ ᐅᐱᔥᑎᑯᔮᔨᒥᐦᑖᑲᓅᔫ᙮  ᐊᓂᒌ ᑳ ᒫᒨᐱᐧᑖᐤ ᐄᔑ ᓂᑐᐧᐁᔨᐦᑕᒥᒡ ᐊᓂᔫ ᑳ ᐧᐁᒥᔥᑎᑯᔒᐤ ᑲᔦᐦ/ᓀᔥᑦ ᐅᐱᔥᑎᑯᔮᐤ ᐃᑌᔥᑕᒫᑕᑲᓅᔨᒡ ᐁ ᒪᓯᓈᑌᔨᒡ ᒉ ᐊᔨᒥᐦᑖᔨᒡ ᐊᓂᔫᐦ ᐃᑌᔥᑕᒫᒉᓲᐦ᙮ ᐊᓂᒌ ᑳ ᒫᒨᐱᐧᑖᐤ ᒋᔅᒉᔨᐦᑕᒥᒡ ᐊᓐ ᐁ ᐄᔑ ᓂᑐᐧᐁᔨᐦᑖᑯᓯᔨᑦ ᐊᓂᔫᐦ ᐃᑌᔥᑕᒫᒉᓲᐦ ᒉ ᐧᐁᒥᔥᑎᑯᔒᐤ ᓀᔥᑦ ᐅᐱᔥᑎᑯᔮᐤ ᐃᑌᔥᑕᒫᑕᒥᔨᒡ ᐊᓂᑦᐦ ᐅᐦᒋ ᐊᔨᒧᐧᐃᓂᔫ ᐁᑳ ᑌᑲᔥ ᓂᓯᑐᐦᑕᒥᔨᒡ ᐁᑯᑦᐦ ᒉ ᓅᑯᓂᔨᒡ ᐁᑳ ᑯᐃᔅᒃ ᐄᔑ ᐃᐦᑑᑕᒥᔨᒡ ᐊᓂᔫ ᐁ ᐄᔑ ᓅᓯᓀᐦᐊᒥᔨᒡ ᐃᑎᔓᐧᐁᐧᐃᓂᔫ ᐊᓂᑌᐦ ᐃᑌᔥᑕᒫᒉᓲ ᐋᐸᑎᓰᐧᐃᓂᐦᒡ ᐁ ᐄᔑ ᑲᓇᐧᐁᔨᐦᑖᑯᓯᔨᒡ᙮  ᒥᒄ ᒫᒃ, ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᒉ ᒌ ᐃᔅᐸᔨᔨᒡ ᐊᓂᔫᐦ ᒉᐧᑳᔫᐦ ᐁ ᐅᔥᑖᐸᔨᔨᒡ ᐊᓂᑌᐦ ᐃᑌᔥᑕᒫᒉᓲ ᐁ ᐃᑖᐸᑎᓯᔨᔨᒡ᙮  ᐅᔫᐦ ᐁ ᐃᔅᐸᔨᐧᑳᐤᐦ, ᐊᓐ ᐃᑌᔥᑕᒫᒉᓲ ᑲᑕ ᒌ ᐊᔨᒨ ᐧᐹᒧᔥ ᐁ ᐊᔨᒥᑖᐧᐋᑦ ᐊᓂᔫᐦ ᐊᐧᐁᔫᐦ ᑳ ᒪᓯᓇᐦᐊᒥᔨᒡ ᐁ ᐧᐄᐦᑕᐦᒃ ᐁ ᐊᔨᒥᐦᑖᑦ ᑯᑕᒃ ᐊᐧᐁᔫ ᐁ ᒌ ᒪᓯᓇᐦᐊᒥᔨᑦ, ᑲᔦᐦ ᐁᑳ ᐧᐄ ᐊᓂᔫ ᐅᑎᔨᒧᐧᐃᓐ᙮[110]
• ᐁᑎ ᐱᓯᑰᑦ ᑲᔦ ᐁᑎ ᐊᔨᒥᑦ ᐅᑎᔨᒧᐧᐃᓐ ᐁ ᐋᐸᒋᐦᑖᑦ ᐁᑳ ᒫᒃ ᐅᐦᒋ ᐸᒋᐦᑎᓂᐦᒃ ᐁ ᒪᓯᓈᑌᔨᒡ ᐊᓂᔫ ᐧᐋ ᐃᑌᑦ ᒉᐧᑳᔫ᙮  ᓇᒧᐃ ᑏᐧᐁᐦᒡ ᑲᑕ ᐧᐁᒥᔥᑎᑯᔒᐤ ᑲᔦᐦ ᐅᐱᔥᑎᑯᔮᐤ ᐃᑌᔥᑕᒫᑕᑲᓅᔫ ᐊᓂᔫ ᑳ ᐋᔨᒨᑕᐦᒃ ᒉᐧᑳᔫ᙮  ᐊᐧᐁᓃᒋ ᐁ ᒫᒨᐱᐧᑖᐤ ᑲᑕ ᐧᐄ ᒋᔅᒉᔨᐦᑕᒥᒡ ᐊᓂᔫ ᑖᓐ ᑳ ᐄᔑ ᓂᑐᐧᐁᔨᐦᑕᒥᔨᒡ ᐊᓂᔫ ᑳ ᒫᒨᐱᔨᑦ, ᑳ ᐄᔑ ᐧᐄᐦᑕᒥᔨᒡ ᐊᓂᑌᐦ ᐃᔥᐱᒥᐦᒡ ᑳ ᒪᓯᓈᑌᒡ, ᐊᓂᔫ ᒥᓯᐧᐁ ᐊᐧᐁᓐ ᐁ ᐊᐱᑦ ᐊᓂᑦᐦ ᒋᔐᐅᒋᒫᓈᐦᒡ ᒉ ᒌ ᐃᐦᑑᑕᐦᒃ ᐁ ᐄᔑ ᓂᑐᐧᐁᔨᐦᑖᑯᓯᑦ ᒉ ᐃᐦᑑᑕᐦᒃ ᐧᐁᔅ ᒥᔥᑕᐦᐄ ᑖᐦᑯᐦᐆᑯᐧᐃᒡ ᐊᓂᒌ ᑯᑕᑲᒡ ᑳ ᒫᒨᐱᐧᑖᐤ ᐁᑲ ᓂᓯᑐᐦᐧᑖᑦ ᐊᓂᔫᐦ ᐁ ᐊᔨᒥᔨᑦ᙮  ᐊᓐ ᐁᑳ ᐸᒋᐦᑎᓂᐦᒃ ᐁ ᒪᓯᓈᑌᔨᒡ ᐊᓂᔫ ᐁ ᐃᑎᔅᑳᓀᓯᑦ ᐁ ᐄᔑ ᐊᔨᒥᑦ, ᐁᑯᑦᐦ ᒦᓐ ᐃᔮᑦ ᒉ ᒌ ᒪᓯᓇᐦᐊᑲᓄᔨᒡ ᑲᔦᐦ ᐁᑎ ᐃᑌᔥᑕᒫᑕᑲᓄᔨᒡ ᐊᓂᔫ ᒉᐧᑳᔫ ᑳ ᐋᔨᒨᑕᐦᒃ ᐹᑎᒫᐦ ᐊᓂᑌᐦ ᔮᐸᒡ ᒉ ᒌ ᐃᐦᑕᑯᓂᔨᒡ ᐁᑳ ᐁᑎᑑ ᐧᐹᔥᑑ ᐁᑎ ᒌᔥᑖᑲᓄᔨᒡ ᐁ ᓂᔥᑐᐧᐄᓈᓅᔨᒡ ᐊᓂᑌᐦ ᒋᔐᐅᒋᒫᓈᐦᒡ, ᐊᓂᑦᐦ ᐁ ᐋᔓᐊᔨᒥᐦᐄᑐᓈᓅᔨᒡ ᒉ ᒌ ᐃᐦᑕᑯᓂᔨᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᐁ ᐋᐸᑎᓰᔥᑕᑲᓅᔨᒡ ᐊᓂᔫ ᑳ ᐄᔑ ᐋᔨᒨᑕᐦᒃ ᒉᐧᑳᔫ᙮

ᒦᓐ ᒫᒃ ᐁᑎᑑ, ᐊᓂᒌ ᑳ ᒫᒨᐱᐧᑖᐤ ᐄᔑ ᐱᐦᑯᓯᔨᐦᑕᒥᒡ ᐁ ᐊᓂᔫ ᐁ ᐋᔨᒨᑕᒥᔨᒡ ᐊᓂᔫ ᐊᐧᐁᔫᐦ ᐁ ᐊᐱᔨᑦ ᐁ ᐱᓯᑰᔨᒡ ᐁ ᐊᔨᒥᔨᑦ ᐅᑎᔨᒧᐧᐃᓂᔫ ᐁ ᐋᐸᒋᐦᑖᔨᒡ ᒣᐧᑳᒡ ᐁ ᐋᔨᒥᐦᐄᑐᓈᓅᔨᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ, ᐁ ᐃᐦᑎᑯᓂᔨᒡ ᓀᔥᑦ ᐁᑳ ᐃᐦᑎᑯᓂᔨᒡ ᐁ ᐧᐁᒥᔥᑎᑯᔒᐤ ᑲᔦᐦ ᐅᐱᔥᑎᑯᔮᐤ ᐃᑌᔥᑕᒫᒉᐧᐃᓂᔫ, ᔮᐸᒡ ᒉ ᐸᒋᐦᑎᓈᑳᓅᒡ ᑲᔦᐦ ᒉ ᐄᔑ ᐱᒥᐸᔨᐦᑖᑲᓅᒡ᙮  ᐁᐅᒄ ᐁ ᐄᔑ ᐱᐦᑯᓯᔨᐦᑕᐧᑳᐤ ᐊᓂᒌ ᒫᒨᐱᐧᑖᐤ ᐁᑳ ᓈᔥᒡ ᒉ ᑲᐧᑫᒋᐦᑖᑲᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐁ ᐋᐸᒋᐦᑖᑲᓅᒡ ᐊᓂᑌᐦ ᒋᔐᐅᒋᒫᓈᐦᒡ ᐁ ᐊᔨᒥᓈᓅᒡ ᒉ ᒌ ᐃᐦᑑᑕᑲᓅᒡ ᒥᒄ ᑖᐃᔅᐸ ᐁ ᐃᔅᐸᔨᒡ᙮

ᐊᓂᒌ ᑳ ᒫᒨᐱᐧᑖᐤ ᐅᑎᓇᒥᒡ, ᐊᓂᔫ ᐁ ᐃᔅᐸᔨᔨᒡ, ᐋᑦ ᐁᑳ ᐄᔑ ᐲᐦᑌᐸᔨᒡ ᐊᓐ ᐊᐧᐁᓐ ᐅᑎᔨᒧᐧᐃᓐ ᑳ ᐄᔑ ᐊᔨᒥᑦ ᒣᐧᑳᒡ ᑲᐧᑫᒋᐦᒉᒧᐧᐃᓐ ᑎᐸᐦᐄᑲᓐ ᐃᐦᑎᑯᓂᔨᒉ, ᑲᐧᑫᒋᐦᒉᒧᐧᐃᓐᐦ ᑲᔦᐦ ᐁᑎ ᐊᔨᒥᑐᑕᑲᓅᒡ, ᑲᔦᐦ ᑯᑕᒃᐦ ᐁᑳ ᓈᔥᒡ ᐃᔮᐱᑌᔨᐦᑖᑯᐧᑳᐤ ᒉᐧᑳᔫ ᐁ ᐋᔨᒨᑕᑲᓅᐧᑳᐤᐦ ᐊᓂᑌᐦ ᒋᔐᐅᒋᒫᓈᐦᒡ, ᐊᓂᔫ ᐅᐦᒋ ᐁᑳ ᐅᐦᒋ ᓂᓯᑐᐦᐧᑖᑲᓅᒡ ᑳ ᐊᔨᒥᑦ ᔖᔥ ᐁ ᐹᔥᒋᐸᔨᔨᒡ ᑎᐸᐦᐄᑲᓐ᙮

• ᐄᓈᐦᒡ ᐁ ᐃᑎᔅᑳᓀᓯᒥᐧᑳᐤ ᐊᔨᒧᐧᐃᓐᐦ ᐁ ᐋᐸᒋᐦᑖᑲᓅᐧᑳᐤᐦ ᐊᓂᑌᐦ ᐁ ᐊᔨᒥᐦᐄᑐᓈᓅᒡ: ᐁ ᒪᓯᓇᐦᐊᑲᓅᒡ ᒉ ᒌ ᐃᐦᑎᑯᐧᑳᐤᐦ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ

ᐊᓂᒌ ᑳ ᒫᒨᐱᐧᑖᐤ ᒌ ᐧᐄᐦᑕᒥᒡ ᐁ ᒪᓯᓈᑌᔨᒡ ᐊᓂᔫ ᐄᓈᐦᒡ ᐊᔨᒧᐧᐃᓂᔫ ᑳ ᐄᔑ ᐊᔨᒥᓈᓅᔨᒡ ᐊᓂᑌᐦ ᒋᔐᐅᒋᒫᓈᐦᒡ ᒉ ᒌ ᐃᐦᑎᑯᓂᔨᒡ ᐹᑎᒫ, ᒥᒄ ᒫᒃ ᓇᒧᐃ ᐅᔅᑌᐦ ᐧᐹᔥᑑ ᐁᑎ ᒌᔥᑖᑲᓅᒡ ᐊᓐ ᐁ ᒫᒨᐊᔨᒥᐦᐄᑐᓈᓅᒡ ᐊᓂᑌᐦ ᒋᔐᐅᒋᒫᓈᐦᒡ, ᒉ ᐃᑌᔥᑕᒫᑕᑲᓅᒡ ᐧᐁᒥᔥᑎᑯᔒᐅᐊᔨᒧᐧᐃᓐ ᑲᔦᐦ ᐅᐱᔥᑎᑯᔮᐅᐊᔨᒧᐧᐃᓐ ᐁ ᐃᑎᓯᓇᐦᐊᑲᓅᒡ ᐊᓂᑌᐦ ᐄᔑ ᐁ ᐋᔓᐊᔨᒥᐦᐄᑐᓈᓅᒡ (ᐦᐊᓐᓴᕐᑦ) ᐊᓂᑦᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ, ᔮᐃᑌᐦ ᑖᐱᔥᑯᓐ ᐊᔨᒧᐧᐃᓐᐦ ᒉ ᐋᐸᑎᐧᑳᐤ ᐊᓐ ᐊᔨᒧᐧᐃᓐ ᑳ ᒉᔥᑎᓈᔥᑌᒡ ᐁ ᐋᐸᑎᐦᒡ᙮  ᐊᓂᒌ ᑳ ᐊᐧᐁᓂᒌ ᑳ ᐊᐱᐧᑖᐤ ᑲᑕ ᒌ ᓂᑐᐧᐁᔨᐦᑕᒥᒡ ᐧᐄ ᑎᐱᐧᐁᐅᓰᑕᐧᐋᓂᒡ ᐊᓂᔫ ᐅᑕᔨᒧᐧᐃᓇᐧᐋᐤ ᐱᑎᒫ ᑲᑕ ᑲᐧᑫᒋᒣᐅᒡ ᐊᓂᔫ ᒋᔐᐅᒋᒫᐅᓯᓇᐦᐄᑲᓐᐦ ᑳ ᓇᓈᑲᒋᐦᑖᔨᒡ, ᑲᑕ ᒌ ᐃᑎᔕᐦᐊᒧᐧᐋᑲᓅᐧᐃᒡ ᐊᓂᔫ ᐁ ᒪᓯᓈᑌᔨᒡ ᑳ ᐊᔨᒥᐧᑖᐤ ᐁᑎᑑ ᒉ ᒌ ᒋᔑᐸᔨᔨᒡ ᐁ ᐧᐄ ᐃᔮᐧᑖᐤ ᑲᔦᐦ ᐁ ᐧᐄ ᐊᔑᑎᓂᐧᑳᐤ ᐊᓂᑌᐦ ᐄᔑ ᐁ ᐋᔓᐊᔨᒥᐦᐄᑐᓈᓅᔨᒡ (ᐦᐊᓐᓴᕐᑦ)᙮

ᒥᒄ ᒫᒃ, ᐃᐦᑕᑯᑌ ᐁ ᐋᔨᒥᐸᔨᒡ ᒉᐧᑳᓐ ᓀᔥᑦ ᐁ ᐧᐹᔥᑑᐸᔨᒡ ᐁ ᐅᔑᐦᑖᑲᓅᐧᑳᐤᐦ ᐅᔫᐦ ᐁ ᒉᔥᑎᓈᔥᑌᐧᑳᐤᐦ ᒪᓯᓇᐦᐄᑲᓐᐦ ᐊᓂᑌᐦ ᒋᔐᐅᒋᒫᓈᐦᒡ, ᐊᓂᒌ ᑳ ᒫᒨᐱᐧᑖᐤ ᐄᔑ ᑖᐧᐯᒉᔨᒣᐅᒡ ᐊᓂᔫᐦ ᒋᔐᐅᒋᒫᐅᐧᐋᔅᑳᐦᐄᑲᓐ ᐁ ᐋᐸᑎᓰᔥᑕᑲᓅᔨᒡ ᒉ ᒌ ᒥᔅᑲᒥᔨᑦ ᑖᓐ ᒉ ᐃᔑᑳᐴᔥᑕᒥᔨᒡ ᐅᔫ ᑳ ᐧᐃᔦᔨᐦᑎᐧᑳᐤ ᑲᔦᐦ ᑳᐤ ᒉ ᒋᔅᒉᔨᐦᑕᒥᐦᐄᑯᐧᑖᐤ ᐹᑎᒫ ᐃᔥᑯᑕᒃ ᐃᔮᔨᑌᓂᐦᐄ ᑖᓐ ᒉ ᐄᔑ ᓂᐦᐄᐸᔨᑖᔨᒡ᙮

• ᑯᑕᒃᐦ ᒉᐧᑳᔫᐦ

ᑯᑕᒃᐦ ᐊᔨᒧᐧᐃᓐᐦ ᐁ ᐄᔑ ᐊᔑᒋᐸᔨᐧᑳᐤ ᐃᑌᔥᑕᒫᒉᐧᐃᓂᐦᒡ: ᐯᔭᒄ ᐊᔨᒧᐧᐃᓐ ᐁ ᐃᑌᔥᑕᒫᒑᓅᒡ ᒦᓐ ᑯᑕᒃ ᐊᔨᒧᐧᐃᓐᐦ ᐁᑎ ᐊᔑᒋᐸᔨᐧᑳᐤ, ᐊᓂᔫᐦ ᐊᔨᒧᐧᐃᓐᐦ ᐋᔅᑰ ᐃᔑᓈᑯᓐ ᒉ ᒌ ᓅᓯᐦᐊᑲᓅᐧᑳᐤ᙮  ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐁ ᐃᐦᑕᑯᓂᔨᒡ ᑲᔦᐦ ᐁᑳ ᐃᔥᐱᔥ ᒥᓯᐧᐁ ᐃᑌᔥᑕᒫᒑᓅᒡ ᐊᓐ ᐊᔨᒧᐧᐃᓐ ᐊᓐ ᐁ ᓅᓯᐦᐊᑲᓅᐧᑳᐤ ᑯᑕᒃᐦ ᐊᔨᒧᐧᐃᓐ ᒣᐧᑳᒡ ᐊᓂᑦᐦ ᓂᐦᐋᐤ ᐁ ᐃᑌᔥᑕᒫᒑᓅᒡ᙮ ᒥᒄ ᒫᒃ, ᑌᐱᒉᔨᒥᑎᓲ ᐁ ᒌ ᐄᔑ ᐧᐃᔦᔨᐦᑕᒃ, ᐊᓂᑦᐦ ᐁ ᓂᑐᐧᐁᔨᐦᑖᑯᓂᔨᒡ, ᑯᑕᒃᐦ ᐊᔨᒧᐧᐃᓐ ᐁ ᓅᓯᐦᐊᑲᓅᐧᑳᐤ ᒉ ᒌ ᐋᐸᑎᐧᑳᐤ ᐄᓈᐦᒡ ᐁ ᐄᔑ ᐋᐸᒋᐦᑖᑲᓅᒡ ᐊᔨᒧᐧᐃᓐ ᐊᓂᑌᐦ ᒉ ᒌ ᐄᔑ ᐧᐁᒥᔥᑎᑯᔒᐤ ᑲᔦᐦ ᐅᐱᔥᑎᑯᔮᐤ ᐃᑌᔥᑕᒫᒑᓅᐧᑳᐤᐦ ᐊᓐ ᑳ ᐅᑎᔨᒧᐧᐃᓐ ᑳ ᐸᒋᐦᑎᓂᐦᒃ ᐊᐧᐁᓐ ᑲᔦᐦ ᒉᐧᑳᓐ ᐊᔨᒥᑐᑕᑲᓅᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ᙮

ᓈᐯᐅᒑᐦᑯᒫᓐᐦ ᐁ ᐋᐸᑎᐦᐧᑳᐤᐦ ᐁ ᐃᑌᔥᑕᒫᒑᓅᒡ: ᐊᓂᒌ ᐋᐸᒋᐦᐋᑲᓇᒡ ᐊᓂᑌᐦ ᐃᑌᔥᑕᒫᒉᐅᑲᒥᒄ ᒌ ᐧᐄᐦᑕᒧᐧᐁᒡ ᐊᓂᔫ ᑳ ᒫᒨᐱᔥᑖᒥᔨᒡ ᐊᓂᔫ ᐁ ᐃᐦᑕᑯᓂᔨᒡ ᑲᔦᐦ ᐁᑎ ᓈᓂᑐᒋᔅᒉᔨᐦᑕᐧᑳᐤ ᓈᐯᐅᒑᐦᑯᒫᓐᐦ ᐁ ᐋᐸᑎᓂᔨᒡ ᐁ ᐃᑌᔥᑕᒫᒑᓄᔨᒡ᙮  ᐊᓅᐦᒡ, ᐊᓂᔫᐦ ᓃᔓ ᒉᐧᑳᔫᐦ ᐁ ᐄᔑ ᐅᐧᐁᔑᐯᔨᐦᑕᒥᐦᐄᑯᐧᑖᐤ ᐁᐅᑯᔫ ᐊᓂᔫ ᐁ ᐄᔑ ᒌᐦᑳᐧᐁᐸᔨᔨᒡ ᐁ ᐯᐦᑖᑯᓂᔨᒡ ᑲᔦᐦ ᐊᓐ ᒉ ᐃᔥᐱᔥ ᑎᐱᓀᐸᔨᒡ ᐁ ᐯᐦᑖᑯᒡ, ᐃᔅᐸᔨᔫ ᒉ ᒌ ᒋᐱᐦᒋᐸᔨᒡ ᑲᔦᐦ ᒉ ᐧᐊᓇᒋᐦᑖᒉᐸᔨᒡ ᐊᓂᑦᐦ ᐅᐦᒋ ᐯᐦᑖᑯᒡ ᐁᑳ ᒉ ᐯᐦᑖᑯᓯᐧᑖᐤ ᐊᓂᒌ ᐃᑌᔥᑕᒫᒉᓲᒡ ᑲᔦᐦ ᐊᓂᒌ ᑳ ᓂᑐᐦᑖᐧᑳᐤ ᐁᑳ ᒉ ᐯᐦᑕᐧᐋᐧᑖᐤ ᐊᓂᔫᐦ ᑳ ᐃᑌᔥᑕᒫᒉᔨᑦ᙮[111] ᐊᓐ ᑮᐸ ᐁ ᐃᔅᐸᔨᒡ, ᐊᓂᒌ ᑳ ᒫᒨᐱᐧᑖᐤ ᓇᒧᐃ ᓂᐦᐁᔨᐦᑕᒥᒡ ᐊᓂᔫᐦ ᓈᐯᐅᒑᐦᑯᒫᓐᐦ ᒉ ᐋᐸᑎᓂᔨᒡ ᐁ ᐃᑌᔥᑕᒫᒑᓅᔨᒡ ᐹᔅᑳᓐ ᐊᓂᒌ ᐃᑌᔥᑕᒫᒉᐅᑲᒥᑯᒡ ᑖᐧᐯᒉᔨᐦᑕᑲᐧᐋᓂᒌ ᐊᓂᔫ ᒉ ᒌ ᐋᐸᑎᓂᔨᒡ᙮  ᒥᒄ ᒫᒃ, ᐊᓂᒌ ᑳ ᒫᒨᐱᐧᑖᐤ, ᐄᔑ ᑖᐧᐯᒉᔨᐦᑕᒥᒡ ᐁᑎᑑ ᒉ ᐊᑕ ᒥᔪᐸᔨᔨᒡ ᐁ ᐧᐊᐧᐁᔑᐦᑖᑲᓅᑌ, ᑲᑕ ᐃᔑᓈᑯᒡ ᒉᒃ ᐁᑳ ᓈᔥᒡ ᒉ ᐋᔨᒥᑕᒋᐦᑖᑯᒡ ᑲᔦᐦ ᐁᑳ ᒉ ᐧᐊᓇᒋᐦᐄᑯᐧᑖᐤ ᐊᓂᒌ ᑳ ᐃᑌᔥᑕᒧᐧᐋᑲᓅᐧᑖᐤ ᐊᐧᐁᓂᒌ᙮  ᐁᑯᐦ ᒫᒃ, ᐊᓂᒌ ᑳ ᒫᒨᐱᐧᑖᐤ ᒌ ᐄᔑ ᐧᐃᔦᔨᐦᑕᒥᒡ ᐁᑎᑑ ᒉ ᓈᓂᑐᐧᐁᔨᐦᑕᒥᔨᒡ ᐊᓂᔫ ᐃᑌᔥᑕᒫᒉᐅᑲᒥᒄ ᒉᐧᑳᔫᐦ ᒉ ᒌ ᐄᔑ ᒥᔪᐸᔨᔨᒡ ᐆᔫ ᓈᐯᐅᒑᐦᑯᒫᓐ ᐁ ᐋᐸᑎᓂᔨᒡᐦ᙮

ᐁ ᑎᐱᐃᐦᑖᐧᑖᐤ ᑲᔦᐦ ᐁ ᐄᔑ ᑌᐱᒉᔨᐦᑖᑯᓯᐧᑖᐤ ᐃᑌᔥᑕᒫᒉᓲᒡ: ᒣᐧᑳᒡ ᑳ ᓈᓂᑐᒋᔅᒉᔨᐦᑕᐧᑳᐤ, ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐊᓂᔫᐦ, ᑖᐱᔥᑯᓐ ᐁ ᓃᔓᐧᑖᐤ ᐁ ᑲᓇᐧᐋᐸᒫᑲᓅᐧᑖᐤ ᐊᓂᒌ ᐃᑌᔥᑕᒫᒉᓲᒡ ᐁ ᐊᔨᒥᐧᑖᐤ ᐁ ᐃᑌᔥᒫᒉᐧᑖᐤ ᑲᔦᐦ ᐊᓂᒌ ᐁ ᐃᑌᔥᑕᒫᑕᐦᐧᑳᐤᐦ ᒪᓯᓇᐦᐄᒉᓲᒡ ᐊᓂᔫ ᐁ ᐧᐁᒥᔥᑎᑯᔒᐤ ᑲᔦ ᐁ ᐅᐱᔥᑎᑯᔮᐤ ᐊᔨᒧᐧᐃᓂᐦᒡ ᐁ ᐄᔑ ᐃᑌᔥᑕᐦᐧᑳᐤ, ᐅᔅᑌᐦ ᑕᐧᑳᔓᐧᐃᒡ ᐊᓂᒌ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓐ ᐁ ᐃᑌᔥᑕᒫᑕᐦᐧᑳᐤ, ᐁᑯᑦᐦ ᒫᒃ ᐧᐁᐦᒋ ᐃᐦᑕᑯᒡ ᐁᑲ ᐃᐦᑖᑦ ᐊᐧᐁᓐ ᐋᔅᑰ᙮  ᑖᐱᔥᑯᒡ ᐊᓐ ᐅᐦᒋ, ᐊᓂᒌ ᑳ ᒫᒨᐱᐧᑖᐤ ᒌ ᐯᐦᑕᒥᒡ ᐊᓂᔫ, ᐊᓂᑌᐦ ᐅᑖᐦᒡ, ᐊᓐ ᐃᑌᔥᑕᒫᒉᐅᑲᒥᒄ ᐁ ᒌ ᐋᔨᒥᐦᐆᑦ ᐁ ᓈᓂᑐᐧᐋᐸᒫᑦ ᐃᑌᔥᑕᒫᒉᓲᐦ ᐁ ᐃᔮᔨᑦ ᐊᓂᔫ ᑲᔅᒋᐦᐅᐧᐃᓂᔫ ᒉ ᒌ ᐃᑖᐸᑎᓯᔨᒡ ᐊᓂᑌᐦ ᒋᔐᐅᒋᒫᓈᐦᒡ ᐄᓈᐦᒡ ᐁ ᐄᔑ ᐃᑌᔥᑕᒫᑕᒥᔨᒡ ᐊᔨᒧᐧᐃᓐᐦ, ᒥᒄ ᐊᓂᔫ ᐃᓄᑯᑎᑑᒡ ᒌ ᐃᐦᑖᔫ᙮[112] ᒦᓐ ᒫᒃ, ᐊᓅᐦᒡ ᐁᑳ ᐃᐦᑖᐧᑖᐤ ᐊᓂᒌ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐃᑌᔥᑕᒫᒉᓲᒡ ᐁ ᐃᔮᐧᑖᐤ ᒪᓯᓇᐦᐄᑲᓂᔓ ᐊᓂᑌᐦ ᐅᐦᒋ ᑳᓇᑖᐦ ᐃᑌᔥᑕᒫᒉᐧᐃᓐ, ᐊᔨᒧᐧᐃᓂᔫ ᑳ ᔖᐳᓂᐦᐧᑳᐤ ᑲᔦᐦ ᐁ ᐃᑌᔥᑕᒫᒉᐧᑖᐤ ᑳ ᒫᒨᐱᔥᑕᐦᐧᑳᐤ᙮

ᐊᓂᒌ ᑳ ᒫᒨᐱᐧᑖᐤ ᐄᔑ ᑌᐱᒉᔨᒨ ᐊᓂᔫ, ᒋᔐᐅᒋᒫᓈᐦᒡ ᐁ ᐅᐦᒋ ᐧᐄᒋᐦᐄᐧᐁᑦ ᒉ ᒌ ᐃᐦᑕᑯᓂᔨᒡ ᐁᑎ ᓅᓯᓀᐦᐊᑲᓅᔨᒡ, ᒋᔐᓀ ᐁ ᓂᑐᐧᐁᔨᐦᑖᑯᓯᐧᑖᐤ ᐊᓂᒌ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓐ ᐃᑌᔥᑕᒫᒉᓲ ᑲᔦᐦ ᑳ ᐃᑌᔥᑕᒫᑕᐦᐧᑳᐤ ᒪᓯᓇᐦᐄᒉᓲᒡ, ᐊᓐ ᐃᑌᔥᑕᒫᐅᑲᒥᒄ ᑲᑕ ᐃᐦᑑᑕᒻ ᒉ ᓈᓂᑑᐧᐄᒋᐋᐸᑎᓰᒫᑦ ᐊᓂᔫ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐄᐦᑖᐧᐃᓐᐦ ᑲᔦᐦ ᐊᓂᔫ ᓇᓈᐦᑰ ᐋᐸᑎᓰᐧᐃᓂᐦᒡ ᐁ ᐋᐸᑎᓰᔥᑕᑲᓅᐧᑳᐤᐦ ᒉ ᒌ ᐃᔅᑯᐸᔨᔨᒡ ᐊᓐ ᐃᑌᔥᑕᒫᒉᐧᐃᓐ ᑲᔦᐦ ᐁ ᐃᑌᔥᑕᒫᑕᑲᓅᒡ ᐁ ᒪᓯᓇᐦᐊᑲᓅᒡ ᐊᓂᑌᐦ ᐄᔑ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ᙮

ᒉᐧᑳᔫᐦ ᐁ ᐅᔥᑖᐸᔨᐧᑳᐤ ᐊᓂᑦᐦ ᐅᐦᒋ ᐁ ᐃᔑᓈᑯᒡ ᐊᓂᔫᐦ ᐁ ᐃᑖᐸᑎᐧᑳᐤᐦ ᓈᐯᐅᒑᐦᑯᒫᓐᐦ:  ᐊᓂᒌ ᑳ ᒫᒨᐱᐧᑖᐤ ᒌ ᐧᐄᐦᑕᒧᐧᐋᑲᓅᐧᐃᒡ ᐊᓂᔫᐦ ᐃᑌᔥᑕᒫᒉᓲ ᐁ ᐲᐦᑕᐦᐧᐋᑲᓅᑦ ᐃᑌᔥᑕᒫᒉᓲᑲᒥᑯᔑᔫ ᑲᑕ ᒌ ᐃᐦᑕᑯᓐᐦ ᐊᓂᑌᐦ ᑯᑕᒃᐦ ᐁ ᐱᔅᒑᐧᑳᐤ ᐁ ᓂᔥᑐᐧᐄᓈᓅᒡ ᑲᔦᐦ ᐊᓐ ᐋᔥᑕᒦᐦᑳᓐ ᑳ ᐅᔑᐦᑖᑲᓅᒡ ᐊᓐ ᓇᑲᐯᐦᐊᓅᑖᐦᒡ ᐁ ᐱᔅᒑᐦᑦ ᒌ ᐃᐦᑕᑯᓐ ᔖᔥ ᓂᔥᑐ ᐁ ᐃᑐᐦᑕᐧᑳᐤᐦ ᐊᓂᔫ ᐃᑌᔥᑕᒫᒉᓲᑲᒥᑯᔥ᙮  ᒥᒄ ᒫᒃ, ᐊᓐ ᐁ ᐃᔑᓈᑯᒡ ᐊᓂᒌᔥ ᐊᓂᑌᐦ ᐁ ᐱᔅᒑᐧᑳᐤ ᐊᓂᑦᐦ ᒋᔐᐅᒫᐅᐧᐋᔅᑳᐦᐄᑲᓂᐦᒡ ᒥᒄ ᓃᔓ ᐃᑌᔥᑕᒫᒉᓲᑲᒥᑯᔥ ᐁ ᑌᐱᐦᑕᐧᑳᐤᐦ᙮  ᐊᓐ ᐁ ᐃᔅᐸᔨᒡ, ᐊᓂᒌ ᑳ ᒫᒨᐱᐧᑖᐤ ᓂᓯᑐᐦᑕᒥᒡ ᐊᓂᔫᐦ ᒋᔐᐅᒋᒫᓈᐦᒡ ᑳ ᐋᐸᑎᓰᔥᑕᒥᔨᒡ ᑲᔦᐦ ᑯᐃᔅᒃ ᒉ ᒌ ᑲᓇᐧᐋᐸᐦᑕᒥᔨᒡ ᐊᓂᔫ ᒨᔥ ᒉ ᒌ ᐃᐦᑖᔨᑯᐳᓀᐦᐄ ᐃᑌᔥᑕᒫᒉᓲ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐁ ᐃᑌᔥᑕᒫᑕᒉᔨᒡ ᐊᓂᑌᐦ ᐄᔑ ᐧᐁᒥᔥᑎᑯᔑᐤ ᑲᔦᐦ ᐅᐱᔥᑎᑯᔮᐤ ᐊᔨᒧᐧᐃᓂᐦᒡ ᐊᓂᑦᐦ ᐊᓂᒌᔥ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ᙮

• ᐊᐧᐁᓂᒌ ᑳ ᒋᔐᐅᒋᒫᐱᐧᑖᐤ ᒪᓯᓇᐦᐄᒉᐅᑲᒥᒄ ᔔᔮᓐ

ᒣᐧᑳᒡ ᑳ ᓅᑯᐦᐄᓲᑦ ᐊᓂᑌᐦ ᐁ ᒫᒨᐱᓈᓅᔨᒡ, ᓈᐯᐦᒡ ᓵᑲᓈᔥ ᒌ ᐋᔨᒨᑕᒻ ᐊᓂᔫ ᐁ ᐃᔥᐱᔥ ᑎᐸᐦᐄᒑᓄᔨᒡ ᔔᔮᓐᐦ ᐁ ᐃᔥᐱᔥ ᐃᔅᐸᔨᔨᒡ ᐊᓂᑦᐦ ᐅᐦᒋ ᑳ ᒋᔐᐅᒋᒫᐱᐧᑖᐤ ᒪᓯᓇᐦᐄᒉᐅᑲᒥᑯᐦᒡ ᐅᔔᔮᓇᒥᐧᐋᐤᐦ ᒋᐸᐦ ᐅᐦᒋᐸᔨᔫ ᐊᓂᑦᐦ ᐁ ᑎᐸᐦᐄᑳᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐁ ᐋᐸᑎᐦᒡ ᓇᒧᐃ ᒫᔥᑯᒡ ᑲᑕ ᓂᔅᑲᒨᓈᓅ ᐊᓐ ᑳ ᒋᔐᐅᒋᒫᐱᐧᑖᐤ ᐧᐄᔓᐧᐁᐧᐃᓐ ᐅᐦᒋ ᐁ ᒪᓯᓈᑌᒡ᙮[113] ᐊᓂᒌ ᑳ ᒫᒨᐱᐧᑖᐤ ᒌ ᐄᔑ ᐧᐋᐸᐦᑕᒥᒡ ᐊᓂᔫ ᑳ ᒫᒨᐱᐧᑖᐤ ᐁ ᐃᔥᐱᔥ ᐃᔅᐸᔨᒡ ᔔᔮᓐ ᐊᓂᑦᐦ ᐁ ᑖᑲᐦᐄᒉᐸᔨᒡ ᐊᓐ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᐁ ᐋᐸᑎᐦᒡ ᒉ ᒌ ᓂᔅᑲᒧᐧᐃᓈᓅᒡ, ᐁ ᐄᔑ ᐃᐦᑕᑯᓂᔨᒡ ᐊᓂᔫ ᐁ ᐃᐦᑑᑕᑲᓄᔨᒡ ᒋᔐᐅᒋᒫᐤ ᐃᔨᐦᑐᐧᐃᓐᐦ ᑲᔦᐦ ᐋᐸᑎᓰᐧᐃᓐᐦ᙮

ᐁᐅᑯᔫ ᒫᒃ ᐅᔫ, ᐊᓂᒌ ᑳ ᒫᒨᐱᐧᑖᐤ ᒫᒨ ᒌ ᐄᔑ ᐧᐃᔦᔨᐦᑕᒥᒡ

ᐊᓂᔫᐦ ᑳ ᐊᐱᔥᑕᒥᔨᒡ ᐲᐦᑕᑲᒥᐦᒡ ᐋᐸᑎᓰᐧᐃᓐᐦ ᒉ ᒌ ᓈᓂᑐᒋᔅᒉᔨᐦᑕᒥᔨᒡ ᑲᔦᐦ ᒉ ᑲᓇᐧᐋᐸᐦᑕᒥᔨᒡ ᐊᓂᔫ ᐁ ᑎᐸᐦᐊᒧᐧᐋᑲᓅᐧᑖᐤ ᐊᓂᒌ ᑳ ᐧᐄᒋᐦᐃᐧᐁᐧᑖᐤ ᐁ ᐋᐸᑎᓰᔥᑕᑲᓄᔨᒡ ᐅᔫ ᐄᓈᐦᒡ ᐁ ᐃᑎᔅᑳᓀᓯᒥᑯᓂᔨᒡ ᐊᔨᒧᐧᐃᓐ ᐁ ᐋᐸᑎᐦᒡ ᐊᓂᑌᐦ ᒋᔐᐅᒋᒫᐤ ᐃᔨᐦᑑᐧᐃᓂᐦᒡ ᑲᔦᐦ ᐋᐸᑎᓯᐧᐃᓂᐦᒡ ᐊᓂᑦᐦ ᐅᐦᒋ ᑳ ᒫᒨᐱᐧᑖᐤ ᐅᔔᔮᓇᒥᐧᐋᐤᐦ ᐁ ᐅᐦᒋᐸᔨᔨᒡ ᑲᔦᐦ ᐁ ᓂᔅᑲᒧᐧᑖᐤ ᐊᓂᑌᐦ ᐄᔑ ᑳ ᒫᒨᐱᐧᑖᐤ ᐧᐄᔓᐧᐁᐧᐃᓂᐦᒡ᙮

• ᒦᓐ ᐁ ᑲᓇᐧᐋᐸᐦᑕᑲᓅᒡ

ᐁᑳ ᐃᐦᑕᑯᒡ ᐋᐦᒌᐅᐦ ᐁ ᐃᑌᔨᐦᑕᑲᓅᒡ ᐊᓂᑌᐦ ᐁ ᒫᒨᐱᓈᓅᒡ ᐧᐄᐸᒡ ᒦᓐ ᒉ ᒌ ᑲᓇᐧᐋᐸᐦᑕᑲᓅᒡ ᐊᓐ ᐁᑎ ᐃᔅᐸᔨᒡ ᐁ ᒌᐦᑳᔮᐸᐦᑕᑲᓅᒡ ᐄᓈᐦᒡ ᐁ ᐃᑎᔅᑳᓀᓯᒥᑯᒡ ᐊᔨᒧᐧᐃᓐ ᒉ ᒌ ᐋᐸᑎᐦᒡ ᐊᓂᑌᐦ ᒋᔐᐅᒋᒫᐅᐧᐋᔅᑳᐦᐄᑲᓂᐦᒡ ᓀᔥᑦ ᐁᑎ ᒥᔪᐸᔨᐦᑖᑲᓅᐧᑳᐤ ᒉᐧᑳᔫᐦ ᐊᓐ ᐁ ᐱᒥᐸᔨᐦᑖᑲᓅᒡ, ᐊᓂᒌ ᑳ ᒫᒨᐱᐧᑖᐤ ᒋᐸᐦ ᐋᐸᑎᓰᔥᑕᒥᒻ ᐊᓂᔫ ᒦᓐ ᐁ ᑲᓇᐧᐋᐸᐦᑕᑲᓄᔨᒡ ᐁ ᐱᒥᐸᔨᐦᑖᑲᓄᔨᒡ ᐃᔥᑯᑕᒃ ᓂᔮᔫᐳᓐᐦ 5 ᐁ ᐄᔑ ᐃᔮᑦ ᐁ ᐃᑖᐸᑎᓰᔨᒡ ᐊᓂᔫ ᒣᐧᑳᒡ ᐁ ᐱᒥᐸᔨᔨᒡ᙮

---

 

 

ᐁ ᒫᒨᐧᐄᐧᑖᐤ ᐊᐧᐁᓂᒌᒡ ᑲᔦᐦ ᐁ ᐸᐯᔭᑯᐱᐧᑖᐤ	ᐁ ᐄᔑ ᒋᔅᐧᑫᓯᑦ	ᐁ ᓂᔥᑐᐧᐄᓇᓄᐧᐃᒡ
ᐧᕌᐅᒦᔪ ᓵᑲᓈᔥ, député, ᐊᐱᑎᐲ-ᐯᐃ-ᒉᐃᒥᔅ-ᓅᓈᕕᒃ-ᐄᔨᔫᒡ	2018/03/20	93
ᒋᔐᐅᒋᒪᐅᑲᒥᑯᐦᒡ ᐋᓐᑕᕃᐃ ᑲᓂᔭᐅ, ᐆᒋᒫᔥ ᑳ ᐅᐦᒋ ᑕᐦᒋᑯᐧᐋᑦ, ᐁ ᐃᔅᐸᔨᒡ ᒉᐧᑳᓐ ᒑᕐᓕᔅ ᐧᕌᐸᕐᑦ, ᐆᒌᒫᔥ ᒋᔐᐅᒋᒪᐅᑲᒥᑯᐦᒡ
ᐧᒑᕐᒌᓈ ᒎᓕᐴᐧᐋ, députée, ᑌᔅᓀᕞ-ᒥᔅᓰᓂᐲ-ᒋᕐᒋᐦᐁᓪ ᓰᐲ	2018/03/22	94
ᐧᕌᐱᕐᑦ-ᕙᓪᑭᓐ, ᐆᓓᑦ, députée, ᐧᐃᓂᐯᒃ ᒪᓯᓇᐦᐄᒉᐅᑲᒥᒄ
ᒋᔐᐆᒋᒫᐤ ᓭᕐᒡ ᐧᒑᐃᔭᓪ, ᒋᔐᐆᒋᒫᐤ	2018/03/27	95
ᒋᔅᒉᐆᒋᒫᐤ ᑌᓂᔥ ᑲᓓᓐ ᐹᑎᕐᓯᓐ
ᒋᔐᐆᒋᒫᐤ ᒋᐧᐁᑕᓄᑕᐦᒡ ᓂᑳᐯᐦᓐ ᐋᔅᒌ ᑖᓃᔦᓪ ᒫᒋᕐ, ᐋᐸᒋᐦᐋᑲᓐ ᐅᐦᒋ ᐄᑕᐧᐃᓐᐦ ᐁ ᐄᔑ ᑳᓇᐧᐋᐸᐦᑕᑲᓄᐧᐃᒡ ᑲᔦᐦ ᐁ ᐄᔑ ᐊᔨᒥᐦᐄᑑᓇᐧᓂᒡ
ᒋᔐᐆᒋᒫᐤ ᔫᐧᑳᓐ ᕙᐧᓛᐃᑦ ᒫᒃᐧᑳᕐᒥᒃ, ᐆᒋᒫᔥ ᐁ ᓂᔥᑑᐧᐄᓇᓄᐧᐃᒡ
ᒋᔐᐆᒋᒫᐤ ᓅᓂᕕᑦ ᐧᒑᓐ ᑰᐃᕐᑫ, ᐆᒋᒫᔥ ᐁ ᓂᔥᑑᐧᐄᓇᓄᐧᐃᒡ	2018/04/17	96
ᐁ ᐯᔨᑯᔑᑦ ᔐᕆᓪ ᐦᐊᕐᒥᓐ, ᑌᓀᐃ ᐋᔨᒨᐧᐃᓐ ᐁ ᓃᑲᓂᔥᑲᒃ	2018/04/19	97
ᒪᓯᓇᐦᐄᒉᐅᑲᒥᒄ ᐅᐦᒋ ᑳᓈᑖ ᐄᐦᑑᐧᐃᓐ ᐧᐃᓕᔭᒻ ᕕᓭᑦ, ᑳᑎᐯᔨᐦᑕᐦᒃ ᒪᓯᓇᐦᐄᒉᐅᑲᒥᒄ ᐊᐧᐁᓂᒌᒡ ᑳ ᐧᐄᒋᐦᐄᐧᐁᐧᑖᐤ ᐦᐃᔪᐸᕐᑦ ᓗᔅᓰᐃ, ᐋᐸᒋᐦᐋᑲᓐ ᑳ ᐅᐦᒋᑖᒋᑯᐧᐋᑦ ᒋᔐᐆᒋᒫᐤ ᐄᔨᔫᒡ ᐁ ᐄᔑ ᑲᓇᐧᐋᐸᐦᒪᑲᓅᐧᑖᐤ, ᐄᐦᑑᐧᐃᓐᐦ, ᑲᔦᐦ ᐧᐋᔅᑳ ᐊᓂᑦ ᐁ ᐄᐦᑖᐧᑖᐤ/ᐋᔅᒌ
ᐁ ᒫᒨᓇᑲᓄᐧᐃᒡ ᒉᐧᑳᓐ ᑖᓐ ᑳ ᐄᔑ ᓈᓂᑑᒋᔅᒉᔨᐦᑕᑲᓄᐧᐃᒡ ᐅᐦᑦ ᑳᓈᑖ ᐹᒥᓛ ᐯᔅᑦ, ᑳ ᐧᐄᒋᐦᐋᑦ ᑳ ᐅᐦᒋᑖᒋᑯᐧᐋᑦ ᒋᔐᐆᒋᒫᐤ ᐁ ᒫᒨᐧᐄᓇᓄᐧᐃᒡ ᑲᔦᐦ ᐄᔨᔫᒡ ᑳ ᐄᔑ ᓈᓂᑑᒋᔅᒉᔨᐦᒪᑲᓅᐧᑖᐤ ᐁ ᐄᔑ ᑲᓇᐧᐋᐸᐦᑕᑲᓄᐧᐃᒡ ᒋᐦᐧᐋᓐ-ᐲᔦᕐ ᐧᑳᕐᐯᓪ, ᑳ ᐧᐄᒋᐦᐋᑦ ᑳ ᐅᐦᒋᑖᒋᑯᐧᐋᑦ ᒋᔐᐆᒋᒫᐤ ᐁ ᒫᒨᐧᐄᓇᓄᐧᐃᒡ ᑲᔦᐦ ᐄᔨᔫᒡ ᑳ ᐄᔑ ᓈᓂᑑᒋᔅᒉᔨᐦᒪᑲᓅᐧᑖᐤ ᐁ ᐄᔑ ᑲᓇᐧᐋᐸᐦᑕᑲᓄᐧᐃᒡ ᕕᕕᐊᓐ ᐦᐧᐋᐧᑖᓀᓪ, ᑳ ᓈᓂᑐᒋᔅᒉᔨᐦᑕᒃ ᐁ ᒫᒨᐧᐄᓇᓄᐧᐃᒡ ᑲᔦᐦ ᐄᔨᔫᒡ ᑳ ᐄᔑ ᓈᓂᑑᒋᔅᒉᔨᐦᒪᑲᓅᐧᑖᐤ ᐁ ᐄᔑ ᑲᓇᐧᐋᐸᐦᑕᑲᓄᐧᐃᒡ
ᐁ ᐯᔨᑯᔑᑦ ᐁᓕᓐ ᑲᐃᐸᕃᓪ	2018/04/26	99
ᑳ ᓃᑲᐱᔥᑕᐦᒃ ᐄᔨᔫ ᐁ ᐃᒋᔅᑳᓀᓰᔨᒡ ᒋᔐᐆᒋᒫᑲᓐ ᐯᕇ ᐯᓓᑲᕐᑌ ᒥᕌᓐᑖ ᐦᐅᐧᕌᓐ, ᐋᔨᒨᐧᐃᓐ ᐁ ᓃᑲᓂᔥᑲᒃ ᐧᕌᒋᕐ ᐧᒑᐅᓂᔅ, ᐧᐋᐧᐄᑎᐦᒫᒉᓲ ᒋᔐᐆᒋᒫᑲᓐᐦ
ᓃᔥᑕᒻ ᐁ ᐃᑦᔅᑳᓀᓯᐧᑖᐤ ᐃᔨᔫᒡ ᑳ ᐃᔥᐸᔨᒡ ᒋᔅᑯᑕᒫᒉᐧᐃᓐ ᐅᐦᑦ ᑳᓈᑖ ᐋᐧᕌᒃ ᐧᐋᐅᕕᓐᑲᕃᐃ, ᒋᔅᑯᑕᒫᒉᓲ ᐋᐱᐦᑎᐲᐧᐄᔨᔫ ᐊᔨᐦᒨᐧᐃᓐ ᑲᔦᐦ ᐊᔨᒧᐧᐃᓐᐦ ᐁ ᐄᔑ ᑲᓇᐧᐋᐸᐦᑎᑲᓄᐧᐃᒡ, ᐁ ᐅᐦᒋ ᐱᒥᐸᔨᑕᑲᓄᐧᐃᒡ ᐄᔨᔫ ᐊᔨᒧᐧᐃᓐ, ᓈᓇᐦᑰ ᑲᔅᒋᐅᓐᐦ ᑲᔦᐦ ᐃᐦᑑᓐᐦ
ᐁ ᐯᔨᑯᔑᑦ ᒉᕆᒦ ᓭᐧᕌᕐ, ᑳᑎᐱᔨᐦᑕᐦᒃ ᑲᔦᐦ ᑳ ᐆᒋᒫᑦ ᐊᔨᒧᐧᐃᓐ ᑲᔦᐦ ᓈᓇᐦᑰ ᐊᔨᒧᐧᐃᓐ, ᑳ ᐊᔥᐸᔨᒡ ᒋᔅᑯᑕᒫᒉᐧᐃᓐ ᐦᐧᐋᑏᐧᐋ	2018/05/01	100
ᑳᓂᑲᓂᔥᑲᓄᐧᐃᒡ ᐅᐦᒋ ᓈᓇᐦᑰ ᐋᐸᐦᑎᓰᐧᐃᓐᐦ ᑲᔦᐦ ᒋᔐᐆᒋᒫᐤ ᐋᐸᐦᑎᓰᐧᐃᓐᐦ ᒫᑎᔫ ᐧᐹᓪ, ᐧᐁᔨᐹᔑᔥ ᐁ ᐅᐦᒋ ᑖᐦᒋᑯᐧᐋᑦ ᐆᒋᒫᐤ ᔅᑌᐹᓐ ᑌᕇ, ᒋᔐᐆᒋᒫᐤ ᐁ ᐃᑌᔥᑕᒪᑎᑲᓄᐧᑳᐤ ᒪᓯᓇᐦᐄᑲᓐᐦ
ᐄᔨᔫ ᐋᔅᒌᒡ ᐧᐋᔅᑳ ᒉᐃᒥᔅ ᐯᐃ ᒋᔐᐆᒋᒫᐤ ᐧᒑᐋᓐ ᓛᑲᓰ, ᑳᑎᐯᔨᐦᑕᐦᒃ ᐋᐸᐦᑎᓰᐧᐃᓐᐦ ᒥᓓᓵ ᓵᑲᓈᔥ, ᑳᑎᐯᔨᐦᑕᐦᒃ ᐄᔨᔫ-ᑯᐯᒃ ᐁ ᒫᒨᐋᔨᒥᐦᐄᑑᓇᓄᐧᐃᒡ ᐄᔨᔫ ᒋᔐᐆᒋᒫᐤ, ᑳ ᐅᐦᒋ ᑖᒋᔥᑯᐧᐋᐧᑖᐤ ᑳ ᓃᑳᓇᐱᔥᑕᒥᔨᒡ
ᑳᓈᑖ ᐃᑌᔥᑕᒪᒉᓲᒡ ᐁ ᒫᒨᐱᔥᑕᐧᑳᐤ ᒫᓕᑲᒻ ᐧᐁᓕᔭᒥᔅ, ᑳ ᐅᐦᒋ ᑖᒋᔥᑯᐧᐋᐧᑖᐤ ᑳ ᓃᑳᓇᐱᔥᑕᒥᔨᒡ ᐁ ᓂᑐᐧᐋᐦᑕᑲᓅᔨᒡ	2018/05/03	101
ᔅᐧᑳᑎᔥ ᐄᔨᔫ ᒋᔐᐅᒋᒪᐅᑲᒥᑯᐦᒡ ᐸᐧᕌᐧᐃᓐ ᐸᕃᐃᑏ, ᑳ ᐧᐄᒋᐦᐄᐧᐁᑦ ᐁ ᑲᓇᐧᐋᐸᐦᑕᒃ ᒪᓯᓇᐦᐄᑲᓐᐦ, ᐁ ᒫᒨᓯᓇᐦᐋᒃ ᑖᓐ ᑳ ᐃᔅᐸᔨᔨᒡ ᕉᕪ ᐧᑳᓐᓀᓖ, ᑳ ᓃᑳᓂᐱᔥᑕᐦᒃ ᐁ ᑎᐹᒋᒧᓈᓅᔨᒡ ᓕᓐᑖ ᐅᕐᑎᓐ, ᑳ ᓃᑳᓂᐱᔥᑕᐦᒃ ᒋᔅᒉᔨᐦᑕᒧᐧᐃᓐ ᑲᔦᐦ ᓈᓇᐦᑰ ᒪᓯᓇᐦᐄᑲᓐᐦ
ᒋᔐᐅᒋᒪᐅᑲᒥᑯᐦᒡ ᐁ ᓂᔥᑐᐧᐄᐧᑖᐤ ᒋᐧᐁᑖᓄᑖᐦᒡ ᐋᔅᒌᔨᒡ ᒫᐃᑲᓪ ᑖᑎᐦᐊᒻ, ᐆᒌᒫᔥ ᒋᔐᐅᒋᒪᐅᑲᒥᑯᐦᒡ	2018/05/23	104

 

 

ᓈᓇᑰ ᒪᓯᓇᐦᐄᒉᐅᑲᒥᒄᐦ ᑲᔦᐦ ᐸᐯᔨᒃ ᐊᐧᐁᓂᒌᒡ

ᐁ ᐃᑎᔅᑲᓀᓰᒥᑯᒡ ᒋᔐᐅᒋᒫᐅᑲᒥᑯᒡ ᐅᑦᐦ ᑯᐯᒃ

 

ᐁ ᒪᓯᓈᑌᒡ ᑖᓐ ᑳ ᐄᔑ ᐋᔨᒨᑕᑲᓄᐧᐃᒡ ᐁ ᓂᔥᑐᐧᐄᓇᓄᐧᐃᒡ

ᐁᐅᒄ ᐆ ᐁ ᒪᓯᓈᑌᐦᒡ ᑖᓐ ᑳ ᐄᔑ ᐋᔨᒨᑕᑲᓄᐧᐃᒡ ᐁ ᓂᔥᑐᐧᐄᓇᓄᐧᐃᒡ (ᐁ ᓂᔥᑐᐧᐄᓇᓄᐧᐃᒡ  ᐊᒋᔅᑖᓲᓐᐦ. 93, 94, 95, 96, 97, 99, 100, 101, 102, 104, 105, 108 et 116) ᑳ ᐋᔨᒨᑕᑲᓄᐧᐃᒡ.

ᐁ ᒋᔅᑌᔨᐦᑖᒃ ᐁ ᐸᒋᔅᑕᓈᒃ,

ᒋᔐᐆᒋᒪᐅᐊᐸᒋᐦᐋᑲᓐ ᓛᕇ ᐹᒃᓀᒡ, C.P., député

ᑳ ᓃᑲᓂᐱᔥᑕᒃ